TUGAS BHS JAWA KLS 8

Peksi Jatayu

Rajaning peksi menika asmanipun Jatayu. Piyambakipun dados mitra kenthelipun Raja Dasarata. Nalika sumerep bilih putra saking mitranipun dipuncidra dening Rahwana, Jatayu enggal-enggal paring tetulung. Kreta kencana dipuntrajang kemawon lajeng Sinta dipun rebat. Nanging Rahwana nggegegi, boten nguwalaken, dedreg udreg-udregan, rebatan Sinta wonten ing gegana. Eman, dene Jatayu kalindhih, dipuntatoni saha dipunajar dening Rahwana. Salah satunggaling swiwi sengkleh tugel. Taksih megap-megap dipuntendhang, kumleyang ing awang-awang. Lajeng dhawah ing siti klebekan.

Laju lampahing kretanipun Rahwana nggondhol Sinta. Badanipun Sinta lungkrah boten kanten-kantenan dipunceneng-ceneng kangge rebatan. Sakedhap-sakedhap polah nedya uwal nanging tetep kasikep dening Rahwana ingkang linambaran raos nepsu lan kasmaran dhateng Sinta. Sinta namung saged nangis sesenggukan. Sekar cundhuk, gelang tuwin kalungipun sami dhawah pating kececer. Sinten kemawon boten tegel menawi sumerep kawontenan saha polahipun menapa dene mireng tangis pisambatipun Sinta. Nanging raos menika boten dipungadhahi dening Rahwana.

Dumugi ing Nagari Alengka, Sinta dipunsumerepi kaendahaning kraton, prabot ingkang sakalangkung edi peni, mawarni-warni rerenggan, mas, intan, lan barleyan. Nanging sedaya kala wau boten dipun rewes dening Sinta. Rahwana pengin supados Sinta menika purun dados garwanipun. Pepenginan menika boten dipungugu, Sinta malah cariyos bilih taksih piyambakipun taksih enget lan tansah setya dhateng Rama.

Mireng mekaten, Rahwana muntab nesunipun lajeng paring prentah dhateng raseksi ingkang galak ndrawasi supados njagi Sinta. Wonten ing wana, Rama kaliyan Lesmana kaget amarga nalika kondur saking beburu kidang kencana boten sumerep Sinta. Rama manggihi sekar cundhuk tuwin saperanganing anggen-anggenipun Sinta manika sami pating kececer. Rama duka sanget amarga mangertosi bilih sejatosipun Sinta sampun dipunpundhung utawi dipunculik.

Rama kaliyan Lesmana lajeng madosi Sinta ngantos dumugi wonten ing panggenanipun Jatayu menika taksih sekarat. Jatayu lajeng nyariosaken lelampahanipun Sinta ingkang dipunplayokaken dening Rahwana. Sasampunipun paring pitudhuh marang Rama, Jatayu nemahi seda. Raganipun Jatayu lajeng dipunkremasi dening Rama kaliyan Lesmana. Tiyang kalih wau lajeng njujug lakunipun Rahwana ngantos dumugi ing Alengka.Wonten ing Alengka, Rama bungah amarga saged manggihi Sinta kanthi boten kirang setunggal menapa. Tiyang tetiganipun lajeng budhal saking negari Alengka kanthi slamet.

(Nita Yulinawati.blogspot.com)

Rajaning peksi menika asmanipun ….

• Rama

• Sinta

• Jatayu

• Lesmana

Jatayu enggal-enggal paring tetulung amargi ….

• sumerep putra saking mitranipun dipuncidra dening Rahwana

• badanipun Sinta dipunceneng-ceneng kangge rebatan

• Rahwana nggegegi, boten nguwalaken Dewi Sinta

• Rama kaliyan Lesmana lajeng madosi Sinta

Sinten kemawon boten tegel menawi sumerep kawontenanipun Sinta amargi ….

• Rahwana pengin supados Sinta menika boten purun dados garwanipun

• sejatosipun Sinta sampun dipunpundhung utawi dipunculik dening Rahwana

• dipunsumerepi kaendahaning kraton, prabot ingkang edi peni, mawarni-warni

• Sinta sesenggukan, sekar cundhuk, gelang tuwin kalungipun sami dhawah pating kececer

Dumugi ing Nagari Alengka, Sinta dipunsumerepi ….

• mawarni-warni rerenggan, tembaga, mas, intan, lan barleyan

• kaendahaning kraton, prabot ingkang sakalangkung edi peni

• sekar cundhuk tuwin saperanganing anggen-anggenipun

• Jatayu kalindhih salah satunggaling swiwi sengkleh tugel

Wonten ing wana, Rama kaliyan Lesmana kaget amargi ....

• Jatayu nyariosaken lampahanipun Sinta dipunplayokaken dening Rahwana

• nalika kondur saking beburu kidang kencana boten sumerep Sinta

• laju lampahing kretanipun Rahwana nggondhol Sinta

• Rahwana nggegegi, boten nguwalaken Dewi Sinta

Piwulang Serat Wulangreh Pupuh Kinanthi:

Padha gulangen ing kalbu,

ing sasmita amrih lantip,

aja pijer mangan nendra,

kaprawiran den kaesthi,

pesunen sariranira,

sudanen dhahar lan guling.

Dadiya lakuniraku,

cegah dhahar lawan guling,

lawan aja sukan-sukan,

anganggowa sawatawis,

ala watake wongsuka,

nyuda prayitnaning batin.

Yen wus tinitah wong agung,

ywa sira gumunggung dhiri,

aja nyelakaken wong ala,

kang ala laku nireki,

nora wurung ngajak-ajak,

satemah anenulari

Nadyan asor wijilipun,

yen kelakuwane becik,

utawa sugih cerita,

carita kang dadimisil,

iku pantes raketana,

darapon mundhak kang budi.

Piwulang Serat Wulangreh pupuh Kinanthi ing dhuwur dumadi saka … pada.

• 1

• 2

• 3

• 4

Saben sapada tembang Kinanthi iku dumadi saka … gatra.

• 5

• 6

• 7

• 8

Paugerane guru wilangan lan guru lagu tumrap gatra kang pungkasan yaiku ….

• 6a

• 7u

• 8i

• 5i

Pitutur luhur kang kudu ditindakake dening para mudha manut andharan pada siji yaiku ….

• aja gumunggung dhiri

• nyuda prayitnaning batin

• aja nyelakaken wong ala

• nyuda dhahar lan guling

Sipat becik iku kudu ….

• didohi

• ditonton

• dituladha

• dirembug