செய்வினை , செயப்பாட்டுவினை

கீழ்க்காணும் செய்வினை வாக்கியத்திற்கு ஏற்ற செயப்பாட்டுவினை வாக்கியத்தைத் தெரிவு செய்க. (யூ.பி.எஸ்.ஆர் 2018)

"பீர்பாலின் நகைச்சுவை அக்பர் சக்கரவர்த்தியைப் பெரிதும் கவர்ந்தது'.

• அக்பர் சக்கரவர்த்தி பீர்பாலின் நகைச்சுவையால் பெரிதும் கவரப்பட்டார்.

• அக்பர் சக்கரவர்த்தியின் நகைச்சுவையால் பீர்பால் பெரிதும் கவரப்பட்டார்.

• பீர்பால் அக்பர் சக்கரவர்த்தியின் நகைச்சுவையால் பெரிதும் கவரப்படுவார்.

• பீர்பால் நகைச்சுவையால் அக்பர் சக்கரவர்த்தி பெரிதும் கவரப்படுவார்.

கொடுக்கப்பட்டுள்ள செய்வினை வாக்கியத்திற்குச் சரியான செயப்பாட்டுவினை வாக்கியத்தைத் தெரிவு செய்க.                                     (யூ.பி.எஸ்.ஆர் 2012)

அகத்திய முனிவர் நிறைய மருத்துவ நூல்களை எழுதினார்.

• மருத்துவ நூல்களை அகத்திய முனிவர் நிறைய எழுதினார்.

• நிறைய மருத்துவ நூல்கள் அகத்திய முனிவரால் எழுதப்பட்டன.

• அகத்திய முனிவர் எழுதியவை நிறைய மருத்துவ நூல்கள்.

• நிறைய மருத்துவ நூல்கள் அகத்திய முனிவரால் எழுதியவை.

கீழ்க்காணும் செய்வினை வாக்கியத்திற்குப் பொருத்தமான செயப்பாட்டுவினை வாக்கியத்தைத் தெரிவு செய்க. (யூ.பி.எஸ்.ஆர் 2013)

வடலூரில் வள்ளலார் சத்திய ஞானசபையை நிறுவினார்.

• சத்திய ஞானசபை வள்ளலாரால் வடலூரில் நிறுவப்பட்டது.

• வள்ளலாரின் வடலூரில் நிறுவப்பட்டது சத்திய ஞானசபை.

• சத்திய ஞானசபை வள்ளலாரால் நிறுவப்பட்டது வடலூரில்.

• வடலூரில் வள்ளலாரால் நிறுவப்பட்டது சத்திய ஞானசபை.

கீழ்க்காணும் வாக்கியங்களில் சரியான செய்வினை மற்றும் செயப்பாட்டுவினை வாக்கியத்தைத் தெரிவு செய்க.

• குரங்கு பழத்தைப் பறித்தது.

  குரங்கு பழத்தால் பறிக்கப்பட்டது.

• தேன்மொழி பூ மாலை தொடுத்தாள்.

  பூ மாலை தேன்மொழியைத் தொடுத்தது.

• துளசி நடனம் ஆடினாள்.

  நடனம் துளசியை ஆடியது.

• மாதவன் புல்லாங்குழல் ஊதினான்.

  புல்லாங்குழல் மாதவனால் ஊதப்பட்டது.

கீழ்க்காணும் வாக்கியங்களில் சரியான செயப்பாட்டுவினை வாக்கியத்தைத் தெரிவு செய்க.

• மாதவியும் மாலனியும் கட்டுரை எழுதினர்.

• அண்ணன் மீன் தொட்டியைச் சுத்தமாகக் கழுவினான்.

• நாட்டுப்பற்று நாடகக் கலைஞர்களால் வளர்க்கப்பட்டது.

• பஞ்சப்பாண்டவர்கள் மன்னன் பாண்டுவின் ஐந்து மகன்கள் ஆவர்.

