1st Grading - Panimulang Pagtataya

Alin sa isa sa limang tema ng heograpiya na tumutukoy sa bahagi ng daigdig na may magkakatulad na katangiang pisikal o kultural?

• lokasyon

• lugar

• paggalaw

• rehiyon

Anong panahon sa kasaysayan ng daigdig ang itinuturing na pinakamaagang panahon sa pag - unlad ng tao batay sa mga ginamit na kasangkapan at naging hudyat din ngpagtatapos ng Panahong Pleistocene?

• Mesolitiko

• Metal

• Neolitiko

• Paleolitiko

Ano ang tumutukoy sa maunlad na pamayanan at mataas na antas ng kulturang kinakitaan ng organisadong pamahalaan, kabuhayan, relihiyon, mataas na antas ng teknolohiya, at may sistema ng pagsulat?

• imperyo

• kabihasnan

• kalinangan

• lungsod

Ano ang tanyag na gusali sa Babylonia na ipinagawa ni Nebuchadnezzar para sa kaniyang asawa at kabilang sa "Seven Wondersof the Ancient World"?

• Alexandria

• Hanging Gardens

• Pyramid

• Ziggurat

Alin sa sumusunod ang suliraning maaaring idulot ng pagkakaroon ng maraming wika sa isang bansa?

• Mahirap makamit ang pag-unlad ng ekonomiya.

• Maraming sigalot sa mga bansa.

• May posibilidad na maraming mamamayan ang hindi magkaunawaan.

• Walang sariling pagkakakilanlan.

Aling pahayag ang may maling impormasyon tungkol sa mga yugto ng pag-unlad ng tao?

• Pinakinis na bato ang gamit noong panahong Neolitiko.

• Umunlad ang sistema ng agrikultura sa panahong Paleolitiko.

• Ang sistema ng agrikultura ang nagbunsod sa pagkakaroon ng kalakalan.

• Dumami ang maaaring gawin ng mga tao nang gumamit na sila ng metal.

Paano pinahalagahan sa kasalukuyang panahon ang mga pamana ng mga sinaunang tao?

• Mas maunlad ang mga kabihasnan noon kung ihahalintulad sa mga kabihasnan sa kasalukuyang panahon.

• Karaniwan lamang ang mga nagawa ng mga sinaunang tao kung kaya't kaunti ang kanilang mga ambag.

• Patuloy na hinahangan at tinatangkilik ng tao sa kasalukuyan ang mga pamanang ito.

• Limitado lamang ang kakayahan ng mga sinaunang tao upang makagawa ng mga kahanga-hangang bagay sa daigdig.

Alin sa sumusunod na pahayag ang tumutukoy sa konsepto ng lugar bilang isa sa tema ng pag-aaral ng heograpiya?

• Ang Germany ay miyembro ng European Union.

• Malaking bahagi ng populasyon ng Pilipinas ang mga kristiyano.

• Ang Singapore ay isa sa mga bansang dinarayo ng mga dayuhang mamumuhunan.

• Matatagpuan ang Pilipinas sa kanluran ng Pacific Ocean, timog ng Bashi Channel, at silangan ng West Philippine Sea.

Paano mapananatili ang mabuting ugnayan ng mga tagasunod ng iba't ibang relihiyon sa kabila ng pagkakaiba ng kanilang mga paniniwala?

• Huwag pansinin ang mga taong may ibang relihiyon.

• Makisalamuha sa mga taong may magkakatulad na relihiyon.

• Gawing makatuwiran ang mga taliwas na paniniwala ng ibang relihiyon.

• Panatilihin ang paggalang sa bawat isa kahit may magkakaibang relihiyon.

Paano napakikinabangan sa kasalukuyan ang sistemang agrikultura na pinasimulan ng mga sinaunang tao noong panahong Neolitiko?

• Agrikultura ang tanging ikinabubuhay natin sa kasalukuyan.

• Walang pagbabago sa sistema ng agrikultura upang magkaroon tayo ng sapat na pagkain.

• Limitado ang karne dahil hindi marunong ang mga makabagong tao na magpaamo ng hayop.

• Isa ang agrikultura sa pangunahing kabuhayan at pinagkukunan ng pagkain ng mga tao sa kasalukuyan.