Órganos dos sentidos

Sinala a opción correcta sobre o sentido do oído:

• No oído interno ten lugar a transformación das ondas sonoras en impulsos eléctricos.

• O oído interno está formado polo caracol e a cadea de ósos.

• Está dividido en dúas partes: oído interno e oído externo.

• Únicamente posúe receptores sensoriais para a audición.

En relación ós distintos tipos de receptores sensoriais, sinala a resposta falsa:

• Os fotorreceptores son receptores sensoriais que se estimulan pola luz.

• Os quimiorreceptores atópanse no nariz e na lingua.

• Os nociceptores son os receptores sensoriais que se encargan do equilibrio.

• Os termorreceptores detectan as variacións de temperatura.

Dos seguintes enunciados, sinala o verdadeiro:

• Todos os receptores sensoriais captan estímulos do medio externo.

• Unha terminación nerviosa non pode funcionar como receptor sensorial.

• Os receptores sensoriais captan estímulos e xeran impulsos nerviosos.

• Os receptores sensoriais sempre se agrupan en áreas concretas do corpo.

Sinala a falsa:

• A cadea de osiños transmite as vibracións ó oído interno.

• O órgano de Corti é fundamental para o equilibrio.

• O conduto auditivo transmite as ondas sonoras ó timpano.

• O pavillón auditivo dirixe as ondas sonoras cara o conduto auditivo.

En relación ó oído, sinala a verdadeira:

• A cadea de osiños atópase no oído interno.

• As células flaxeladas da cóclea transforman as vibracións en impulsos nerviosos.

• A cadea de osiños está formada por un conxunto de 5 ósos.

• Os impulsos eléctricos viaxan do oído ó cerebro a través do nervio auditivo.

En relación ó equilibrio, sinala a falsa:

• As máculas son áreas sensoriais que perciben a posición da cabeza.

• As células receptoras das máculas son células ciliadas.

• O movemento dos otolitos despraza os cilios das células receptoras.

• O aparato vestibular está bañado pola endolinfa.

En relación á estrutura do ollo, sinala a correcta:

• Está formado por 4 capas.

• A fóvea e a zona do ollo onde a densidade de bastóns é maior.

• O punto cego non posúe fotorreceptores.

• O humor vítreo atópase entre a córnea e o cristalino.

Sinala a falsa:

• A acomodación da córnea permite a visualización dos obxectos que están lonxe.

• As imaxes fórmanse invertidas na retina.

• Existen dous tipos de fotorreceptores: os conos e os bastóns.

• Os bastóns encárganse da visión nocturna.

Sinala a verdadeira:

• O punto de máxima visión da retina é a zona pola que sae o nervio óptico.

• O humor acuoso non é transparente.

• A fóvea está chea de conos.

• Os fotorrecpetores do cristalino son os responsables de que a imaxe na retina se forme invertida.

En relación coa pel, sinala a falsa:

• A pel é o órgano dos sentidos que máis tipos de receptores sensoriais posúe.

• Está formada por epiderme, derme e hipoderma.

• Atopamos receptores sensoriais en todas as capas da pel, agás na hipoderma.

• Na pel, ademais dos receptores sensoriais, podemos atopar outras estruturas coma folículos pilosos e glándulas sebáceas.