Denotatibo at Konotatibong Pagpapakahulugan

Tinuyo ng nagdadalamhati ang kanyang mga luha at saka tumayo. Mayroon siyang naisip. Mula ngayon, magiging mabuti na siyang ama. Dinukot niya sa bulsa ang perang ibinigay ng kanyang amo sa kanyang asawa.

Hango sa kuwentong "Ang Ama" mula sa Singapore

Ang ibig sabihin ng pahayag na, "Tinuyo ng nagdadalamhating ama ang kaniyang mga luha" ay...

• Kinalma

• Sinugpo

• Pinigil

• Hinadlangan

Ngunit tumakas ang dugo sa kanyang mukha habang sinisilay ang isang pilit na ngiti sa kanyang labi.

(halaw mula sa "Kuwento ni Mabuti" isinulat ni Genoveva Edroza Matute)

Ang ibig sabihin ng may salungguhit na pahayag ay...

• Nawala ang dugo

• Lumabas ang dugo

• Tumataas ang dugo

• Umapaw ang dugo

“Alam ko nais mo akong iligaw sa loob ng kagubatan. Anak, palatandaan ito na dito tayo dumaan, para sa pagbalik mo ay hindi ka maliligaw.”

Lalong bumilis ang pag-agos ng luha ng binata. Walang kaimik-imik, muling pinasan ni Adrian ang ama at natagpuan ang sariling bumabalik sa lugar kung saan sila nanggaling.

Alam ni Adrian na hindi na siya maliligaw. Hinding-hindi na.

(Halaw sa kwentong Nang Minsan naligaw si Adrian salaysay ni Romulo N. Peralta)

Ang konotatibong kahulugan ng pahayag na "Alam ni Adrian na hindi na siya maliligaw. Hinding-hindi na." ay...

• Di na magkakamali ng daanan

• Di na magkakamali ng desisyon sa buhay

• Di na magkakasalang muli

• Di na maliligaw ng lugar na pupuntahan

“Di ko gusto ang batang matigas ang ulo! Di lang sampal ang matitikman mo kapag umulit ka pa. Hala, kunin mo ang mga isda at sumunod ka agad sa akin.”

(halaw sa Paalam sa Pagkabata salin ni Nazareno D. Bas

sa “Panamilit sa Kabantanon ni Santiago Pepito”)

Ang konotatibong pakahulugan ng pahayag na, "Di ko gusto ang batang matigas ang ulo!" ay...

• Matigas parang bato

• Matigas parang bakal

• Hindi sumusunod

• Matapang

“Ngunit ang damdamin ko’y tila tigang na lupang

pinagkaitan ng ulan.”

(Mula sa Paalam sa Pagkabata salin ni Nazareno D. Bas sa “Panamilit sa Kabantanon ni Santiago Pepito”)

Ang denotatibong kahulugan ng pahayag na may salungguhit ay...

• Walang pakiramdam

• Walang pakialam

• Tuyo't na tuyot

• Bumabaha ng tubig