கீழ்க்காண்பனவற்றுள் எது செய்வினை வாக்கியத்திற்கு ஏற்ற செயப்பாட்டுவினை வாக்கியம் அல்ல ?

• செய்வினை = தமிழரசி பாடம் செய்தாள்.

  
  

  செயப்பாட்டுவினை = பாடம் தமிழரசிக்குச் செய்யப்பட்டது.

• செய்வினை = குமணன் மாம்பழம் பறித்தான்.

  செயப்பாட்டுவினை = மாம்பழம் குமணனால் பறிக்கப்பட்டது.

• செய்வினை = ஆசிரியர் அழகியைப் பாராட்டினார்.

  
  

  செயப்பாட்டுவினை = அழகி ஆசிரியரால் பாராட்டப்பட்டார்.

• செய்வினை = அரசு கோவில் கட்டினார்.

  
  

  செயப்பாட்டுவினை = கோவில் அரசரால் கட்டப்பட்டது.

செயப்பாட்டுவினை வாக்கியத்தைத் தெரிவு செய்க.

• அதிவீரராம பாண்டியர் வெற்றிவேற்கை எழுதினார்.

• ஆசிரியர் மாணவர்களுக்கு ஒழுக்கம் தொடர்பாக விளக்கம் அளித்தார்.

• கம்பர் தமிழ்ப்பள்ளி மாணவர்கள் சுற்றுலா மேற்கொண்டனர்.

• பழங்கள் பழத்தோட்ட உரிமையாளரால் மாணவர்களுக்குக் கொடுக்கப்பட்டது.

கீழ்க்காணும் செயப்பாட்டுவினை வாக்கியத்திற்கு ஏற்ற செய்வினை வாக்கியத்தைத் தெரிவு செய்க.

நடனம் நடனக் கலைஞர்களால் சிறப்பாக ஆடப்பட்டது.

• கலைஞர்கள் நடனத்தைச் சிறப்பாக நடனம் ஆடினர்.

• நடனத்தை சிறப்பான நடனக் கலைஞர்கள் ஆடினர்.

• சிறப்பான நடனத்தை நடனக் கலைஞர்கள் ஆடினர்.

• நடனக் கலைஞர்கள் நடனத்தைச் சிறப்பாக ஆடினர்.

கீழ்க்காணும் வாக்கியங்களில் சரியான செய்வினை மற்றும் செயப்பாட்டுவினை வாக்கியத்தைத் தெரிவு செய்க.

• வைரமுத்து கவிதை எழுதினார்.

  
  

  கவிதை வைரமுத்துவால் எழுதப்படும்.

• மாணவர்கள் வானத்தில் பட்டம் விட்டனர்.

  
  

  பட்டம் வானத்தில் மாணவர்களால் விடப்படுகின்றது.

• கவிநயா மர்மக் கதைப்புத்தகத்தை வாசிக்கிறாள்.

  
  

  மர்மக் கதைப்புத்தகம் கவிநயாவால் வாசிக்கப்படுகிறது.

• அகிலன் மிதிவண்டியை வேகமாகச் செலுத்தினான்.

  
  

  அகிலனால் மிதிவண்டி வேகமாகச் செலுத்தப்பட்டன.

கொடுக்கப்பட்ட செய்வினை வாக்கியத்திற்கு ஏற்ற செயப்பாட்டுவினை வாக்கியத்தைத் தெரிவு செய்க.

ஜெயலெட்சுமி தோட்டத்தில் பூச்செடிகளை நட்டாள்.

• தோட்டத்தில் பூச்செடிகளை ஜெயலெட்சுமி நட்டாள்.

• பூச்செடிகள் ஜெயலெட்சுமியால் தோட்டத்தில் நடப்பட்டது.

• ஜெயலெட்சுமி பூச்செடிகளைத் தோட்டத்தில் நட்டாள்.

• பூச்செடிகளால் ஜெயலெட்சுமி தோட்டத்தில் நடப்பட்டாள்.