Հայ գրականություն․ Րաֆֆի, Պարոնյան

Ե՞րբ և որտե՞ղ է ծնվել Րաֆֆին․

• 1855 թ․ Պարսկաստանի Սալմաստ գավառի Սավրա գյուղում

• 1835 թ․ Պարսկաստանի Սպահան գավառի Սպահան քաղաքում

• 1835 թ․ Պարսկաստանի Սալմաստ գավառի Փայաջուկ գյուղում

• 1865 թ․ Պարսկաստանի Սալմաստ գավառի Հաֆթվան գյուղում

Ո՞ր պնդումներն են սխալ Րաֆֆու ստեղծագործության վերաբերյալ․

• Րաֆֆին ստեղծագործության 2-րդ շրջանում գրել է պարսկահայերի կյանքի մասին և սոցիալական թեմայով գործեր։

• ,,Սալբի,, վեպը նախապես գրվել է գրաբարով։

• Րաֆֆու ստեղծագործության 1-ին շրջանը ընդգրկում է ազգային-ազատագրական պայքարի մասին ծրագրային վեպերը՝ ,,Ջալալեդդին,, , ,,Խենթը,, , ,,Կայծեր,,։

• Րաֆֆու ստեղծագործության 3-րդ շրջանը առանձնանում է պատմական թեմաների արծարծմամբ․ գրում է ,,Դավիթ Բեկ,, , ,,Պարույր Հայկազն,, և ,,Սամվել,, պատմավեպերը։

• Րաֆֆին ռոմանտիզմի հետևորդ էր։

Ո՞ր պնդումն է սխալ ,,Սամվել,, պատմավեպի վերաբերյալ․

• Վեպը կազմված է 4 գլխից և ,,Փակագծերի մեջ,, պատմաքննական մասից:

• Վեպի հիմքը ազգապահպանության գաղափարն է։

• Վեպի գաղափարը Րաֆֆին հղացել է ցարական կառավարության կողմից հայոց դպրոցները փակելու որոշման առիթով։

• Վեպը անավարտ է, և մի քանի սյուժետային գծեր ավարտված չեն։

Ո՞ր պատմիչներից է օգտվել Րաֆֆին ,,Սամվելը,, գրելիս։

• Մովսես Խորենացի

• Եղիշե

• Ագաթանգեղոս

• Փավստոս Բուզանդ

Պնդումներից որո՞նք են սխալ Րաֆֆու ,,Սամվել,, վեպի վերաբերյալ։

• Վեպում Րաֆֆին գրում է, որ բազմակնությունը հայոց նախարարների շրջանում սովորական բան էր։

• Որմիզդուխտը՝ Վահան Մամիկոնյանի կինը, ջերմ համակրանք էր տածում Սսմվելի նկատմամբ։

• Սամվելի մայրը՝ Տաճատուհին, թեև ընդունել էր պարսից կրոնը, սակայն չէր սիրում պարսից կանանց արդուզարդը և կենցաղը։

• Վեպում Մերուժան Արծրունուն Բագրատունյաց իշխանը շիկացրած երկաթյա թագով թագադրում է։

Պնդումներից ո՞րն է սխալ ,,Սամվել,, պատմավեպի վերաբերյալ։

• Սամվելը իր հայացքներով ի սկզբանե տարբերվում է ընտանիքի մյուս անդամներից՝ ներքուստ ընդդիմանալով մոր պարսկասիրությանը։

• Սամվելն իր ձեռքով սպանում է ազգադավ հորն ու ուրացող մորը, բայց նրա արարքը չի արժանանում բազմության հավանությանը։

• Սամվելը, Սահակ Պարթևն ու Մեսրոպ Մաշտոցը ծրագրել էին հայացնել եկեղեցու ծեսերն ու քարոզները, ստեղծել հայերեն գիր, բացել դպրոցներ։

• Վեպում Արշակ արքայի վախճանը ներկայացված չէ։

Պնդումներից ո՞րն է ճիշտ Սամվելի վերաբերյալ։

• Իմանալով հոր դավաճանության մասին՝ նա որոշում է առաջին իսկ հանդիպման ժամանակ առանց երկմտելու սպանել նրան։

• Սամվելը որոշում է անպայման հանդիպել հորը՝ կատարվածի էությունը հասկանալու համար, համոզել մոլորվածին հետ կանգնելու ուրացության ճանապարհից։

• Հոր դավաճանությունից հետո նա չի կարողանում այլևս հանդիպել սիրած աղջկան՝ Աշխենին, քանի որ վերջինս երես էր թեքել նրանից։

• Ուրիշ նախարարական տների երիտասարդների պես մեծամիտ էր, ռամիկների նկատմամբ անգութ ու դաժան։

Ո՞ր պնդումն է սխալ Մերուժան Արծրունու վերաբերյալ։

• Մերուժանը թագավորական գահին է ձգտում նաև պարսից արքայի քրոջ՝ Որմիզդուխտի սիրուն արժանանալու համար։

• Հարազատ ընտանիքը երես է թեքում Արծրունուց՝ ապարանքի դռները փակելով նրա առաջ։

• Մերուժանը մերժվում է Որմիզդուխտից՝ արժանանալով նրա արհամարհանքին։

• Դավաճան Մերուժանին ներում է միայն մայրը, երբ որդուն դարձի բերելու անհաջող պատգամախոսությունից վերադարձածները հայտնում են, որ նա հիվանդ է։

,,Մեծապատիվ մուրացկաններ,, վեպի ո՞ր հերոսի արտաքինի նկարագիրն է․

,,Երիտասարդ մը, որ վաճառականի չէր նմաներ, սեղանավորի ալ չէր նմաներ, արհեստավորի ալ չէր նմաներ, գործավորի ալ չէր նմաներ և վերջապես անանկ բանի մը կը նմաներ,որուն նմանը չկա,,։

• խմբագրի

• բժշկի

• բանաստեղծի

• դերասանի

Ի՞նչ նպատակով էր ,,Մեծապատիվ մուրացկաններ,, վեպի գլխավոր հերոս Աբիսողոմ աղան Տրապիզոնից եկել Պոլիս։

• Ազգային ժողովում երեսփոխան ընտրվելու

• ամուսնանալու համար հարուստ աղջիկ ընտրելու

• հարազատներին տեսակցելու

• մայրաքաղաքի մտավորականներին հովանավոր կարգվելու