Modyul 1- Tayahin

Alin sa sumusunod na sitwasyon ang nagpapakita ng bilingguwalismo?

• Paggamit ng Filipino at Ingles sa pagtuturo ng mga konsepto sa agham at matematika.

• Paggamit ng Ingles sa pagtuturo ng kasaysayan at panitikan.

• Paggamit ng Hiligaynon sa pagtuturo ng Ingles.

• Paggamit ng Cebuano, Filipino, at Ingles sa pagtuturo ng Edukasyon sa pagpapahalaga.

Alin sa sumusunod ang nagpapakita ng multilingguwalismo?

• Itinuturo ni Hannah ang kasaysayan sa wikang Waray-waray, Filipino, at Ingles kung kinakailangan.

• Itinuturo ni Martha ang panitikan sa wikang Ingles.

• Itinuturo ni Jona ang matematika sa wikang Ilokano.

• Itinuturo ni Gemma ang agham sa mga wikang Filipino at Ingles.

Kung ipinanganak at lumaki sa Albay si Katrina, sa anong wika dapat ituro ang mga asignatura niya sa unang baitang sa eskuwelahan, ayon sa patakarang multilingguwal?

• A. Filipino

• B. Bikolano

• C. Ingles

• D. Ilokano

Nagharap si Rizza ng papel tungkol sa Marine Science na nakasulat sa Filipino sa isang pambansang kumperensiya. Sa aling layunin ng bilingguwal na patakaran ng edukasyon ito maiuugnay?

• Mapaunlad ang Filipino bilang simbolo ng pambansang identidad at pagkakaisa.

• Mapayabong ang Filipino bilang wika sa mga diskursong pang-iskolar tungo sa intelektuwalisasyon ng wikang pambansa.

• Maisulong ang Filipino bilang internasyonal na wika.

• Mapahina ang Ingles bilang wikang panturo sa Pilipinas.

Alin sa sumusunod ang HINDI makapagpapatunay na nagtagumpay ang multilingguwal na edukasyon sa layunin nito?

• Higit na nakilala ng mga tao ang kanilang sariling identidad.

• Naihanda ang mga tao sa pakikilahok sa pambansa at internasyonal na mga gawain.

• Nalinang ang wikang pambansa at mga rehiyonal na wika.

• Itinakwil ang paggamit ng Ingles sa kabuuan.