Special Work

Ano pangunahing suliranin ng tao na tinutugunan ng ekonomiks?

• Labis na dami ng pinagkukunang-yaman ng lipunan at kakaunting pangangailangan at hilig-pantao.

• Kakapusan ng mga pinagkukunang-yaman ng lipunan at dumaraming mga pangangailangan at hilig-pantao.

• Pagsugpo sa paglaki ng populasyon sa daigdig.

• Pagpapalawak ng kaalaman sa teknolohiya.

Alin sa mga sumusunod na dahilan ang nagpapatunay na ang ekonomiks ay ay isang agham panlipunan?

• Pinag-aaralan dito kung paano nagtutulungan ang mga tao upang matugunan ang kanilang materyal na pangangailangan at mapataas ang antas ng kabuhayan.

• Nagbibigay ito ng mga suhestiyon upang maging mapayapa ang ating daigdig.

• Pinag-iisipan sa araling ito kung paano magkakamal ng salapi ang tao.

• Pinag-aaralan dito kung paano natin mahihigitan ang kita ng ating kapwa tao.

Ang mga sumusunod na mga konsepto ay nagbibigay ng kahulugan ng ekonomiks. Alin ang pinakaangkop na kahulugan?

• Pagpapalago ng negosyo at kabuhayan ng mga tao sa bansa.

• Pagpapayaman upang maging bahagi ng mataas na lipunan.

• Paggamit at pagbabahagi ng mga pinagkukunang-yaman ng lipunan upang makabuo ng mga produkto at serbisyong makatutugon sa mga paparaming pangangailangan at hilig-pantao.

• Paggamit at pagbabahagi ng pinagkukunang-yaman ng lipunan at paglikha ng mataas na kalidad na produkto at serbisyong makatutugon sa mga paparaming pangangailangan at hilig-pantao sa presyo at paraang pinakamatipid.

Malaki ang bahaging ginagampanan ng ekonomiks sa lipunan. Alin sa mga pangungusap ang nagsasaad ng diwang ito?

• Sa tulong ng pagsusuri sa ekonomiks, napaghahagdan-hagdan ang katayuan ng mga tao sa lipunan kayat nauuuri natin ang mahihirap, nakaririwasa, at mayayaman.

• Upang tumaas ang ekonomiya ng isang bansa, kailangang sundin nito ang mga patakaran ng mayayamang bansa.

• Ang paglikha ng mga produktong tutugon sa anumang hilig-pantao ay mahalaga kayat dapat ipagpatuloy and produksyon ng mga ito kahit na masira ang mga yamang likas sa daigdig.

• Sa pamamagitan ng pag-aaral ng ekonomiks, nakatutuklas ng paraan upang patuloy na tumaas ang antas ng kita, empleyo, seguridad, at kagalingang panlipunan ng mga mamamayan sa isang bansa.

Ang pangalawang sangay ng pag-aaral ng ekonomiks ay nagsusuri ng mga impluwensiya ng kalakalan sa pagtaas ng pambansang kita, paglawak ng pandaigdigang pamilihan, at pagtaas ng antas ng pamumuhay ng mga tao sa daigdig. Ano naman ang tawag sa sangay na ito?

• globalisasyon

• makro-ekonomiks

• maykro-ekonomiks

• kapitalismo

Ang pinagkukunang-yaman ng mundo ay may kakapusan. Alin sa mga sumusunod ang hindi tamang paliwanag ng konsepto ng kakapusan?

• Hindi nakasasapat ang mga yamang likas upang maibigay ang lahat ng hilig- pantao kayat lumilikha ang mga tao ng iba pang mga produkto upang mapunan ang marami pa nilang pangangailangan at mga hilig.

• Hindi lubos na nakasasapat ang pinagkukunang-yaman upang matugunan ang lahat ng pangangailangan ng mga tao sa mundo.

• Ang kalikasan ay mauubusan ng mga likas na yaman kung hindi gagamitin nang wasto ang mga ito.

• May kakapusan ang pinagkukunang-yaman ng daigdig dahil malapit nang magwakas ang daigdig.

Ang mga sumusunod ay nagpapakita ng dahilan ng kakapusan MALIBAN sa isa. Ano ito?

• Dahil sa hindi matapos-tapos na kagustuhan at pangangailangan ng mga tao.

• Dahil sa mga limitadong pinagkukunang yaman sa loob ng bansa.

• Dahil sa hindi tamang paggamit sa mga likas na yaman na meron ang isang bansa.

• Dahil sa mga taong responsable sa paggamit ng bagay na alam nilang maaaring maubos din.

Alin sa sumusunod ang pinakaangkop na kahulugan ng ekonomiks kung ang pagbabatayan ay ang konsepto ng kakapusan?

• Ito ay tumutukoy sa pag-aaral upang matutugunan ang walang katapusang pangangailangan at kagustuhan ng tao sa harap ng kakapusan.

• Ito ay tumutukoy sa agham ng pag-uugali ng tao na nakakaapekto sa kanyang rasyonal na pagdedesisyon.

• Ito ay pag-aaral ng tao at ng lipunan kung paano haharapin ang mga suliraning pangkabuhayan.

• Ito ay masusing pagpapasya ng tao sa pagtugon sa mga suliraning pangkabuhayan na kanyang kinakaharap.

Ang mga sumusunod na sitwasyon ay nagpapakita ng palatandaan ng konsepto ng kakapusan MALIBAN sa isa. Ano ito?

• Ang yaman ng bansa ay dapat gamitin ng tama sapagkat ito ay may limitasyon lamang.

• Ang mga yamang mineral ng bansa ay pinag-aaralan ng pamahalaan kung paano gagamitin sapagkat ito ay hindi napapalitan.

• Ang malaking parte ng kagubatan sa Pilipinas ay unti-unti nang nakakalbo na ikinababahala ng pamahalaan.

• Maraming nagrereklamong mamamayan sa hindi makatarungang pagtatago ng produkto ng mga negosyante dahilan upang magkulang ang bilihin sa merkado.

Alin sa mga sumusunod ang pangunahing suliranin ng tao na tinutugunan ng ekonomiks?

• Labis na dami ng pinagkukunang-yaman ng lipunan at kakaunting pangangailangan at hilig-pantao.

• Kakapusan ng mga pinagkukunang-yaman ng lipunan at dumaraming mga pangangailangan at hilig-pantao.

• Pagsugpo sa paglaki ng populasyon sa daigdig.

• Pagpapalawak ng kaalaman sa teknolohiya.