FPL_PAGSUSURING PAGSUSULIT

Alin sa mga sumusunod ang hindi kabilang sa layunin ng pagsulat?

• Malinang ang kasanayan ng mga mag-aaral para makasulat ng iba’t ibang anyo ng akademikong sulatin.

• Makasulat ng mga artikulo at babasahing pupukaw sa interes ng iilan.

• Makapagsagawa ng wastong pangangalap ng impormasyon at malikhaing pagsasagawa ng ulat.

• Masanay ang kakayahang mag-organisa ng mga kaisipan at maisulat ito sa obhetibong paraan.

Nasa anong antas ng pag-unawa ang isang mag-aaral na isinasabuhay ang kanyang mga natutuhan sa loob ng silid-aralan?

• Una

• Pangalawa

• Pangatlo

• Hindi matukoy

Alin sa mga sumusunod ang pinakaepektibong paraan sa paglinang ng Akademikong Pagsulat?

• Pagsasagawa ng pananaliksik sa aklatan

• Pakikinig sa mga talakayan sa klase

• Panonood ng lahat ng uri ng palabas sa telebisyon

• Pagbabasa ng mga artikulo na may obsolete na impormasyon

Anong hulwaran sa akademikong pagsulat ang ginamit sa bahaging ito ng isang akademikong sulatin?

"Ang terminong malinaw na ikinakabit sa pagkalalaki ay ang machismo (mula sa Espanyol, ginagamit upang bawasan ang pangangailangang ipagyabang ang pagkalalaki), na karaniwang umiiral sa mga bansang Latino-Amerikano, lalo na sa Mexico."

• Aplikasyon

• Paghahambing

• Pagpapaliwanag

• Pagbibigay depinisyon

Isa sa mga pinakamahalagang bahagi ng pananaliksik na naglalaman ng buod nang natapos na pag-aaral.

• Abstrak

• Sintesis

• Sinopsis

• Kongklusyon

Lubhang mapaminsala ang kapangyarihan ng isang taong kinain ng galit. Sa kwentong nabasa, nakita natin kung paano nagbago ang buhay ng pangunahing tauhan nang paibabawan siya ng kanyang galit. Una, ganoon na lamang kung pagsalitaan niya nang masama ang kanyang ina. Pangalawa, maging ang kanyang kapatid na pinakapinagkakatiwaalan niya ay nakuha niyang saktan at pangatlo, tuluyan siyang nawalan ng pag-asa at nagtangkang kitlin ang kanyang buhay.

Anong halimbawa ng akademikong sulatin ang talatang iyong nabasa?

• Abstrak

• Talumpati

• Sintesis

• Sinopsis

Paano inilahad ang pagkakasunod-sunod ng mga detalye sa talatang nabasa?

• Pasekwensiyal

• Pakronolohikal

• Paprosidyural

• Hindi matukoy

Si Aurora E. Batnag, dating Direktor III ng Komisyon sa Wikang Filipino, ay nagtapos ng doktorado sa lingguwistika sa Philippine Normal University (PNU). Siya ay awtor ng mga premyadong maikling kuwentong pambata at ko-awtor ng mga aklat sa pagsasalin at mga teksbuk sa hayskul sa Filipino. Nagturo siya ng mga kursong gradwado sa lingguwistika at pagsasalin sa PNU at De La Salle University.

Ang talatang ito ay halimbawa ng isang ___________.

• Autobiography

• Biography

• Bionote

• Wala Sa Nabanggit

Sa anong kagamitan ng mag-aaral karaniwang makikita ang ganitong uri ng talata?

• Libro

• Laptop

• Kwaderno

• Libro at Kwaderno

Alin sa mga sumusunod ang pinakamahalagang gamit ng ganitong uri ng akademikong sulatin?

• Maikli ngunit sapat nang pagpapakilala sa isang tao.

• Naglalaman ito ng personal na impormasyon sa taong ipinapakilala.

• Detalyado nitong isinasalaysay ang mga impormasyon hinggil sa buhay ng isang tao.

• Lahat ng nabanggit