Filipino sa Piling Larang (Modyul 1 para sa Sariling Pagkatuto

​Filipino sa

Piling Larang

( Akademik)

By Edgar Monte

MGA INAASAHAN

Sa pagtatapos ng aralin, kayo ay inaasahang:

1.Nabibigyang kahulugan ang pagsulat;

2.Nabibigyang-kahulugan ang akademikong pagsulat; at

3.Nailalarawan ang pagsulat batay sa mga pananaw hinggil dito.

PAUNANG PAGSUBOK

Panuto:Isaayos ang mga ginulong letra na may kaugnayan sa pagsulat

upang maibigay ang wastong sagot sa bawat bilang .

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

ARALIN

Ano nga ba ang kahulugan ng pagsulat?
Ang pagsulat ay pagsasalin sa papel o sa anomang kasangkapang maaaring magamit na mapagsasalinan ng mga nabuong salita, simbolo at ilustrasyon ng isang tao o mga tao sa layuning maipahayag ang kanyang/ kanilang kaisipan.

Ito ay kapwa isang pisikal at mental na aktibiti na ginagawa para sa iba’t ibang layunin. Ito ay pisikal na aktibiti sapagkat ginagamit dito ang kamay at mata. Mental na aktibiti rin ito sapagkat hindi maaaring hindi gamitin ang utak sa pagsusulat.

Hindi biro ang gawaing pagsulat. Nangangailangan ng puspusang mental at konsiderableng antas ng kaalamang teknikal at pagkamalikhain ang pagsuong sa gawaing ito.

Anumang bansa ay makapagpapatunay na pagsulat ang bumubuhay at humuhubog sa kaganapan ng ating pagiging tao dahil ang pagsulat ay tagapag-alaga at tagapag-ugnay ng noon sa ngayon, higit sa lahat tagapagpakilala ito ng bawat henerasyon.

Ayon kina Xing at Jin (1989, sa Bernales, et.al., 2006), ang pagsulat ay isang komprehensibong kakayahang naglalaman ng wastong gamit, talasalitaan,pagbubuo ng kaisipan, retorika at iba pang mga elemento. Kaugnay nito ang pakikinig, pagsasalita at pagbasa. Komprehensibo ang pagsulat sapagkat bilang isang makrong kasanayang pangwika, inaasahang masusunod ng isang manunulat ang maraming tuntuning kaugnay nito. Kung gayon, maituturing ito bilang isang mataas na uri ng komunikasyon sapagkat esensyal dito ang napakaraming elemento at rekwayrment ng gramatika at bokabularyo.

Sinabi ni Badayos (2000) na ang kakayahan sa pagsulat nang mabisa ay isang bigay na totoong mailap para sa nakararami sa atin maging ito’y pagsulat sa unang wika o pangalawang wika man. Ito ay nangyayari sa kabila ng maraming taong ginugugol natin sa pagtatamo ng kasanayang ito. Sa pagkakataong ito, maaaring tanggapin na ang pagsulat ay isang kasanayang pangwika na mahirap matamo.Subalit mayroon tayong magagawa. Napag-aralan ang wasto at epektibong pagsulat.

Ayon naman kay Keller (1985, sa Bernales, et al.,2006), ang pagsulat ay isang biyaya, isang pangangailangan at isang kaligayahan ng nagsasagawa nito.Isang biyaya ito sapagkat ito ay isang kasanayang kaloob ng Maykapal at eksklusibo ito sa tao. Isa itong pangangailangan sapagkat kasama ang kasanayang pakikinig, pagbasa at pagsasalita, ay may malaking impluwensya ito upang maging ganap ang ating pagkatao. Isa itong kaligayahan sapagkat bilang isang sining, maaari itong maging hanguan ng satispaksyon ng sino man sa kanyang pagpapahayag ng nasasaisip o nadarama.

Samantala, ganito naman ang paglalarawan nina Peck at Buckingham (sa Bernales, et al., 2006) sa pagsulat: Ang pagsulat ay ekstensyon ng wika at karanasang natamo ng isang tao mula sa kanyang pakikinig, pagsasalita at pagbabasa.

MGA PAGSASANAY

A.Panuto.Isulat ang Tama kung wasto ang pahayag at Mali kapag

hindi wasto ang pahayag.Isulat sa kwaderno o malinis na papel.

B. Panuto:Punan ang patlang ng tamang sagot.

Open Ended

C.Panuto: Sumulat ng sanaysay na naglalaman ng iyong pananaw hinggil sa

“Bakit kailangan magsulat?” at isulat ito sa kwaderno o sa papel.

Open Ended

PAGLALAHAT

Panuto: Ipaliwanag sa iyong kwaderno o sa isang malinis na papel ang

sumusunod na salita gamit ang iyong sariling pangungusap.

1.Pagsulat

2.Pisikal na aktibiti

3.Mental na aktibiti

4.Pag-iisip at Pagsulat

5.Kalidad ng Pagsulat

Draw

PAGPAPAHALAGA

Ngayong nalaman mo na ang kahulugan ng pagsulat, iyong pagnilayan

at tangkaing sagutan ang tanong na nasa ibaba.Ilagay ito sa isang buong

puting papel.

Paano mo bibigyang-halaga ang pagsulat sa pang-araw – araw na buhay?

Gawin ito sa pamamagitan ng paggawa ng poster

PANAPOS NA PAGSUSULIT

Panuto: Basahin at unawaing mabuti ang bawat pahayag. Kung ito ay tama, isulat ang T at kung mali, isulat ang M,pagkatapos isulat ang pinaka tamang salita na tinutukoy. Isulat ang sagot sa iyong notebook o kuwaderno.

Multiple Choice

Ayon kay Badayos ang pagsulat ay ekstensyon ng wika at karanasang

natamo ng isang tao mula sa kanyang pakikinig, pagsasalita at pagbabasa.

• Tama

• Mali

Multiple Choice

Inilahad ni Xing at Jin na ang pagsulat ay isang komprehensibong

kakayahang naglalaman ng wastong gamit, talasalitaan,pagbubuo ng

kaisipann, retorika at iba pang mga elemento.

• Tama

• Mali

Multiple Choice

Ang pagsulat ay isang pisikal at mental na aktibiti na ginagawa para sa

iba’t ibang layunin.

• Tama

• Mali

Multiple Choice

Sinabi rin nina Peck at Buckingham na ang pagsulat ay isang

komprehensibong kakayahang naglalaman ng wastong gamit,

talasalitaan,pagbubuo ng kaisipann, retorika at iba pang mga elemento.

• Tama

• Mali

Multiple Choice

Nagbahagi rin si Keller na ang pagsulat ay isang biyaya, isang

pangangailangan at isang kaligayahan ng nagsasagawa nito

• Tama

• Mali