Filipino 6 - Pagbibigay ng suliranin at Angkop na Pamagat

Problema ang doble-dobleng pag-park ng mga sasakyan sa aming kalye. Ano ang pinakamabuting solusyon nito?

• Guhitan ang sasakyan ng kahit na anong tinta.

• Magalit sa mga may-ari ng sasakyang nagpa-park sa kalye.

• Huwag pansinin kasi wala ka namang sasakyang magpa-park.

• Ipaalam sa opisyales ng barangay upang mahanapan ng tamang parking area ang mga sasakyan.

Mahilig kumain ng tsokolate ang iyong kapatid kaya lagi itong umiiyak dahil sa sakit ng ngipin. Ano ang mabuting gawin dito?

• dalhin sa klinika

• huwag pansinin

• tawanan ang iyong kapatid

• yayaing maglaro sa parke ng inyong lugar

Upod sindi ang lolo mo sa paninigarilyo. Isang araw dinala ito saospital dahil siya ay nagkasakit at napag-alamang mayroon na itong sakit sa baga. Pagkalabas ng ospital nakita mong naninigarilyo pa rin siya ng patago. Ano ang iyong gagawin?

• pagtawanan siya

• isumbong sa pulis

• bilhan ng maraming sigarilyo

• isumbong sa nanay para mapagsabihan siya

Umiigib kayo ng tubig sa balon. Isang umaga kukuha ka na sana ng tubig nang maamoy mong may amoy gasolina pala ito. Ano ang iyong gagawin?

• Manahimik na lamang.

• Umuwi agad at huwag na lang umigib ng tubig.

• Humingi ng tulong para malinisan ang balon.

• Ipatuloy ang pagkuha kahit na alam mong amoy gasolina ang tubig.

Nagkaklase ang iyong guro sa Filipino 6 nang biglang sumakit ang iyong tiyan. Ano ang iyong gagawin?

• Lumabas na hindi nagpapaalam sa guro.

• Magpaalam nang maayos sa guro.

• Magpaalam sa iyong kaklase na ikaw ay lalabas.

• Hintaying hindi tumitingin ang guro at saka kumaripas ng takbo palabas ng silid aralan.

Mahirap ang magulang ni Andres Bonifacio. Hindi siya nakapag-aral. Maaga siyang naulila. Siya ang nagpalaki at nag-aruga sa kaniyang mga kapatid. Ngunit sa sariling pagsisikap natuto siyang bumasa at sumulat. Tinuruan

muna siyang bumasa ng kaniyang ate. Napaunlad niya ang kaalamang ito.Nakabasa at nakasulat siya gaya ng nagtapos sa paaralan. Ano ang angkop na pamagat ng talata?

• Ang Ulila

• Sariling Pagsisikap

• Ang Ulilang si Andres

• Magulang ni Andres Bonifacio

Pinagyaman ng mga Ifugao ang kanilang kabundukan. Binungkal nila ang gilid nito. Nakalikha sila ng makikitid na taniman sa paligid ng bundok. Parang hagdan patungo sa langit ang makikitid na taniman. Tinataniman nila ito ng palay. Ang hagdan-hagdang palayan ng mga Ifugao ay isang kahanga- kahangang tanawin.

• Ang Ifugao

• Taniman ng Ifugao

• Kahanga-hangang Tanawin

• Ang Hagdan-hagdang Palayan

Si Andres Bonifacio ay isinilang noong Nobyembre 30, 1863. Isinilang siya sa maliit na dampa sa Tondo, Maynila. Ang kanilang bahay ay nasa tapat ng kasalukuyang istasyon ng tren ng Tutuban. Ang kaniyang ama si Santiago Bonifacio ay isang sastre. Ang kaniyang ina, si Catalina de Castro ay isang karaniwang maybahay. Tunay na mula sa masa si Andres Bonifacio.

• Si Andres Bonifacio

• Si Catalina de Castro

• Mga Magulang ni Andres

• Trabaho ng mga Magulang

Isinilang si Jose Rizal sa Calamba, Laguna noong Hulyo 19, 1861. Mayaman ang kaniyang ama. Malawak ang kaniyang taniman ng palay at tubo. Buhat sa mariwasang angkan ang kaniyang ina. Mataas ang pinag-aralan nito. Si Jose Rizal ay tunay na mula sa nakaririwasang angkan.

• Mariwasang Angkan

• Ang Pamilya ni Jose Rizal

• Ang Pagkatao ni Jose Rizal

• Kapanganakan ni Jose Rizal

Panganay si Andres Bonifacio sa anim na magkakapatid. Naulila sila noong 14 na taong gulang pa lamang. Gumawa siya ng paraan upang buhayin ang mga nakababatang kapatid. Gumawa at nagtinda sila ng mga abanikong papel at tungkod na kahoy. Pumasok siyang mensahero sa isang kumpanya. Naging ahente din siya sa iba namang kumpanya.

• Ang Mensahero

• Ang Batang si Andres

• Ang Masipag na si Andres

• Ang Buhay ni Andres Bonifacio