3rd Summative Examination ESP 7

Ano ang moral na birtud na gumagamit ng kilos-loob upang ibigay sa tao ang nararapat para sa kanya: sino man o ano man ang kanyang katayuan sa lipunan?

• Karunungan

• Katarungan

• Kalayaan

• Katatagan

Si Kryshna ay nagsisimula ng magdalaga, dumarating na ang pagkakataon na nagpapaalam siya sa kanyang magulang na gagabihin sa pag-uwi sa bahay dahil may mga proyektong kailangang gawin kasama ang kanyang mga kaklase. Kinausap ito nang mabuti ng kanyang magulang upang sabihin na papayagan ito ngunit kailangang makauwi sa itinakdang oras. Kapag hindi niya ito nagawa ay hindi na siya muling papayagan ng kanyang mga magulang. Anong mahalagang aral ang itinuturo sa kanya ng kanyang mga magulang?

• Ang halaga ng pagsasabuhay ng mga birtud

• Ang halaga ng pagtataglay ng moral na integridad

• Tamang paggamit ng kanyang konsensya sa paghuhusga

• Pag-unawa na ang kalayaan ay may kakambal na responsibilidad

Alin sa mga sumusunod na pahayag ang MALI tungkol sa halaga (values)?

a.

• Ito ay nagmula sa salitang Latin na valore.

• Ito ay obheto ng ating intensyonal na damdamin.

• Ito ay nababago depende sa tao, sa lugar at sa panahon.

• Ito ay nangangahulugang pagiging matatag o malakas at pagiging makabuluhan.

Alin sa mga sumusunod na pahayag ukol sa Halagang Pangkultural/Panggawi ang MALI?

• Ito ay halagang nagmula sa loob ng tao.

• Ito ay mga mithiin na tumatagal at nananatili.

• Halimbawa nito ay ang pansariling pananaw, opinion, ugali o damdamin.

• Ito ay may layuning makamit ang mga dagliang pansarili o pampangkat na tunguhin.

Ano ang pinakanatural at pinakamahalagang tagapagpaganap ng pagpapahalaga?

• Pamana ng Kultura

• Mga Kapwa Kabataan

• Pamilya at Pag-aaruga sa anak

• Guro at Tagapagturo ng Relihiyon

Tukuyin kung alin sa mga sumusunod na pangungusap ang TAMA.

• Kapag hindi nagtagumpay ang isang tao sa pagtugon sa isang halaga hindi lang ang halaga ang nasisira kundi pati ang taong hindi tumutugon dito.

• Kahit pa napababayaan ng isang tao ang kanyang katawan at kalusugan dahil sa pagtulong sa kapwa nanatili pa ring mabuti ang kanyang gawain.

• Ang sino man, bata man o matanda ay may sapat ng kakayahang bumuo ng kanyang sariling pagkatao at magkamit ng mataas na antas ng halaga.

• Lahat ng nabanggit

Alin sa mga sumusunod na pahayag ang MALI tungkol sa birtud?

• Ang birtud ay laging nakaugnay sa pag-iisip at kilos ng tao.

• Ang salitang birtud ay galing sa salitang Latin na virtus o vir.

• Ang birtud ay natural lamang na taglay ng lahat ng nilikha ng Diyos.

• Ang gawi ay bunga ng paulit-ulit na pagsasakilos na nakamit dahil sa pagsisikap.

Masasabi lamang na tunay na nagging epektibo ang edukasyon sa pagpapahalaga sa tahanan kung:

• tunay na nabubuo ang magandang relasyon ng magulang at ng kanilang mga anak

• nasiguro ng magulang na ang lahat ng kanilang mga anak ay matagumpay na naisasabuhay ang parehong halaga na kanilang itinuro

• walang sino man sa kanilang mga anak ang hindi naisasabuhay ang pagiging maingat sa kanilang mga paghuhusga

• lahat ng nabanggit

Sa paanong paraan nagkakaroon ng kaugnayan ang halaga at birtud?

• Kung pareho lamang itong naghahangad ng kabutihan para sa tao.

• Kung nakikita ng tao na ang isang birtud ay may malaking tulong sa kanyang pagkatao pagyayamanin niya ito at pahahalagahan.

• Kung nakikita ng tao na ang isang bagay ay mahalaga tutukuyin niya ang angkop na birtud na mas makapagpapayaman dito.

• Kung ito ay ginagabayan ng lahat ng mga birtud.

Ang mga sumusunod ay katangian ng ganap na halagang moral maliban sa:

• Ito ay nagmumula sa labas ng tao.

• Ito ay pangkalahatang katotohanan na tinatanggap ng tao bilang mabuti at mahalaga.

• Ito ay maaaring pansariling pananaw ng tao o kolektibong paniniwala ng isang pangkat ng tao.

• Ito ay ang mga prinsipyong etikal na pinagsisikapang makamit ng tao at mailapat sa kanyang pag-araw-araw na buhay.