Тэст па раздзеле “ Зямля мая — зялёны дом”

Чырвоная кніга — гэта:

• так па-іншаму яшчэ называюць апавяданне Івана Пташнікава “Алені”

• старажытная кніга, у якой сабраны лепшыя ўзоры красамоўства і апісанні прыроды

• афіцыйны дакумент, які змяшчае звесткі пра пэўныя віды раслін і жывёл, што з’яўляюцца рэдкімі або знаходзяцца пад пагрозай знікнення

• кніга, па якой раней вучылі дзяцей пісаць і чытаць, другая назва буквара

• кніга, у якой расказваецца пра водныя аб’екты Беларусі

У тым, што прырода становіцца бяднейшай, вінаваты, на думку Пімена Панчанкі:

• ”усе мы: ты і я”

• сарматы — аб’яднанне вандроўных жывёлагадоўчых плямён

• варагі (вікінгі) — ваяўнічыя германскія плямёны

• леснікі, якія не змаглі зберагчы, захаваць лясныя расліны

• навукова — тэхнічны прагрэс, які знішчае ўсё на сваім шляху

У вершы Пімена Панчанкі “Сармацкае кадзіла” ёсць такія радкі:

Кветкі ў лесе ёсць,

Але не тыя:

Да Чырвонай кнігі збеглі ўсе.

Падкрэсленыя радкі з’яўляюцца вобразна-выяўленчым сродкам:

• эпітэтам

• параўнаннем

• метафарай

• паралелізмам

• гіпербалай

Тэма твора “Стары бабёр”:

• працоўныя клопаты чалавека

• ахова прыроды, зберажэнне яе багаццяў

• кожны з нас адказвае за таго, каго ён прыручыў

• паказ прыгажосці і гармоніі роднага краю

• неабходнасць усім разам магацца з браканьерамі

Стары бабер з твора “Стары бабёр” вырашае “перавесці” сваю сям’ю на месца, дзе раней жылі яго продкі, бо:

• цяпер сажалка, дзе яны жылі, была зарослая трыснягом, побач знаходзіўся завод, дзе рабілі газіраваную ваду, на ўзгорку стаяў бор, пад ім хат пяць з маленькай вёскі.

• моцным быў сум па родных з дзяцінства мясцінах.

• туды захацелі перасяліцца бабровая жонка і ўсе дзеці.

• там засталася ўся вялікая радня.

• пра цяперашняе іх месца жыхарства даведаліся браканьеры з горада.

Стары бабёр сабраўся пайсці туды, дзе спрадвеку жылі вольна і неабсяжна бабры, дзе было гэтак прасторна. Што прымусіла баброў некалі пакінуць родныя мясціны?

• выгналі вялікія машыны, якія не пакінулі на рацэ ні прысадаў, ні травы, ні самой глыбокай ракі

• пераманілі ў невялікую рэчку суседзі-бабры

• перасялілі 15 гадоў таму мясцовыя леснікі

• вымусіла летам пакінуць абжытае месца вялікая паводка, якая за некалькі гадзін усё змыла

• пагнала жаданне ў пошуках лепшай долі, забяспечанага жыцця

Аповед у творы “Багіра” вядзецца ад імя:

• першай асобы (аўтара)

• старонняга героя

• самой Багіры

• трэцяй асобы

• аўтара і Багіры папераменна

Багіра трапіла да гаспадара тады, калі:

• летам яе нехта падкінуў на ганак дома

• аднойчы прычапілася ў марозны веснавы вечар, калі ён з дачкой вяртаўся дадому

• яе падарылі на дзень нараджэння дачкі

• купілі яе ў заапарку

• зімой убачылі і падабралі каля прадуктовага магазіна

Тэма апавядання “Алені”:

• узаемаадносіны чалавека і прыроды

• рацыянальнае выкарыстання прыроднага багацця

• бацькі і дзеці

• паказ жыцця ў пасляваенны час

• зямля і праца на ёй

Галоўная ідэя апавядання “Алені”:

• еднасць чалавека і прыроды

• гуманныя, гаспадарскія, беражлівыя адносіны да прыроды

• роўнасць і справядлівасць

• вольнасць, незалежнасць

• неабходнасць любіць і паважаць усё жывое