LAGUMANG PAGSUSULIT ( ISYU SA PAGGAWA)

1. Ang lahat ay tumutukoy sa epekto ng globalisasyon sa paggawa maliban sa isa. Ano ito?

• A. Demand ng bansa para sa iba’t ibang kakayahan o kasanayan sa paggawa na

  globally standard

• B. Mabibigyan ng pagkakataon ang mga lokal na produkto na makilala sa pandaig- digang pamilihan.

• C. Ang palagiang pangingibang bansa ng mga artista para magbakasyon o umiwas sa mga intriga na ipinupukol sa kanila ng mga taong galit sa kanila.

• D. Binago ng globalisasyon ang pook pagawaan at mga salik ng produksiyon tulad ng pagpasok ng iba’t ibang gadget, computer/IT programs, complex machines at iba pang makabagong kagamitan sa paggawa.

2. Ano ang pangyayaring lubusang nakapagpabago sa buhay ng tao sa kasalukuyan?

• A. Edukasyon

• B. Ekonomiya

• C. Globalisasyon

• D. Paggawa

3. Alin sa mga pangungusap sa ibaba ang kumakatawan sa pahayag na “binago ng globalisasyon ang bahay-pagawaan ng mga manggagawang Pilipino”?

• A. Pagdagsa ng mga produktong dayuhan sa Pilipinas

• B. Pag-angat ng kalidad ng mga manggagawang Pilipino

• C. Pagdagsa ng mga Business Process Outsourcing (BPO) sa bansa

• D. Paghuhulog, pagbabayad at paglalabas ng pera gamit ang mga Automated Teller Machine (ATM)

4. Ano ang humikayat sa mga namumuhunan na pumasok sa bansa na nagdulot naman ng iba’t ibang isyu sa paggawa?

• A. Marami silang kamag-anak dito sa Pilipinas.

• B. Nais ng Pangulo na magkaroon ng negosyo ang lahat ng Pilipino.

• C. Masyadong maluwag ang gobyerno natin sa mga dayuhang namumuhunan sa bansa.

• D. Mabilis na pagdating at paglabas ng mga puhunan ng mga dayuhang namumuhunan na mas nagpatingkad ng kompetisyon sa hanay ng mga dayuhang kompanya at korporasyon sa bansa

5. Anong sektor ng paggawa ang may pinakamalaking bahagdan ng mga manggagawa?

• A. Agrikultura

• B. Impormal na sektor

• C. Industriya

• D. Paglilingkod

6. Alin sa sumusunod ang suliraning kinakaharap ng mga lokal na magsasaka?

• A. Kawalan ng asawa

• B. Kawalan ng sapat na tulog

• C. Kawalan ng kahalili sa pagtatanim at pag-aani ng mga pananim

• D. Kakulangan ng patubig o suporta ng pamahalaan sa pagbibigay ng ayuda

7. Ito ay tumutukoy sa pagpapalaki ng kita at tubo sa pamamagitan ng pagpapatupad ng mababang pasahod at paglimita sa panahon ng paggawa ng mga manggagawa?

• A. Subcontracting Scheme

• B. Kontraktuwalisasyon

• C. Mura at Flexible Labor

• D. Underemployment

8. Ang pagpasok ng Pilipinas sa mga usapin at kasunduan sa mga pandaigdigang institusyong pinansyal tulad ng IMF-WB at WTO ay lalong nagpahina sa kita ng mga lokal na magsasaka. Alin sa sumusunod na pahayag ang sumusuporta dito?

• A. Ang mga produktong agrikultural ay malayang naiaangkat sa ibang bansa.

• B. Ang mga dayuhang produktong agrikultural ay malayang naibebenta sa mga lokal na pamilihan sa mababang halaga.

• C. Ang mga lokal na de-kalidad na produkto tulad ng mangga at saging ay itinatanim at nakalaan lamang para sa ibang bansa.

• D. Ang mga lupaing mainam na taniman ay sumasailalim sa land conversion at pinatatayuan ng iba’t ibang dayuhang industriya.

9. Alin sa sumusunod ang hindi mabuting epekto ng kontraktuwalisasyon?

• A. Nakabubuo ng mga unyon sapagkat may trabaho.

• B. Hindi nakatatanggap ng karampatang sahod at mga benepisyo ang mga manggagawa.

• C. Maiiwasan ang pagbabayad ng separation pay ng mga kapitalista sa mga manggagawa.

• D. Hindi kinikilala ng contracting company ang relasyong “employee-employer” sa mga manggagawang nasa empleyo ng isang ahensiya.

10. Ano ang tawag sa pagkuha ng isang kompanya sa isang ahensiya o indibidwal na

subcontractor upang gawin ang isang trabaho o serbisyo sa isang takdang panahon?

• A. Subcontracting Scheme

• B. Kontraktuwalisasyon

• C. Mura at Flexible Labor

• D. Underemployment