LATIHAN SOAL UJIAN SEKOLAH

Setitekna teks ing ngisor iki!

Tempe

Ora kaya panganan dhele tradhisional liyane kang biyasane asale saka Cina lan Jepang. Tempe iku asli Indonesia. Ora cetha kapan panggawene tempe iku kawitan. Nanging nyatane panganan tradhisional iki wis dikenal wiwit pirang-pirang abad kawuri, utamane ing tatanan budaya panganan masyarakat Jawa. Ing bab 3 lan bab 12 manuskrip Serat Centhini kanthi seting Jawa abad kaping 16, wis ditemokake tembung tempe, umpamane kanthi nyebut jeneng nyamikan jae santen tempe (saemper masakan tempe nganggo santen) lan dhele tempe srundengan. Tembung tempe dirasa saka basa Jawa kuna. Ing jaman Jawa kuna ana panganan kang werna putih digawe saka glepung kang diarani tumpi. Tempe seger kang awarna putih katon saemper karo panganan tumpi kasebut. Saliyane iku ana rujukan ngenani tempe saka taun 1875 ing sawijining kamus Jawa-Belanda.

Alinea ing dhuwur kalebu teks....

• Narasi

• Persuasi

• Deskripsi

• Argumentasi

• Prediksi

Setitekna teks ing ngisor iki!

Lingkungan Resik, Uripe Sehat

Lingkungan resik urip sehat duweni teges lingkungan sing adoh saka kondisi kang nyebabake lelara. Lingkungan sing resik bisa ndadekake urip sehat. Tegese saka lingkungan resik urip sehat yaiku urip lingkungan sing kita panggone nduweni kesan becik kanggo sesawangan lan menehi sehat.

Lingkungan sing kita panggone bisa ndukung lan nduweni pengaruh tumrap panguripane manungsa dhewe. Yen lingkungan kita, wargane duweni pakulinan urip sehat, mesthine iki bakal nuwuhake kesan luwih becik tumrap pribadi lan masyarakat. Ananging suwalike yen kita manggon ing warga kang duweni pakulinan kemproh lan seneng omben-omben bab iki bakal duweni pengaruh psikis lan mental kita. Kahanan iki bisa diselaki yen wis mbangun bale wisma amarga lingkungan kaya mau bisa nduweni pengaruh tumrah sesrawungan putra-putri kita.

Saka andharan teks ing dhuwur kena apa lingkungan kudu resik?

• Amarga panggonan sehat bisa dukung panguripane manungsa

• Amarga saka lingkungan resik bisa ndadekna urip sehat

• Amarga wargane nduweni kebiyasaan becik

• Amarga kahanan iki bisa nuwuhake sesawangan kang asri

• Amarga wargane supaya ora kemproh

Ing crita Dewa Ruci, Bima mituhu kabeh dhawuhe Durna minangka gurune sanajan anggone dhawuh iku ngetohake nyawa, nanging Bima ora nggresula. Saka crita kasebut pamireng ngerti yen karep saka crita iku murid bekti karo gurune.

Perangan iku mapan ana ing crita kang diarani …

• paraga

• latar

• watak paraga

• amanat

• alur

DEWI TRIJATHA

Nalika Dewi Shinta dicolong dening Prabu Dasamuka lan dikunjara ing Taman Soka, dheweke dikancani Dewi Trijatha, anak wadone Gunawan Wibisana. Gunawan Wibisana kuwi anake Prabu Dasamuka. Dewi Trijatha iki saben dina nglipur lan ngayomi Dewi Shinta saka godha lan patrape Prabu Dasamuka kang kurang ajar. Saben arep ngganggu, Dewi Trijatha mesthi mbelani kanthi tenanan lan njaga supaya Dewi Shinta bisa tetep kajaga kasuciane. Dheweke mesthi ngalang-alangi niyate Dasamuka kang kepengin ngrebut kasucene Dewi Shinta nalika dikunjara ing Taman Soka.

Pratelan ing ngisor iki sing pas karo crita ing dhuwur, yaiku ....

• Dasamuka nduweni watak kang wicaksana

• Dewi Trijatha, anak wadone Prabu Dasamuka

• Dewi Shinta dicolong lan dikunjara ing Taman Saloka

• Dewi Trijatha kuwi kapetung putune Prabu Dasamuka

• Dasamuka kang kepengin ngrebut keratone Dewi Shinta

Wacanen kanti teliti wacana ing ngisor iki

"Tomas kuwi sawijining siswa kelas 11 ing SMK Karanganyar. Sawijining dina, ana pertandingan persahabatan futsal. Sing ngenekake yaiku SMK Karya Nugraha Boyolali. Dadi, minggu ngarep bakal ana pertandingan ing antarane SMK Karanganyar lan SMK Karya Nugraha Boyolali. Ing wektu-wektu sadurunge pertandingan kuwi, Tomas latian kanthi sregep lan dhisiplin. Kamangka sadurunge Tomas ora tau melu latian. Nanging wektu pertandingan ndilalah gawang SMK Karanganyar bisa dijebol oleh SMK Karya Nugraha Boyolali. Dadi pertandingan dimenangake SMK Karya Nugraha Boyolali kanthi skor 6-0. Sawise pertandingan kuwi, Tomas wis ora tau melu latian kanca-kancane maneh

Paribasan kang trep kanggo crita ing dhuwur yaiku ....

• obor blarak

• obor oncor

• ana catur mungkur

• kebo kabotan sungu

• ngutik-utik macan turu

Pak Brata sawijining pemimpin sing banget diajeni jalaran ngendikane kepenak, apa maneh yen janji mesthi ora mblenjani, ora gawe seriking liyan.

Pratelan iku jumbuh karo unen-unen ....

• sapa nandur ngundhuh

• ana catur mungkur

• jer basuki mawa beya

• becik ketitik ala ketara

• ajining diri saka lathi

PUCUNG

Siswa iku kudu manut marang guru

Rukun marang kanca

Aja drengki aja srei

Aja climut aja jail aja nakal

Surasaning tembang pocung ing dhuwur ngemot bab….

• pendidikan

• budi pekerti

• unggah-ungguh

• moral

• cangkriman

Tembang macapat iki setitekno

SINOM

Nuladha laku utama

Tumrape wong tanah Jawi

Wong agung ing ngeksi ganda

Panembahan senapati

Kapati amarsudi

Sudaning hawa lan napsu

Pinesu tapa brata

Tanapi ing siyang ratri

Amemangun karyenak tyasing sesama

Tumindak kang becik miturut tembang sinom ing dhuwur yaiku?

• kudu dadi wong jawa

• kudu dadi wong kang gedhe

• kudu nduwe pangkat lan kalungguhan dhuwur

• kudu ngurangi hawa nafsu kanti laku prihatin

• kudu nindakake tapa

Sekar pucung tambane ati kang bingung

Ngupadi piwulang

Wewarah ingkang sejati

Weh pepadhang ambirat ribeding nala

Tembang pucung ing dhuwur nduweni teges. . .

• golek penggaweyan kang utama

• golek ilmu sing apik kanggo ngudi kapinteran

• wong sing seneng mulang

• wong sing demen bingung

• wong sing lagi bingung

Gatekna Tembang ing ngisor iki!

Anjasamara ari mami

Mas mirah kulaka warta

Dasihmu tan wurung layon

Aneng kutha Prabalingga

Prang tandhing wuru bisma

Kariya mukti wong ayu

Pun kakang pamit palastra

Sejatine kasedhan

Tembang ing ndhuwur diarani tembang apa?

• Dhandanggula

• Asmarandana

• Mijil

• Gambuh

• Kinanthi