Summative Test in Filipino #1

PANUTO: Basahin at unawain ang teksto o balitang binasa.

BALATAN, Camarines Sur — Matinding napinsala ng bagyong Rolly ang bayan na ito dahil bukod sa daluyong ay nagkaroon pa ng landslide sa mga apektadong barangay.

Saan man tumingin ay bakas ang bagsik ng super typhoon Rolly sa Balatan.

Bukod sa nagtumbahang puno at poste ng kuryente, may limang landslides na naitala sa bayan kaya ilang araw itong isolated.

Pero mas matindi ang pinsala sa tabingdagat.

Ayon sa Balatan Municipal Social Welfare Office, maraming bahay rin ang nasira ng malakas na hangin at storm surge sa mga coastal barangay ng Duran, Luluwasan, at Pararaw.

Umabot sa 622 pamilya ang inilikas ng MSWO bago ang bagyo pero hindi pa sila nahahatiran ng tulong dahil patuloy ang clearing operations sa Nabua-Balatan road.

Bagsak din ang linya ng komunikasyon sa Balatan.

Target ng LGU na makapamahagi ng ayuda sa weekend.

Kasabay ng damage assessment, namahagi rin ng tulong sa iba’t ibang bayan sa Camarines Sur si Vice President Leni Robredo.

Binisita rin ni Robredo ang Iriga City Hall na lubha ring napuruhan ng super typhoon Rolly.

Tungkol saan ang nabasa mong balita?

• Matinding pinsalang natamo dahil sa bagyong Rolly.

• Paghahanda sa paparating na bagyong Rolly.

• Paglilikas ng mga residenteng apektado ng bagyong Rolly.

Paano mo ito iuugnay sa iyong sariling karanasan?

• Malayo ang karanasan namin sa buhay.

• Unawain ang binasa at pagkakaroon ng malasakit at pagpapahalaga sa tekstong binasa.

• Wala sa nabanggit

Naranasan mo na bang tumulong sa mga taong nasalanta ng bagyo?

• Hindi po

• Ayaw ko pong tumulong

• Opo, sa abot ng aming makakaya.

Bakit nawasak ang mga bahay sa may tabingdagat?

• Dahil sa malakas na hangin at baha

• Dahil sa landslide

• Dahil sa malakas na hangin at storm surge

Ilang pamilya ang inilikas dahil sa bagyong Rolly sa Balatan, Camarines Sur?

• Tinatayang 632 na pamilya ang inilikas.

• Nasa 612 na pamily ang inilikas.

• Nasa 622 na pamilya ang inilikas.

Ano ang opinyon mo sa balitang iyong nabasa?

• Dapat maging handa kung may paparating na bagyo.

• Ugaliing makinig o manood ng balita.

• Lahat ng nabanggit

Kilalanin kung Pangngalan o Panghalip ang salitang may salungguhit sa pangungusap.

Mabilis na umaksiyon ang kapitan ng barangay sa nangyaring sakuna.

• Pangngalan

• Panghalip

Kami ay tumutugon sa mga pangangailangan ng mga mag-aaral para sa nalalapit na pasukan.

• Pangngalan

• Panghalip

Dapat na sundin natin ang lahat ng batas lalo na't makakabuti ito sa atin.

• Panghalip

• Pangngalan

Pawang manggagawa ang dumalo sa seminar na idinaos sa TESDA kanina.

• Pangngalan

• Panghalip