Оқу сауаттылығы тест

Қасым ұста іске жарайды-ау деген мүйіздерді жыл он екі ай бойы жинап жүретін. Оның ішінде киіктің, арқардың, сиырдың, серкенің мүйіздері де болатын. Ол соның бәрін күн тимейтін саялы қалтарысқа жинап қоюшы еді. Көктем шығып, ел жайлауға көшерде Қасым қыстау қасынан ағатын бұлақтың табанындағы қара қорыс, көгала сазды белшесінен қазып, мүйіздерді көміп кететін.

Жаз өтіп, ел қыстауға оралғаннан бір, бір жарым айдан кейін Қасым ұста көктемгі көмбенің тоңын ойып, мүйізді үйге алып келеді. Оларды үйге әкелісімен жылы суға салып, саз-топырағын жуып тастайды. Ұста оларды барынша әрлеп, әсемдеп, ожау, қамшы сап, құты-сауыт, тарақ, көзілдірік жасап шығаратын.

Қасым ұста мүйіздерді қай жерге жинап қоюшы еді?

• Күн тимейтін саялы қалтарысқа

• Күннің көзі түсетін ашық жерге

• Ағаштың түбіне

• Күн шуағы мол ашық алаңқайға

Мен туғанда әкем елуді еңсеріп қалған кісі екен. Әжем жарықтық әкемді «балаларымның ішіндегі еті тірісі осы болды» деп отырар еді.

Әкем өз бетінше талпынып жүріп, ескіше сауатын ашып алыпты. Содан өле-өлгенше өз бетінше оқып-тоқыған адам. Ол есеп-қисапты тәуір білетін. Жас күнінде ағаш ұстасы болыпты, етікші де атаныпты. Тәуіпшілдігі де бар екен. Әсіресе зергерлікті жақсы көрген. Біздің елде одан өткен зергер ұста болмаған. Жігіт күнінде қыз-келіншектің көңілін аулау амалымен үйренген зергерлік өнерін әкем қартайғанда да тастамаған. Әкем өз жанынан өлең шығарып, жиын-тойда айтысқа да түсіп жүріпті. Ескі ақын-жыраулардың термелерін, қиссаларын жақсы көріп тыңдайтын. Бірақ жатқа айта алмаушы еді.

Қате тұжырымды көрсетіңіз.

1.Әкем өз жанынан өлең шығарып, жиын-тойда айтысқа түсіп жүріпті

2.Әкем жастайынан аңшылыққа, саятшылыққа қызығып, құмартып жүреді екен

3.Тәуіпшілдігі де бар екен

• Екіншісі мен үшіншісі

• Тек үшіншісі

• Біріншісі мен үшіншісі

• Тек біріншісі

• Тек екіншісі