Paunang pagatataya 3rd Week ESP 7

Ang ______________________________ ay tumutukoy sa pagbibigay-halaga sa mga bagay na tumutugon sa pangunahing pangangailangan ng tao at sa mga bagay na maituturing lamang ng rangya o luho.

• Pambuhay na halaga

• Pandamdam na mga halaga

• Spiritwal na halaga

• Banal na halaga

Ang pagpapaunlad ng kaalaman/karunungan na siyang gawi ng ating isip ay makakamit sa pamamagitan ng paghubog ng _________________.

• Intelektwal na birtud

• Moral na birtud

• Ispiritwal na birtud

• Sosyal na birtud

Ang mga sumusunod ay mga uri ng ispiritwal na halaga ayon kay Max Scheler, maliban sa:

• Pagpapahalaga sa katarungan

• Pagpapahalagang pangkagandahan

• Pagpapahalaga sa ganap na pagkilala sa katotohanan

• Pagpapahalaga sa katiwasayan ng damdamin at isipan

Ang pera ay nakapagbibigay ng saya sa tao ngunit maraming tao na maraming pera ngunit naghahanap pa rin ng ibang bagay na mas makapagpapasaya sa kanila. Sa paglipas ng panahon mahihinuha nila na ang pagkakaroon ng buong pamilya at mga tapat na kaibigan pala ang tunay na makapagpapasaya sa kanya. Ang halimbawang ito ay patunay sa anong katangian ng mataas na antas ng halaga?

• Habang tumatagal ang halaga, mas tumataas ang antas nito

• Mataas ang antas ng halaga kung ito ay lumilikha ng iba pang mga halaga

• Mas malalim ang kasiyahan na nadama sa pagkamit ng halaga, mas mataas ang antas nito

• Mas mahirap mabawasan ang kalidad ng halaga kahit pa dumarami ang nagtataglay nito, mas mataas ang antas nito

Tinawag na “ordo amoris” o order of the heart ang Hirarkiya ng Halaga dahil:

• Ang puso ng tao ang unang dapat na pairalin sa pamimili ng pahahalagahan at hindi kailanman ang isip

• Ang puso ng tao ay kayang magbigay ng kanyang sariling katwiran na maaaring hindi mauunawaan ng isip.

• Ang puso ng tao ang may kakayahang magpahalaga sa mga bagay na tunay na makabuluhan samantalang ang isip ay nagpapahalaga lamang sa mga bagay na panandalian.

• Lahat ng nabanggit

Si Renato ay hindi nakapagtapos ng pag-aaral dahil sa maagang pag-aasawa. Dahil sa ganitong kalagayan labis ang suporta na kanyang natatanggap mula sa kanyang mga magulang na naninirahan na sa ibang bansa. Dahil dito naniniwala siya na hindi na niya kailangan magtrabaho. Wala siyang ginagawa kundi ang lumabas kasama ang kanyang mga kaibigan, uminom at magsugal. Nasa anong antas ang halaga ni Renato.

• Pambuhay na halaga

• Pandamdam na halaga

• Ispiritwal na halaga

• Banal na halaga

Sa kabila ng tagumpay na tinatamasa ni Henry, pinili niyang ilaan ang kanyang panahon para sa pagtulong sa mga batang lansangan. Ipinagkatiwala niya ang kanyang negosyo sa mga taong kanyang pinagkakatiwalaan at ibinabahagi niya ang kanyang yaman sa mga batang kanyang tinutulungan. Nakahanda siyang laging tumugon sa kagustuhan ng Diyos na maglingkod sa kapwa na walang hinihintay na ano mang kapalit. Nasa anong antas ang halaga ni Henry?

• Pambuhay na halaga

• Pandamdam na halaga

• Ispiritwal na halaga

• Banal na halaga

Ito ay halagang may kinalaman sa mabuting kalagayan ng buhay. Pinahahalagahan ito upang masiguro niya ang kanyang kaayusan at mabuting kalagayan.

• Pambuhay na halaga

• Pandamdam na halaga

• Ispiritwal na halaga

• Banal na halaga

Ang mga sumusunod ay katangian ng mataas na antas ng halaga maliban sa:

• Mataas ang antas ng halaga kung tumatagal at hindi nababago ng panahon

• Mataas ang antas ng halaga kung ito ay nagiging batayan ng iba pang halaga

• Mataas antas ng halaga kung ito ay nakabatay sa organismong nakararamdam nito

• Kahit dumadami pa ang nagtataglay ng halaga mahirap pa ring mabawasan ang kalidad nito

Walang ibang hinangad si Charmaine kundi ang makamit ang kakuntentuhan sa buhay. Sa panahon na labis na ang kanyang pagkapagod sa trabaho, naglalaan siya ng panahon upang magbakasyon upang makapagpahinga. Lagi niyang binabantayan ang kanyang pagkain na kinakain upang masiguro na napananatili niyang malusog ang kanyang pangangatawan. Nasa anong anta sang halaga ni Charmaine?

• Pambuhay na halaga

• Pandamdam na halaga

• Ispiritwal na halaga

• Banal na halaga