<< Գնումների մասին>> ՀՀ օրենք

1. Նշվածներից ո՞րն է համարվում գնում:

• ա. Պատվիրատուի հատուցմամբ` ընտրված մասնակցի հետ պայմանագիր կնքելու միջոցով բոլոր տեսակի ապրանքների, աշխատանքների և ծառայությունների ձեռքբերումը, լիզինգը, պատվիրատուի կողմից նվիրաբերության կարգով իրավաբանական անձանց հատկացվող միջոցների հաշվին ապրանքների, աշխատանքների և ծառայությունների ձեռքբերումը, փոխանակման ձևով ապրանքի, աշխատանքի կամ ծառայության ձեռքբերումը, ինչպես նաև պետություն-մասնավոր գործընկերության, ներառյալ հավատարմագրային կառավարման և կոնցեսիայի գործարքների շրջանակներում մասնավոր հատվածի գործընկերոջը իրավունքների շնորհումը:

• բ. Փոխանակման ձևով ապրանքի, աշխատանքի կամ ոչ նյութական բնույթի ծառայության ձեռքբերումը:

• գ. Գրավոր կնքվող գործարք`ապրանքի, աշխատանքի կամ ծառայության ձեռքբերման նպատակով:

• դ. Պայմանագիր կնքելու նպատակով որակավորման չափանիշների ձեռքբերում:

2.<<Գնումների մասին>> ՀՀ օրենքի համաձայն` նշվածներից ո՞ր մարմինն է համարվում լիազորված մարմին:

• ա.Պետական ֆինանսների կառավարման բնագավառում Հայաստանի Հանրապետության կառավարության քաղաքականությունը մշակող և իրականացնող Հայաստանի Հանրապետության գործադիր իշխանության պետական մարմինը:

• բ. Պետական ֆինանսների կառավարման բնագավառում Հայաստանի Հանրապետության կառավարության քաղաքականությունը մշակող և իրականացնող Հայաստանի Հանրապետության իշխանության օրենսդիր մարմինը:

• գ. Պետական ֆինանսների կառավարման բնագավառում Հայաստանի Հանրապետության կառավարության քաղաքականությունը մշակող և իրականացնող Հայաստանի Հանրապետության գործադիր իշխանության խորհրդատու մարմինը:

• դ. Պետական ֆինանսների կառավարման բնագավառում Հայաստանի Հանրապետության կառավարության քաղաքականությունը մշակող և գնումների ֆինանսավորման կարգը սահմանող մարմինը:

3.Ո՞րքան է գնումների բազային միավորը:

• ա.Երկու միլիոն ՀՀ դրամ:

• բ. Մեկ միլիոն ՀՀ դրամ:

• գ. Քսան միլիոն ՀՀ դրամ:

• դ. Երեք միլիոն ՀՀ դրամ:

4.Նշված գործարքներից ո՞ր տեսակի վրա չի տարածվում <<Գնումների մասին>> ՀՀ օրենքի գործողությունը:

• ա.Տրանսպորտային ոլորտում հասարակական ծառայությունների մատուցման:

• բ. Բնական գազի բաշխման ցանցերի կառուցման:

• գ. Աշխատանքային պայմանագրերի:

• դ. Էլեկտրաէներգետիկայի ոլորտում հաղորդման ցանցերի կառուցման:

5. Նշվածներից ո՞րն է պայմանագրով նախատեսված պարտավորությունների կատարման համար հրավերով պահանջվող որակավորման չափանիշը` <<Գնումների մասին>> ՀՀ օրենքի համաձայն:

• ա.Մասնագիտական գործունեության համապատասխանություն`պայմանագրով նախատեսված գործունեությանը:

• բ. Հարկային վճարումների գծով ժամկետանց պարտքեր չունենալը:

• գ. Դատական կարգով սնանկ չճանաչվելը:

• դ. Գնումների գործընթացին մասնակցելու իրավունք ունեցող մասնակիցների ցուցակում ներառված լինելը:

6. Համաձայն «Գնումների մասին» ՀՀ օրենքի` ովքե՞ր իրավունք չունեն մասնակցելու գնումների ընթացակարգերին՝

• ա. Որոնց վերաբերյալ հայտը ներկայացվելու օրվան նախորդող հինգ տարվա ընթացքում առկա է օրենքով սահմանված կարգով կայացված անբողոքարկելի վարչական ակտ` գնումների ոլորտում հակամրցակցային համաձայնության կամ գերիշխող դիրքի չարաշահման համար:

• բ. Որոնց վերաբերյալ հայտը ներկայացվելու օրվան նախորդող չորս տարվա ընթացքում առկա է օրենքով սահմանված կարգով կայացված անբողոքարկելի վարչական ակտ` գնումների ոլորտում հակամրցակցային համաձայնության կամ գերիշխող դիրքի չարաշահման համար:

• գ. Որոնց վերաբերյալ հայտը ներկայացվելու օրվան նախորդող մեկ տարվա ընթացքում առկա է օրենքով սահմանված կարգով կայացված անբողոքարկելի վարչական ակտ` գնումների ոլորտում հակամրցակցային համաձայնության կամ գերիշխող դիրքի չարաշահման համար:

• դ. Որոնց վերաբերյալ հայտը ներկայացվելու օրվան նախորդող երեք տարվա ընթացքում առկա է օրենքով սահմանված կարգով կայացված անբողոքարկելի վարչական ակտ` գնումների ոլորտում հակամրցակցային համաձայնության կամ գերիշխող դիրքի չարաշահման համար:

7.Նշվածներից ո՞րն է պայմանագրով նախատեսված պարտավորությունների կատարման համար հրավերով պահանջվող որակավորման չափանիշը` <<Գնումների մասին>> ՀՀ օրենքի համաձայն:

• ա.Կայուն բնավորությունը:

• բ. Մասնագիտական փորձառությունը:

• գ. Աշխատանքային կարգապահությունը:

• դ. Վարձատրության չափը:

8.Նշվածներից ո՞րն է պայմանագրով նախատեսված պարտավորությունների կատարման համար հրավերով պահանջվող որակավորման չափանիշը` <<Գնումների մասին>> ՀՀ օրենքի համաձայն:

• ա.Պարտադիր տեխնիկաական զննության անցկացումը:

• բ. Տրանսպորտային ծառայությունների մատուցմամբ սահմանումը իրավասու պետական մարմնի կողմից:

• գ. Տեխնիկական միջոցները:

• դ. Վարձատրության կարգը:

9.Նշվածներից ո՞րն է պայմանագրով նախատեսված պարտավորությունների կատարման համար հրավերով պահանջվող որակավորման չափանիշը` <<Գնումների մասին>> ՀՀ օրենքի համաձայն:

• ա.Դատական կարգով սնանկ ճանաչվելը:

• բ. Ֆինանսական միջոցները:

• գ. Գնման գործընթացի շրջանակում ճշգրիտ տվյալների ներկայացումը:

• դ. Պայմանագրով նախատեսված պարտավորության կատարումը:

10.Նշվածներից ո՞րն է պայմանագրով նախատեսված պարտավորությունների կատարման համար հրավերով պահանջվող որակավորման չափանիշը` <<Գնումների մասին>> ՀՀ օրենքի համաձայն:

• ա.Աշխատանքային ռեսուրսները:

• բ. Գնման գործընթացի շրջանակում ստանձնած պարտավորությունների պատշաճ կատարումը:

• գ. Գերիշխող դիրքի չարաշահումը:

• դ. Վարձատրության չափը: