Modyul 1: Subukin

Alin sa mga sumusunod ang una at pinakapangunahing pamantayan sa paghubog ng isang maayos na pamilya?

• Pagkakaroon ng mga anak

• Pagtatanggol ng karapatan

• Pagsunod sa mga patakaran

• Pinagsama ng kasal ang magulang

Ang pamilyang Dela Cruz ay hindi nakalilimot manalangin nang sama-sama tuwing Linggo. Ano ang dapat tularan sa pamilya Dela Cruz?

• Pagiging disiplinado

• Pagiging matatag sa sarili

• Walang anumang alitan ang bawat isa

• May pagkakaisa sa pagsamba sa Panginoon

“Kapag sama-sama at nagtulungan ang bawat kasapi ng pamilya ito ay magiging buo at matatag.” Anong aral ang mapupulot sa kasabihan?

• Ang pamilya ang pundasyon sa lipunan.

• Ang pamilya ang salamin sa lipunan.

• Kung ano ang puno, siya rin ang bunga.

• Kung matatag ang pamilya, may pakinabang sa lipunan

“Ang pagmamahalan ay nagpapatibay sa isang pamilya.” Anong positibong impluwensya ang ipinahiwatig sa pahayag?

• Ipadama ang pagmamahal sa bawat kasapi ng pamilya.

• Dito ipinapakita ang pagsasama ng buhay at pagmamahal.

• Nakapagbibigay-buhay dahil nakatakda ito sa pagkakaroon ng anak.

• Nagkaroon ng kaligayahan ang bawat kasapi ng pamilya kung may pagmamahalan.

Laging ipinagdiriwang ng pamilya Santos ang tagumpay ng kanilang anak. Anong kaugalian ang maaring tularan sa pamilya Santos?

• Paghamon sa anak na magtagumpay

• Pagpapakita ng interes sa kanilang larangan

• Pagmamalaki sa tagumpay ng kasapi ng pamilya

• Pasasalamat at suporta sa tagumpay na nakamit

Hindi maipagkakaila ang saya sa ngiti ni Aleng Nina nang binigyan ito ng House & Lot ng Engineer na anak. Bilang Kabataan, anong impluwensiya ang masasalamin sa anak ni Aleng Nina?

• pag-aalaga sa kanyang Ina

• pagmamahal sa kanyang Ina

• pag-aasikaso sa kanyang Ina

• pagbibigay-buhay sa kanyang Ina

Sa kabila ng kahirapan, hindi nawawalan ng pag-asa ang ama ni Linda sa pagtaguyod sa kanila. Alin sa sumusunod ang positibong impluwensiyang ipinakita ng ama?

• pagiging matatag

• pagiging madasalin

• pagiging masayahin

• pagiging disiplinado

Binaha ang aming lugar noong bagyong Ondoy at sa awa ng Panginoon ay may mabuting loob na nag-alok na patuluyin kami sa kanilang tahanan. Anong aral ang mapupulot sa sitwasyon?

• pagiging madasalin

• pagkakaroon ng pag-asa

• pagiging maramot sa iba

• pagiging matulungin sa kapwa

Kilala ang pamilyang Pilipino sa pagkalinga sa kanilang mga anak. Alin sa mga sumusunod ang nagpapatunay nito?

• hinahatid sa eskwelahan

• laging binibigyan ng pera ang anak

• pinapadalhan ng mga pagkain sa loob ng klase

• sinusuportahan sa gustong makamit ng anak

Nagsisigaw si Loloy nang madatnan ang kanyang ina na nakahandusay sa sala sa sobrang sakit ng tiyan. Dali-dali namang pumasok ang nakatatandang kapatid at dinala ang ina sa hospital. Alin sa sumusunod ang positibong pag-uugali ang ipinakita sa sitwasyon?

• ang pag-alalay sa ina papunta sa ospital

• labis ang kasiyahang ipinapakita ng kapatid

• ang kapatid may nakaramdan ng pagkabalisa sa nangyayari

• nakatutulong ang mga kapamilya sa oras ng pangangailangan