Liongo (Mitolohiya)

Ito ay tumutukoy sa pamamahala ng kalalakihan sa bansang Kenya.

• Aristocratic

• Egalitarian

• Matrilinear

• Patrilinear

Siya ay malakas, mataas tulad ng higante, at nagmamay-ari ng karangalan bilang pinakamahusay na makata sa kanilang lugar.

• Ahmad

• Liongo

• Sarah

• Toby

Ito ay akdang pampanitikang tumutukoy sa kuwento o salaysay hinggil sa pinagmulan ng sansinukuban, kalipunan ng iba’t ibang paniniwala sa mga diyos at diyosa, kuwento ng tao at ng mga mahiwagang nilikha.

• alamat

• epiko

• mito/mitolohiya

• parabula

Nang magutom ang bata ay nagsimula itong umiyak nang malakas. Hindi niya ito mapatigil; ibinaba niya ito at hinayaang umiyak nang umiyak kahit ayaw niya itong gawin dahil anak niya ang bata. Batay sa mga pahayag na ito, si Sarah ay maaaring ilarawan bilang isang inang _____________.

• masipag

• matiisin

• maunawain

• pabaya sa anak

Ito ay tumutukoy sa paglilipat sa pinagsalinang wika ng pinakamalapit na katumbas na diwa at estilong nasa wikang isasalin.

• pagkiklino

• pagpapakahulugan

• pagsasaling-wika

• pagsusuring-wika

Nagsanay nang mabuti si Liongo sa paghawak ng busog at palaso at kinalaunan ay nanalo siya sa paligsahan sa pagpana. Ito pala’y pakana ng hari upang siya ay madakip at muli na naman siyang nakatakas. Ang mga pahayag na ito ay nagpapatunay na si Liongo ay ____________.

• paulit-ulit na nakulong

• madaling magtiwala sa kaniyang kapuwa

• magaling tumakas tuwing siya’y madarakip

• malakas ang pakiramdam sa nangyayari sa paligid

Nang sumunod na mga araw ay may nakitang patay na nakahandusay sa mainit na palayan, isang batang lalaking alipin. Nakita siya ng tagapagbantay at nilatigo siya; bumagsak ang bata. Anong kalagayang panlipunan sa Africa ang masasalamin sa mga pahayag na ito?

• Malulupit ang tagapagbantay sa mga palayan.

• Maraming mayamang may-ari ng lupa sa bansa.

• Nagaganap sa lipunan ng Africa ang pang-aalipin.

• Marahas silang magparusa sa mga may kasalanan.

Nang lumaon, si Liongo ay nagkaanak ng isang lalaking nagtraydor at pumatay sa kaniya. Ang pahayag na ito ay nagpapatunay na ________.

• nalaman ng anak ni Liongo ang sikreto niya

• ang anak ni Liongo ang nakapatay sa kaniya

• walang galang sa magulang ang anak ni Liongo

• sa agawan ng kapangyarihan, walang kinikilala kahit kadugo

Piliin ang pangyayaring nagpapakita ng katangian ng mitolohiya bilang akdang pampanitikan.

• Nang magutom ang bata ay nagsimula itong umiyak nang umiyak.

• Nagtatrabaho siya sa palayan mula sa pagsikat ng araw hanggang sa paglubog nito.

• Ang nagbabantay sa kanila ay nakasakay sa likod ng kabayo at itinuturo ang mga aliping mabagal magtrabaho.

• Si Sarah at ang kaniyang anak ay lumilipad sa bakuran, sa mga kahoy, sa mga nagtataasang puno nang hindi sila nakikita maging ng tagapagbantay.

Ang sumusunod ay mga pamantayan o gabay sa pagsasaling-wika maliban sa isa.

• Basahin at suriing mabuti ang pagkakasalin.

• Isaisip na ang isasalin ay diwa ng isasalin at hindi salita.

• Manirahan sa bansang pinagmulan ng wikang isasalin o pagsasalinan.

• Rebisahin ang salin upang ito’y maging totoo sa diwa ng orihinal.