Ujian Tulis Bahasa Jawa

Wacan kanggo soal nomor 1-5

Perang Baratayuda

Prabu Abiyasa kagungan putra kakung telu. Dhestharasta, Pandhu, lan Yamawidura. Pandhu dhaup kalian Dewi Kunthi, peputra kakung telu: Punthadewa, Bima, lan Arjuna. Dene karo Dewi Madrim peputra kakung kembar : Nakula lan Sadewa. Amarga putrane lima kakung kabeh mula diarani Pandhawa Lima. Dene Raden Dhestharastra dhaup kalian Dewi Gendari kagungan putra satus diarani sata kurawa. Tegese kurawa cacah satus, kakung 99 lan putri siji aran Dewi Dursilawati.

Bareng prabu Abiyasa wis sepuh, Negara Astina dipasrahke marang putrane. Amarga Dhestharastra wuta, Negara Astina banjur diparingke Raden Pandhu. Raden Pandhu jumeneng nata ing Astina jejuluk Prabu Pandhu Dewanata. Pandhu jumeneng nata ora suwe jalaran isih timur uwis seda. Wektu iku putrane isih cilik-cilik. Mula kraton dititipke marang Dhestharasta. Bareng bocah lima wis dewasa kepingin njaluk bali Negara Astina. Sanadyan mung arep njaluk separo, nanging ora oleh. Wusana dadi perang gedhe, aran perang Baratayuda. Pandhawa dibiyantu dening Prabu Kresna lan Kurawa dibiyantu dening Resi Druna.

Perang Baratayuda suwene 18 dina. Papane ana ing Tegal Kurusetra. Kurawa sing cacahe 100 katambah para panggedhene nagara lan prajurit kang gugunge akeh mati kabeh. Mangkono uga Pandhawa kelangan anak lan wadyabala. Dene Pandhawa lima sing bisa menangke peperangan. Negara Astina kasil bali ing Pandhawa. Sabanjure kang jumeneng nata ing Astina yaiku Prabu Parikesit putrane Raden Abimanyu.1.

Sapa putrane Prabu Abiyasa?

Putrane Prabu Abiyasa yaiku . . . .

• Pandhu, Dewi Kunthi, lan Dewi Madrim

• Pandhu, Suyudana, lan Dhestharastra

• Dhestharastra, Pandhu, lan Yamawidura

• Puntadewa, Bima, Arjuna, Nakula, lan Sadewa

Apa sebabe Astina dititipke Prabu Dhestharastra nalika Prabu Pandhu seda?

• Prabu Abiyasa sampun sepuh

• Pandhawa kalah cacah timbang kurawa

• Raden Jaka Pitana uwis ngancik dewasa

• Para putra Prabu Pandhu isih ciclik-cilik

Genea Dhestharastra ora bisa dadi ratu?

Dhestharastra ora bisa dadi ratu amarga . . . .

• wutha

• putrane 100

• serakah

• ora bisa adil

Ing ngendi papane perang Baratayuda?

• Alun-alun Astina

• Tegal Kurusetra

• Randu Watangan

• Ngalas tegal kuru

Kepriye hasile perang Baratayuda?

• Pandhawa lan Kurawa tumpes tapis ora ana sing urip

• Kurawa lan Pandhawa padha saktine ora ana sing menang

• Kurawa menang, Prabu Jaka Pitana jumeneng nata saklawase

• Pandhawa menang, ingkang jumeneng nata Prabu Parikesit

Woh aren arane kolang kaling, yen woh cengkeh arane . . . .

• Pocung

• Klentheng

• Janggeng

• Polong

Gatekno ukara-ukara ing ngisor iki!

1. Trus esuke wis dadi tempe siap didol

2. Dele digodhog nganti empuk

3. Dele dikum banyu suwene rong jam trus dibuang

banyune

4. Dele sing wis empuk trus didhemke

5. Cetakan ditutup rapet sawengi supaya thukul jamure

6. Dele dicampur ragi trus dicetak

Urutan ukara-ukara ing dhuwur supaya dadi alinia sing runtut yaiku . . . .

• 2 – 1 – 3 – 5 – 4 – 6

• 3 – 4 – 1 – 2 – 5 – 6

• 3 – 2 – 4 – 6 – 5 – 1

• 3 – 2 – 4 – 1 – 5 – 6

Wacan kanggo nomer 8 lan 9

Raden Pinten lan Raden Tangsen

Raden Pinten lan Raden Tangsen iku satriya kembar. Kembar rupa, busana lan swara. Putra Prabu Pandhu kalian Dewi Madrim. Klebu kandang Pandhawa. Pinten iku Nakula sing kakang ragil, Tangsen iku Sadewa sing ragil. Dewi Madrim sedo konduran nalika nglairake si kembar, mula banjur digulawethah dening Dewi Kunthi.

Ing lakon Bale Sigala-gala, Pinten lan Tangsen isih bocah cilik. Katut diobong ing sajroning Bale Sigala-gala. Tujune isih diayomi dening Gusti kang akarya jagad. Nalika Pandhawa lan ibune tekan alas Pramanakoti, wilayah Negara Prenggodani, Pinten lan Tangsen nangis sambat luwe wetenge. Dewi Kunthi keranta-ranta penggalihe. “O, kembar anakku. Umpama rambutku iki payu takdol, takkethok, takjolake pangan kanggo maregi wetengmu.”

Miturut crita ing dhuwur watake Dewi Kunthi, yaiku . . . .

• Ora sabaran

• Welas asih

• Gampang duka

• Seneng nggresula

Pitutur kang trep miturut crita ing dhuwur yaiku . . . .

• Seneng jaluk tulung marang liyan

• Seneng tetulung marang sapa wae

• Aja daksia marang wong liyan

• Sawiyah –wiyah marang sapadha-padha

Pak Marta duwe pekarangan sing jembar lan subur, mula ditanduri pala kirna. Sing kalebu pala kirna yaiku . . . .

• Jeruk, nangka, pelem, klapa.

• Kates, gedang, klapa, jeruk

• Jagung, kedhele, tela, timun

• Semangka, timun, krai, waluh