DIAGNOSTIC TEST_AP (EKONOMIKS)

Ang ekonomiks ay isang sangay ng agham panlipunan na mula sa salitang Griyego na oikonomia na ang ibig sabihin ay pamamahala ng tahanan. Bakit itinuturing ito bilang isang agham panlipunan?

• Pinag-aaralan dito kung paano tutugunan ng tao ang kaniyang walang katapusang pangangailangan at maitaas ang antas ng pamumuhay sa kabila ng limitadong yaman ng bansa

• Nagbibigay ito ng suhestiyon upang maging maayos at organisado ang ating daigdig.

• Pinag-aaralan dito kung paanong nagkakaroon ng maraming salapi ang mga tao sa kanilang paghahanap-buhay.

• Pinag-aaralan dito ang galaw ng mga tao at kung paano magkakaroon ng pagkakataon na mahigitan sa yaman ang kanyang kapwa.

Bilang isang mag-aaral sa Ika-siyam na baitang na nag-aaral upang higit na maunawan ang konsepto ng ekonomiks, alin sa mga sumusunod na pahayag ang dapat na taglayin ng isang kabataang tulad mo na may pagpapahalaga sa asignaturang ito?

• Iwasang makibahagi sa mga usaping panlipunan tulad ng pandemya na kinakaharap natin ngayon.

• Pagsunod at pakikilahok sa mga batas at programa ng pamahalaan para sa ikabubuti ng lahat.

• Pagsasarili sa sariling opinyon at pananaw sa mga nangyayari sa ating paligid.

• Pagsasakilos ng sariling pasya kahit hindi alam ang magiging resulta nito.

Marami ang naapektuhan bunsod ng pandemya na COVID 19. Ilan sa mg patunay ang pagkawala ng hanapbuhay ng ilan nating mga kababayan na nagdulot ng higit na bigat na pasanin sa pamilya at dagdag na mga bayarin pa sa tubig, kuryente at iba pang pangangailangan sa loob ng tahanan. Alin sa mga sumusunod ang maaari mong magawa na nagpapakita ng maayos na paggamit ng limitadong yaman upang matugunan ang iyong pangangailangan?

• Pagtitipid at maayos na paggamit at pagkonsumo ng kuryente at tubig.

• Pag-aaplay sa DSWD upang makakuha ng ayuda para sa mga bayarin.

• Pagbabalangkas ng mga solusyon sa kakapusang nararanasan ng pamilya.

• Pakikibahagi sa mga programa ng pamahalaan upang masolusyunan ang kahirapan.

Sa pag-aaral ng ekonomiks, pangunahing batayan nito ang suliranin hinggil sa kakapusan. Bakit nararanasan natin ang kakapusan?

• Ito ay dahil sa hindi tamang paggamit ng likas na yaman ng bansa.

• Ito ay dahil sa patuloy na paglaki ng populasyon ng bansa at patuloy na pagliit ng porsyento ng pinagkukunang yaman ng bansa.

• Ito ay dahil sa mga kalamidad na nakapipinsala sa mga yaman ng bansa.

• Ito ay dahil sa walang katapusang pangangailangan at kagustuhan ng tao kahit limitado ang pinagkukunang yaman nito.

Mahalaga ang impluwensya ng ekonomiks sa pang-araw-araw na pamumuhay ng tao. Kung ikaw ay isang taong rasyonal, ano ang dapat mong gawin at isaalang-alang sa bawat paggawa mo ng desisyon?

• Laging pagkokonsidera at pagsasaalang-alang sa paniniwala, kultura at tradisyon.

• Laging pagkokonsidera at pagsasaalang-alang sa mga hilig at kagustuhan.

• Laging pagkokonsidera at pagsasaalang-alang sa iba’t-ibang pagpupulong na dinadaluhan.

• Laging pagkokonsidera at pagsasaalang-alang sa pagiging makatuwiran, mapanuri at matalino sa bawat pagdedesisyon.

Ang bawat pamilya ay nagpapasya sa loob ng tahanan. Bilang kasapi at miyembro ng pamilya, bakit kailangan na mas maunawaan mo ang kahalagahan ng ekonomiks?

• Dahil higit na nakatutulong ito sa pagbuo ng tamang desisyon sa loob ng tahanan.

• Dahil nagagamit ang kaalaman sa pagbibigay ng hindi makatwirang opinyon.

• Dahil nakatutulong ito sa mga usapin sa pangangailangan at kagustuhan

• Dahil nakatutulong ito sa mg usaping pang-ekonomiko.

Mahalagang bahagi ng ekonomiks ang pagiging praktikal sa pang-araw-araw na pamumuhay. Sa panahon ng pandemya dulot ng COVID-19, bakit kailangang alamin ang ambag na kahalagahan nito sa iyo bilang mag-aaral?

• Upang mas higit na magkaroon ng abilidad na makapagtayo ng negosyo

• Upang makatulong ang pamahalaan sa mga tao na naapektuhan ng pandemya s pamamagitan ng tulong-pinansyal.

• Upang higit na maging mapanuri at maging matalino sa paraan ng pagdedesiyon lalo na pagtugon sa mga pangunahing pangangailangan sa buhay.

• Upang higit na maging mapanuri at mapagtanong sa paligid.

Sa kasalukuyan, ang Pilipinas ay humaharap sa malaking hamon dulot ng pandemya. Marami ang nawalan ng hanapbuhay, nagsara ang ilang pagawaan, marami ang nawalan ng hanapbuhay at ang paghina ng ekonomiya ng bansa. Bilang kasapi ng pamilya at lipunan, ano ang dapat na maging hakbang ng bawat isa upang manumbalik ang sigla ng ating ekonomiya sa kabila ng hamong ating kinakaharap?

• Ipaubaya sa pamahalaan ang paglutas sa panloob at panlabas na suliranin ng bansa.

• Makipagsapalaran sa ibang bansa upang makapaghanapbuhay.

• Patuloy na pagtangkilik sa mga produktong atin upang makatulong sa mga lokal na industriya at mga negosyante.

• Paghingi ng ayuda sa pamahalaan para sa pagsisimula ng negosyo.

Ang suliranin sa kakapusan ay dahilan upang magkaroon tayo ng higit na pag-unawa sa kahalagahan sa pag-aaral ng ekonomiks. Para maiwasan ang paglala ng suliraning ito, kailangang maging matalino ang bawat tao sa paglutas ng suliraning pang-ekonomiko. Anong konsepto sa ekonomiks ang nakapaloob upang maging rasyonal ang bawat isa sa pagbuo ng desisyon?

• Trade-Off, Opportunity Cost, Marginal Thinking, Choices

• Trade-Off, Opportunity Cost, Marginal Thinking, Incentives

• Trade-Off, Opportunity Cost, Marginal Thinking, Job Opportunity

• Trade-Off, Theory of Consequences, Marginal Thinking, Incentives

Nakabatay sa pangangailangan at kagustuhan ng mga mamimili ang paggawa ng mga produkto at serbisyo. Ito ay isang paraan ng pagsasaayos ng iba’t-ibang yunit pang-ekonomiya upang makatugon sa suliraning pangkabuhayan ng isang lipunan at bansa. Ano ang tawag sa sistemang ito?

• Sistema ng Alokasyon

• Sistema ng Distribusyon

• Sistemang Pang-Ekonomiya

• Sistema ng Produksyon