ESP 1

Basahin ang kwento at sagutin ang mga sumusunod na tanong. Piliin ang titik ng tamang sagot.

Karapatan ni Moy

ni M.C.M.

Caraan Siya si Moy. Nasa ikalawang baitang na sana siya ngayon. Kaya lang hindi siya pinapasok ng kaniyang mga magulang sa paaralan dahil wala silang pera na isusuporta sa mga kailangan ni Moy sa pag-aaral. Araw-araw ay makikita si Moy sa kalye. May dala siyang kariton at pumupunta sa bahay-bahay upang humingi ng bote, plastik at papel.

Napapadaan siya minsan sa isang lugar na may mga bata na masayang naglalaro. Gustong-gustong makipaglaro ni Moy kaya lang naisip niya na kailangang marami siyang makuhang bote, plastik at papel. Wala silang kakainin kapag hindi niya naipagbili ang mga ito. Kapag napagod siya, sumasampa na lamang siya sa kariton at doon natutulog. Minsan inaabot siya doon ng gabi hanggang umaga dahil sa sobrang pagod.

Sino ang batang nasa kwento?

• Moy

• Roy

• Dodoy

Ano ang masasabi mo sa kaniya?

• Siya ay batang masipag.

• Siya ay batang tamad.

• Siya ay batang walang pakialam.

Ano ang kaniyang ginagawa upang kumita ng pera?

• Namamalimos sa kalsada.

• Pumupunta sa bahay-bahay upang humingi ng bote, plastik at papel.

• Nagtitinda ng isda.

Masaya ba niyang tinatamasa ang mga karapatan ng isang bata?

• Opo

• Hindi po

• Hindi sigurado

Kung ikaw ang batang nasa kwento, ano ang mararamdaman mo?

• Masisiyahan

• Malulungkot

• Magagalit