Kahalagahan ng Pangangasiwa at Pangangalaga ng mga Likas na

Alin-alin ang mga paraan ng wastong pangangasiwa ng yamang lupa?

• Magtanim ng mga puno at halaman. Ang mga pinutol na puno ay dapat palitan ng mga bagong punla o tanim.

• Iwasan ang pagkakaingin o pagsusunog ng mga puno sa kagubatan at kabundukan.

• Iwasan ang paggamit ng mga nakasasamang kemikal sa pananim.

• Gumawa ng hukay sa lupa at dito itapon ang mga basurang nabubulok. Ang natunaw na mga basurang ito ay maaari ding gawing pataba sa lupa.

• Huwag sirain ang mga halaman sa paligid.

Alin-alin ang mga paraan ng wastong pangangasiwa ng yamang tubig?

• Huwag gumamit ng dinamita sa pangingisda.

• Iwasan ang pagtatapon ng basura sa mga tubigan.

• Magtayo ng mga water treatment plant upang linisin ang maruruming tubig mula sa mga pagawaan, pook-alagaan ng mga hayop, tahanan, at taniman.

• Ipagbawal ang pagtatayo ng tahanan sa ibabaw at tabi ng mga ilog at estero.

Alin-alin ang mga kahalagahan ng pangangasiwa at pangangalaga ng mga likas na yaman ng bansa?

• Naipakikita ang pagmamahal sa bansa

• Naipakikita ang pagmamalasakit sa daigdig na ating ginagalawan.

• Maiiwasan ang tuluyang pagkawasak ng mga likas na yaman ng bansa.

• Malaki ang kaugnayan ng wasto at matalinong paggamit ng mga likas na yaman sa kaunlaran ng bansa.