PENILAIAAN HARIAN 1 BAHASA JAWA KELAS VI

Sugeng siyang.

Bapak Kepala Sekolah saha Bapak Ibu Guru ingkang satuhu kula bekteni. Para Kkanca lan adhik kelas ingkang daktresnani. Sumangga kita sedaya ngaturaken puji syukur dhateng ngarsanipun Alla Swt. ingkang sampun paring kita sedaya berkah saha keslametan saenggo kita saged makempal ing adicara pepisahan punika.

Salajengipun, kula minangka wakil saking siswa kelas VI ngaturaken agunging panuwun ingkang tanpa pepindhan awit saking sih katresnan Bapak Ibu Guru ingkang sampun nggulawenthah lan mulang wuruk kanthi sabar, tulus, lan ikhlas saengga kula sakrencang saged nglampahi pados ilmi ing sekolah menika sedangunipun enem warsa. Mugi-mugi Bapak Ibu Guru ikantuk ganjaran ingkang langkung sae saking Gusti Ingkang Maha Agung, amin.

Bapak Ibu Guru tuwin adhik-adhik ingkang satuhu kula urmati lan tresnani, sakedhap malih kula sarencang nilaraken pawiyatan menika. Awrat anggen kula matus kados pundi raosipun nilar Bapak Ibu Guru saha adhik-adhik. Namung kedhah menkaten, pramila kapeksa kula sarencang nilaraken Bapak Ibu Guru saha adhik-adhik sedaya.

Kula sarencang nglenggana bilih asring sanget sami damel Bapak Ibu Guru duka. Pramila kula sarencang nyuwun agunging samudra pangaksami. Salajengipun kula sarencang nyuwun tambahing pengestunipun Bapak saha Ibu Guru, supados kula sarencang dipunngampilaken anggenipun badhe pawiyatan ingkang langkung inggil. Kula sarencang tansah nyeyuwun lan dedongga mugi adhik-adhik sedaya saged kasil anggenipun ngangsu kawruh wonten ing pawiyatan menika.

Para rawuh ingkang kinurmatan,

Mekaten ingkang saged kula aturaken. Kula kinten mboten prayogi menwi atur pamitan kula panjangaken, pramila cekap semanten atur kula. Ing wasana, kathah galap gangsuling atur, kula nyuwun agunging pangaksami.

Nuwun.

Tema kang jumbuh karo sesorah kasebut yaiku ....

• pepisahan sekolah

• pambagyaharja

• kasenengan

• pendhidhikan

Sing maca sesorah kasebut yaiku ....

• kepala sekolah

• guru

• ketua panitya

• wakil siswa kelas VI

Para siswa kelas VI wis padha ngangsu ilmu sauwene ... taun.

• 3

• 4

• 5

• 6

"... lan dipunparingi gampil anggenipun nglampahi pendhidhikan ingkang langkung sae wonten pawiyatan ingkang langkung inggil."

Pawiyatan ingkan langkung inggil kang dikarepaken ing sesorah kasebut yaiku ....

• SD

• SMP

• SMA

• UNIVERSITAS

Kula sarencang nglenggana bilih asring sanget sami damel Bapak Ibu Guru duka.

Tembung " nglenggana" tegese ....

• ngrumangsani

• njaluk pangapura

• pangarep-arep

• pangestu

Kang ora diandharake ing perangan panutup sesorah yaiku ....

• dudutan

• atur pamuji sukur

• pangarep-arep

• atur pangapura

sesorah ancase aweh panglipur utawa nggedhekake atine marang para sutresna kang lagi nandang susah diarani ....

• atur pambagyaharja

• atur pangajak

• menehi informasi

• atur panglipur

Solah bawa nalika sesorah kudu nuduhake tata krama utawa trapsila, yaiku tindak tanduk kang prasaja, apa anane, lan ora digawe-gawe minangka bab wigati, diarani ....

• patrap

• busana

• ngadi sarira

• basa

Nalika sesorah, busanane pamicara kudu dijumbuhake karo kahanan. Ukara kasebut trep karo paribasan ....

• ajining diri saka lathi

• ajining diri saka busana

• ajining awak saka tumindak

• ngunduh wohing pakarti

Solah bawane wong kang lagi ngrungokake sesorah yaiku ....

• nggatekake sesorah kanthi temen, ora kena rame lan ngomong dhewe

• ngrungokake lan ora ngreti apa kang diandharake

• ngatekake temenan, banjur gawe kisruh ing acara kasebut

• tansah meneng sanajan diceluk