Pagbibigay ng Angkop na Pamagat

Si Jean ay may baong miryenda at tanghalian. Hindi niya ginagastos ang perang baon niya. Hindi rin siya basta-basta bumibili ng kung ano-ano sa cafeteria. Hinuhulog niya sa alkansya ang natitira niyang pera.

• Ang Alkansya

• Ang Matipid na Bata

• Ang Baon sa Paaralan

Maraming tao sa parke. Lahat ay masaya, lahat ay abala. May mga nagtitinda ng mais at sorbetes. May mga kendi, popcorn at softdrinks din. May umaawit din sa enteblado. Marami ang nanonood.

• Masaya sa Bukid

• Ang Pagdiriwang sa Parke

• Mga Pagkain

Nagtitinda si Mico ng taho kapag wala siyang pasok sa paaralan. Masaya siya sa pagtulong sa pagtitinda ng kanyang nanay. Lagi siyang nakangiti at nakikipag-usap sa mga bumibili. Kaya naman marami ang kita nila araw-araw.

• Ang Taho,

• Ang Mabait na Nanay

• Ang Masipag na Bata

Ngayon ay araw ng Sabado! Hindi ko kailangang magpunta sa paaralan ngayon, kaya nakipaglaro ako sa aking kuya. Naglaro kami sa labas ng taguan. Pagkatapos ay ipinahiram niya sa akin ang kaniyang mga laruan.

• Ang Paglalaro

• Sabado Ngayon

• Tagu-taguan

Noong unang panahon wala pang pera ang mga tao. Para mabili nila ang mga gusto nila, nakikipagpalitan sila ng mga produkto gaya ng tela, alahas, at pagkain. Ang tawag dito ay barter exchange.

• Unang Panahon

• Ang Palengke

• Barter Exchange

Ang pamilya namin ay simple lamang. Si tatay ay isang mangingisda, at si nanay naman ay isang mananahi. Pero, ang pamilya namin ay masaya dahil mahal namin ang isa’t isa.

• Si Nanay at si Tatay

• Ang Mangingisda

• Ang Aming Pamilya

Si Jay ay isang mabuting bata. Palagi siyang sumusunod sa mga utos ng kaniyang magulang. Araw-araw din siyang nag-aaral ng kaniyang leksyon. Ginagawa niya ang mga ito at iba pang gawaing bahay bago siya makipaglaro sa kaniyang mga kaibigan.

• Ang Mabuting Bata

• Magkakaibigan

• Ang Pag-aaral

May mga tao ng nakapunta sa outer space. Ang ilan sa kanila ay nakaapak na sa buwan. Kapansin-pansin na parang nakalutang at mabagal maglakad ang mga tao sa outer space dahil mas mahina ang gravity doon kaysa sa ating mundo.

• Sa Outer Space

• Buwan

• Ang Gravity

Tuwing umuulan nasa bahay lang ako. Masarap uminom ng mainit na tsokolate at kumain ng sinigang. Naglalaro kami ng aking mga kapatid ng Monopoly, at minsan naman ay iPad dahil hindi kami makakapaglaro sa labas. Masaya pa rin kahit umuulan!

• Sa Loob ng Bahay

• Mga Pagkain sa Tag-ulan

• Tuwing Umuulan

Alam mo ba? Ang dami nating bayani dito sa Pilipinas! Ilan sa mga iyon ay sina Dr. Jose Rizal, Andres Bonifacio, Emilio Aguinaldo, at Lapu-Lapu. Iba-iba man ang kanilang paraan sa pagtatanggol sa ating bansa, sila parin ang mga bayani na ipinaglaban ang ating kalayaan.

• Ang mga Bayani

• Si Jose Rizal

• Ang Ating Kalayaan