PAGTATAYA #2

1. Ang birtud ng pasasalamat ay gawain ng ________ ?

• A. Kalooban

• B. Isip

• C. Damdamin

• D. Konsensiya

2. Alin ang HINDI kasama sa 3 antas ng pasasalamat ayon kay Sto Tomas De Aquino?

• A. Pagkilala sa kabutihang ginawa ng kapwa

• B. Pagpapasalamat

• C. Paggawa ng kabutihan sa ibang tao dahil naghihintay ng kapalit

• D. Pagpapakita ng pagpapahalaga sa kapwa sa abot ng makakaya

3. Ang mga sumusunod ay gawain ng pasasalamat sa loob ng tahanan, MALIBAN sa:

• A. Pagsasabi ng pasasalamat sa hinandang ulam ng magulang

• B. Pagtulong sa mga simpleng gawain sa bahay

• C. Paghinto sa pag-aaral upang magtrabaho at makatulong sa pamilya sa kabila nang may pantustos ang mga magulang

• D. Pag-alala sa kaarawan sa taong tumulong sa iyo upang maipakita ang pagpapahalaga at pagmamahal sa kanya

4. Ano ang tamang pagpapakita ng pagmamahal?

• A. Paggawa ng kabutihan sa kapwa kahit naghihintay ng kapalit

• B. Pagkilala sa kabutihang ginawa ng kapwa at pagsasabi ng pasasalamat

• C. Pagpapahalaga sa kabutihang ginawa ng kapwa kahit alam mong ginagawa lang niya ang trabaho nito

• D. Pagsasabi ng pasasalamat ngunit salat sa gawa

5. Alin ang tanda ng taong may pasasalamat?

• A. Si Maria ay kuntento na sa kanyang buhay kahit simple lamang dahil alam niyang pahalagahan ang mabubuting natatanggap mula sa iba at sa Diyos

• B. Sa kabila ng pagpapalang natatanggap ni Rey, marunong pa din siyang tumingin sa kaniyang pinanggalingan

• C. Nag-aaral ng mabuti si Rey upang marating niya ang kanyang mga pangarap

• D. Laging nagpapasalamat si Janet sa mga taong tumutulong sa kanya kahit hindi bukal sa kaniyang kalooban

Ano ang entitlement mentality?

• A. Ito ay paggawad ng titulo o parangal sa isang tao

• B. Ito ay isang pag-iisip o paniniwala na anumang inaasam mo ay karapatan mo na dapat bigyan ng dagliang pansin

• C. Ito ay ang pagbibigay ng serbisyo sa mga pangunahing pangangailangan ng tao

• D. Ito ay ang pag-aabuso ng mamamayan sa kakayahan ng pamahalaan na tustusan ang kanilang pangangailangan na hindi bukal sa kanilang kalooban

7. Ano ang halimbawa ng entitlement mentality?

• A. Hindi pagbabayad ng mamamayan sa buwis kung hindi nakukuha ang sapat na serbisyo

• B. ang hindi pagbibigay ng pasasalamat ng mga anak sa kanilang mga magulang

• C. Ang pagiging abusado sa kapwa sa paghingi ng tulong

• D. Ang kawalan ng utang na loob sa mga taong tumutulong

8. Alin sa mga sumusunod ang HINDI magandang dulot ng pasasalamat sa kalusugan?

• A. Nagiging mas pokus ang kaisipan at may mababang pagkakataon sa magkaroon ng depresyon

• B. Naghihikayat upang maging maayos ang sistema ng katawan sa pamamagitan ng pagkakaroon ng mas malusog na presyun ng dugo at pulse rate

• C. Nakapanghihina ng katawan dahil laging nag-iisp kung paano magpasalamat

• D. Nakapagdadagdag ng likas na antibodies na responsable sa pagsugpo sa mga bacteria sa katawan

9. Ang mga sumusunod ay mga pakinabang na dulot ng pasasalamat, maliban sa:

• A. Pagkakaroon ng kagalakan dahil sa kinikilala mo ang mga kabutihang kaloob ng kapwa

• B. Gumagaan ang pakiramdam sa kabila ng pagsubok dahil nagiging positibo ka sa pananaw sa buhay

• C. Pagkakaroon ng maraming kaibigan dahil ipinapakita mo ang pasasalamat sa kanila

• D. Pagiging maingat sa mga materyal na pagpapala buhat sa ibang tao

10. Ang sumusunod ay pagpapakita ng kawalan ng pasasalamat, MALIBAN sa:

• A. Kawalan ng panahon o kakayahan upang matumbasan ang tulong na natangap sa abot ng makakaya

• B. Pagpapasalamat nang hindi bukal sa kalooban

• C. Hindi pagkilala o pagbibigay-halaga sa taong gumawa ng kabutihan

• D. Paghingi ng suporta sa mga magulang sa mga pangunahing pangangailangan dahil menor de edad