EKO AT AKO- Modyul 1 Kahulugan ng Ekonomiks

Ang salitang ekonomiks ay galing sa oikonomia, isang salitang Griyego na ang ibig sabihin ay:

• Pamamahala ng negosyo

• Pakikipagkalakalan

• Pamamahala ng tahanan

• Pagtitipid

Ang ekonomiks ay isang agham panlipunan sapagkat:

• Pinag-aaralan dito kung paano nagtutulungan ang mga tao upang matugunan ang kanilang materyal na pangangailangan

• Nagbibigay ito ng mga suhestiyon upang maging mapayapa ang ating daigdig

• Pinag-iisipan sa araling ito kung paano magkakaroon ng salapi ang tao

• Pinag-aaralan dito kung paano natin mahihigitan ang kita ng ating kapwa tao

May tatlong pangunahing katanungang sinasagot ang ekonomiks. Alin ang hindi kasama sa pangkat?

• Ano ang mga produkto at serbisyong kailangan ng lipunan

• Paano lilikhain ang mga kailangang produkto at serbisyo

• Para kanino ang mga lilikhaing produkto at serbisyo

• Paano titipirin ang mga sangkap sa paggawa ng produkto

Ang kakapusan o scarcity ay maaaring umiral sa mga pinagkukunang - yaman tulad ng yamang likas, yamang tao, at yamang kapital. Nagkakaroon ng kakapusan sa mga ito dahil:

• Limitado ang mga pinagkukunang- yaman at walang katapusan ang pangangailangan at kagustuhan ng tao

• Sa mga bagyo at iba pang - uri ng kalamidad na pumipinsala sa mga pinagkukunang- yaman

• Sa mga negosyanteng nagsasamantala at nagtatago ng mga produktong ibinebenta sa pamilihan

• Likas na malawakan ang paggamit ng mga tao sa pinagkukunang - yaman ng bansa

Kung ikaw ay isang taong rasyonal, ang dapat mong isaalang- alang sa paggawa ng desisyon ay:

• Dinadaluhang okasyon

• Kagustuhang desisyon

• Opportunity cost ng desisyon

• Tradisyon ng pamilya

Bilang isang agham panlipunan, gumagamit ng siyentipikong paraan sa pag-aaral ng ekonomiks. Ibig sabihin nito ay:

• Tinatanggap ang mga haka- haka lamang sa paggawa ng mga desisyon

• Naglilikom at nagsusuri ng mga datos o impormasyon upang makapagbigay ng lapat o angkop na kongklusyon.

• Sapat na ang pansariling opinyon upang makabuo ng kongklusyon.

• Ang sasabihin lamang ng mga suplayer ang siyang tama sapagkat sila ang may hawak ng puhunan

Ano ang pinakamahalagang layunin ng ekonomiks bilang isang agham panlipunan?

• Maibigay ang hiling ng mga maririwasang tao kahit na maraming mahihirap.

• Maitaas ang antas ng pamumuhay ng lahat ng mamamayan sa isang bansa

• Mapag-aralan ang pamamaraan ng pagtaas ng pambansang kita.

• Makalikha ng mga produkto at serbisyong pang- internasyonal at makapaglingkod sa ibang bansa

Mahalaga at makabuluhan ang pag-aaral ang pag-aaral ng ekonomiks para sa mga kabataan. Ano sa palagay mo ang pinakamabuting maidudulot sa iyo ng pagkakaroon ng kaalaman sa ekonomiks?

• Maisasaulo ang mga konsepto sa ekonomiks upang madaling makapasa sa kolehiyo

• Maaari kang magsilbing kritiko ng pamahalaan

• Mapag-aralan ang mga gawi, kilos, at siyentiikong pamamaraang makatutulong sa iyo sa pagdedesisyong pangkabuhayan ngayon at sa hinaharap

• Magkaroon ka ng kakayahang makapagturo rin ng ekonomiks

Malaki ang bahaging ginagampanan ng ekonomiks sa lipunan. Alin sa mga pangungusap ang nagsasaad ng diwang ito?

• Sa tulong ng pagsusuri sa ekonomiks, napaghahagdan - hagdan ang katayuan ng mga tao sa lipunan kaya't nauuuri natin ang mahihirap, nakaririwasa, at mayayaman.

• Upang tumaas ang ekonomiya ng isang bansa, kailangang sundin nito ang mga patakaran ng mayayamang bansa

• Ang paglikha ng mga produktong tutugon sa anumang hilig - pantao ay mahalaga kayat dapat ipagpatuloy ang produksyon ng mga ito kahit na masira ang mga yamang - likas sa daigdig.

• Sa pamamagitan ng pag-aaral ng ekonomiks, nakatutuklas ng paraan upang patuloy na tumaas ang antas ng kita , empleyo, seguridad, at kagalingang panlipunan ng mga mamamayan sa isang bansa

Alin sa sumusunod ang pinakaangkop na kahulugan ng ekonomiks?

• Ito ay matalinong pagpapasya ng tao sa pagsagot ng mga suliraning pangkabuhayan na kinakaharap

• Ito ay tumutukoy sa siyensiya ng kasalanan ng tao na nakaimpluwensiya sa kaniyang pagdedesisyon

• Ito ay pag-aaral ng tao at ng lipunan kung paano haharapin ang mga suliraning pangkabuhayan

• Ito ay pag-aaral kung paano matutugunan ng tao ang kanyang walang katapusang pangangailangan at kagustuhan sa harap ng kakapusan