Paunang Pagtataya

Nahahati sa limang rehiyon ang Asya: Hilaga, Kanluran, Timog, Timog-Silangan, at Silangang Asya. Tinatawag na heograpikal at kultural na sona ang mga rehiyong ito dahil isinaalang-alang sa paghahati ang mga aspektong pisikal, historikal at kultural. Kumpara sa ibang mga rehiyon, bakit ang Hilaga at Kanlurang Asya ay kadalasang tinitingnan bilang magkaugnay?

• Ang mga ito ay parehong napapailalim sa halos parehong karanasang historikal, kultural, agrikultural at sa klima.

• Magkasama ang mga ito sa parehong pamamaraan ng paglinang ng kapaligirang pisikal.

• Ang mga porma ng anyong lupa at anyong tubig ng mga ito ay halos pareho.

• Apektado ng iisang uri ng klima ang uri ng pamumuhay ng mga tao rito.

isang katangiang pisikal ng kapaligiran sa Hilaga o Gitnang Asya ay ang pagkakaroon ng malawak na damuhan o grasslands. Tinatayang ang sangkapat ng kalupaan sa mundo ay may ganitong uri. Alin sa mga uri ng grasslands ang may damuhang matataas at malalalimang ugat na nasa ilang bahagi ng Russia at Manchuria?

• prairie

• savanna

• steppe

• tundra

Sa inyong pagtingin sa mapa, alin sa sumusunod ang angkop na paglalarawan at interpretasyon tungkol sa kinalalagyan ng kontinente ng Asya?

• Ang hugis at anyo ng mga lupain sa bawat bahagi ng kontinente ay pare-pareho

• Karamihan sa mga bansa sa Asya ay may mainit na panahon

• Ang malaking bahagi ng kontinente ng Asya ay mga anyong tubig

• Insular ang malaking bahagi ng kontinente ng Asya

Ang pagkakaiba-iba ng klima sa Asya ay bunsod ng iba-ibang salik kabilang na rito ang lokasyon at topograpiya ng isang lugar. Kung sa Kanlurang Asya ay bihira ang ulan at sa Hilagang Asya naman ay mahaba ang taglamig at maigsi ang tag-init ano naman ang katangian ng klima sa Timog-Silangang Asya?

• Ang mga bansa sa rehiyon ay nakararanas ng tag-init, taglamig, tag-araw at tag-ulan.

• May mainit na panahon sa ilang bahagi at may mga bahagi ng rehiyon na nababalutan ng yelo

• Mahalumigmig, taglamig, tag-init at tagtuyot ang nararanasan sa rehiyong ito sa iba't ibang buwan sa loob ng isang taon.

• Sobrang lamig sa rehiyon at hindi kayang panirahan ng tao.

Alin sa sumusunod na pahayag ang hindi kabilang sa mga katangiang pisikal ng kontinente ng Asya?

• Ang hangganan ng Asya sa iba pang mga lupain ay maaaring nasa anyong lupa o anyong tubig.

• Ang Asya ay tahanan ng iba't-ibang uri ng anyong lupa: tangway, kapuluan, bundok, kapatagan, talampas, disyerto at kabundukan

• Taglay ng Asya ang napakaraming uri ng mga kapaligiran batay sa mga tumutubong halaman

• Ang iba-ibang panig ng Asya ay nagtataglay ng iisang uri ng klima na may malaking implikasyon sa pamumuhay ng mga Asyano.

Sa maraming bansa sa Timog-Silangang Asya, bakit itinuturing na pangunahin at napakahalagang butil pananim ang palay?

• Maaaring ipalit ang palay sa mga butil ng trigo, mais at barley

• Palay nang pangunahing pagkain ng mga tao sa Timog-Silangang Asya

• Sagana sa matatabang lupa at bukirin ang rehiyong ito na angkop sa pagtatanim

• Galing sa palay ang karamihan sa mga panluwas na produkto ng rehiyong ito.

Mayaman ang Asya sa iba't ibang anyong tubig tulad ng mga karagatan, lawa at mga ilog na lubhang napakahalaga sa pamumuhay ng tao. Ang ilog ng Tigris at Euphrates sa Iraq, Indus sa India at Huang Ho sa China ay ilan lamang sa mga ilog na gumanap nang malaking tungkulin sa kasaysayan ng Asya. Ano ang mahalagang gampaning ito?

• Ang mga ilog na ito ay pinag-usbungan ng mga kauna-unahang kabihasnan sa rehiyon at sa buong daigdig.

• Maraming mahahalagang pangyayari sa kasaysayan ng Asya ang naganap sa mga ilog na ito.

• Madalas magdulot nang pinsala at pagkabawi ng mga buhay tuwing may mga pagbaha sa mga ilog na ito.

• Ang mga ilog na ito ay nagsilbing daanan ng mga barkong pangkalakalan ng mga bansang kabilang sa rehiyon.

Alin sa mga sumusunod ang hindi direktang dahilan ng mabilis na pagkawala ng biodiversity sa Asya?

• Patuloy na pagtaas ng populasyon

• Pagkakalbo o pagkasira ng kagubatan o deforestation

• Walang habas na pagkuha at paggamit sa mga likas na yaman

• Introduksiyon ng mga species na hindi likas sa isang partikular na rehiyon.

Ang mga Asyano ay nahahati sa iba-ibang pangkat batay sa wika at etnisidad na kinabibilangan nito. Ano ang tawag sa pagpapangkat na ito?

• etniko

• nomad

• katutubo

• etnolingguwistiko

Kung iba-iba ang kultura ng mga pamayanang etniko sa Asya, nangangahulugang pinakamalaking hamon sa rehiyon ang....

• ideolohiyang politikal

• pagkakakilanlan

• modernisasyon

• pagkakaisa