ESP 1 - Pagmamahal sa Komunidad na Kinabibilangan

Araw ng Sabado, walang pasok, ano ang dapat mong gawin?

• tutulong sa paglilinis ng bahay

• maglalaro maghapon

• aalis ng bahay

• matutulog maghapon

Inutusan ka ng iyong tatay na magwalis sa inyong bakuran, ano ang dapat mong gawin?

• magdadabog

• pupunta sa kapitbahay

• susunod sa utos

• hindi siya papansinin

Maraming dala ang lola at lolo mo, kaya naman tinawag ka nila upang magpatulong, ano ang dapat mong gawin?

• hindi sila papansinin

• tutulungan sila

• tataguan sila

• pagtatawanan sila

Napakadaming gawain ng iyong nanay, ano ang dapat mong gawin?

• tutulungan siya

• hahayaan siyang mapagod

• matutulog maghapon

• aalis ng bahay

Nakita mong nag-uusap ang iyong nanay at tatay sa may pintuan. Nais mong dumaan dahil kukunin mo ang iyong laruan, ano dapat mong sabihin?

• “Alis kayo diyan!”

• “Hindi ako makadaan!”

• “Kuhanin n’yo laruan ko!”

• “Makikiraan po.”

Naglalakad ka patungo sa paaralan nang makita mo ang iyong guro, ano ang dapat mong gawin?

• magkukunwaring hindi siya nakita

• bibilisan ang paglalakad

• tatakbo palayo

• babatiin siya

Isa sa mga tuntunin sa inyong paaralan ang pagpasok ng maaga sa itinakdang oras. Ano ang gagawin mo upang hindi ka mahuli sa klase?

• gigising nang maaga

• magpupuyat sa gabi

• babagalan ang pagkilos

• tanghali na gigising

Gutom na gutom ka na, ngunit isa sa mga tuntunin sa inyong tahanan ang magdasal muna bago kumain bilang pasasalamat sa biyaya ng Panginoon. Ano ang dapat mong gawin?

• Kakain na ako kahit hindi pa nagdarasal.

• Kakain ako habang nagdarasal.

• Magdarasal muna ako bago kumain.

• Kakain muna ako bago magdasal.

Binilinan ka ni nanay na huwag kumain ng maaalat na pagkain. Ngunit habang naglalaro, inalok ka ng iyong kalaro ng binili niyang sitsirya. Mukha itong masarap at di mo pa natitikman, ano ang dapat mong gawin?

• Kukuha kahit bawal.

• Kakain ako nang patago.

• Hindi ko ito tatanggapin.

• Wala si nanay kaya hihingi ako.

Pangarap mong maging isang guro balang araw. Ano ang dapat mong gawin upang matupad mo ang iyong pangarap?

• Maglalaro lang ako maghapon.

• Pagbubutihin ko ang aking pag-aaral.

• Hindi na ako papasok sa paaralan.

• Sa bahay na lang ako palagi.