Week 7: Salik ng Pagkonsumo

Alin sa mga sumusunod ang pinakaangkop na kahulugan ng pagkonsumo?

• Ito ay proseso ng paglikha ng panibagong produkto

• Ito ay ang interaksyon ng mamimili at nagtitinda sa isang pamilihan

• Ito ay mekanismo ng pamamahagi ng mga pinagkukunang-yaman, produkto at serbisyo

• Ito ay tumutukoy sa paggamit ng produkto o serbisyo upang matugunan ang pangangailangan at kagustuhan ng tao

Ang lahat ng tao ay mamimili. Paano mo malalaman kung may nakukuhang kasiyahan ang mamimili sa pagkonsumo ng produkto at serbisyo?

• Kung patuloy pa rin siya sa paggamit ng naturang produkto

• Kung inubos niya ang stock ng naturang produkto sa pamilihan

• Kung hindi na siya tumatangkilik sa naturang produkto o serbisyo

• Kung nagmahalan ang presyo ng produkto at serbisyo sa pamilihan

Kung ikaw ay isang taong rasyonal, ano ang dapat mong isaalang-alang sa pagkonsumo ng isang produkto o serbisyo?

• kapakinabangan nito

• kasiyahan na dulot nito para sa sarili

• kaligayahan na dulot nito sa ibang tao

• kaibahan nito sa ibang produkto o serbisyo

Ang pagkonsumo ay isang mahalagang gawaing pang-ekonomiya ng bansa sapagkat ito ay nagbibigay katuturan sa produksyon. Ano ang mahihinuha mo sa pahayag na ito?

• Walang produksyon kung walang pagkonsumo

• Walang pagkonsumo kung walang produksyon

• Ang pagkonsumo ay nakasalalay sa dami ng produkto o serbisyo

• Maaaring may mga produkto at serbisyo kahit walang produksyon

Ang hindi pagtugon ng mga tao sa kanyang pangangailangan at kagustuhan ay magdudulot ng iba’t ibang suliranin sa ekonomiya ng bansa. Alin sa mga sumusunod ang payak na paglalarawan sa suliraning ito?

• Mawawalan ng hanapbuhay ang mga tao

• Magreresulta sa pagkalugmok ng bansa sa kahirapan.

• Mabubuhay pa rin ang mga tao na nasa mga liblib na lugar

• Walang pamilihan dahil walang malilikhang produkto at serbisyo

Ang pagkonsumo ay isang mahalagang gawain ng lipunan. Paano mo mailalarawan ang isang lipunan na walang pagkonsumong nagaganap?

• walang umiiral na pamilihan

• industriyalisado at superyor sa paggawa

• may naglalakihang mga gusali at bahay-kalakal

• kakikitaan ng interaksyon sa pagitan ng konsyumer at prodyuser

Ang kita ay isa sa mga salik na nakaapekto sa pagkonsumo. Ano ang kaugnayan ng kita ng tao sa kanyang pagkonsumo?

• Pagnenegosyo ang sagot sa kahirapan ng mga taong naglilingkod sabayan

• Nagsusumikap ang tao na matutugunan ang lahat ng kanyang mga pangangailangan

• Higit na mas mahalaga sa tao ang kanyang kita kaysa dami ng kanyang mga pangangailangan

• Kung mababa ang kita ng isang tao mas mababa ang kanyang pagkonsumo sa kanyang mga pangangailangan at kagustuhan

Ang pagkakaroon ng maraming utang ay makaaapekto sa pagkonsumo ng tao. Bilang isang mag-aaral, paano mo maiiwasan ang pagkakautang?

• Dapat may sapat na halaga ng pera bilang pambayad ng utang

• Matutong humingi ng libreng pera sa kaklase para makaiwas sa pagkakautang

• Matutong magtipid sa paggamit ng pera para makabili ng pangangailangan

• Iwasan ang pangungutang sa mga bangko at sa ibang pang mga institusyong pinansyal

Ang mga sakuna tulad ng bagyo, lindol at maging ang pandemyang dala ng COVID-19 ay nagreresulta sa kakulangan ng suplay ng mga pangunahing produkto. Bilang isang Pilipino, paano ka makatutulong na mapanatili ang maayos na pagkonsumo sa kabila ng sakuna?

• Bumili ng maramihan at itago sa bahay para hindi maubusan

• Bumili ng mabentang produkto sa pamilihan kahit hindi kailangan

• Sundin ang mga batas na ipinapatupad ng pamahalaan para makontrol ang presyo

• Bumili lamang ayon sa pangangailangan para mabigyan ngpagkakataon ang iba na makabili sa parehong produkto

Ang pagbabago-bago ng presyo ay nakaaapekto sa pagkonsumo. Kung ikaw ay isang mamimili, paano ka makatutulong na maiwasan ang pangaabuso sa pagtakda ng presyo sa mga produkto sa pamilihan?

• Idulog ang mga suliraning pang-ekonomiya sa mababang korte

• Ipagdasal at hayaan sila na maging mayaman sa mga mata ng tao.

• Iwasan ang paggawa ng mga produkto para sa malakihang pamilihan

• Isumbong ang mga abusadong namumuhunan sa Department of Trade and Industry (DTI)