Araling Panlipunan 3rd Quarter 1st Summative

Suriing mabuti ang mga pangungusap. Piliin ang tamang sagot.

Alin sa sumusunod na pangungusap ang nagpapaliwanag sa konsepto ng nasyonalismo?

• Ang pagkakakilanlan ng isang tao ay ibinabatay o ibinabahagi sa bansang pinagmulan o sinilangan.

• Ang pagsunod sa mga maling patakaran upang mapanatili ang kapayapaan ng bansa

• Ang paggawa ng maraming batas na kailangang sundin ng mga mamamayan.

• Ang pagbubuwis ng sariling buhay upang makamit ang katanyagang hinahangad.

Piliin ang tamang sagot.

Paano ipinamalas ng mga sinaunang Pilipino ang nasyonalismo o pagmamahal sa bansa?

• Pagsasagawa ng mga pag-aalsa o pakikipaglaban sa mga Espanyol

• Pagsunod sa mga patakaran ng mga Espanyol.

• Pagbabayad ng buwis sa mga Espanyol.

• Paggalang sa mga pinunong Espanyol.

Piliin ang tamang sagot.

Ang mga sumusunod ay naghudyat sa mga Pilipino na magsagawa ng mga pakikipaglaban sa mga Espanyol, maliban sa isa, alin ito?

• malupit na pamamalakad ng mga pinunong Espanyol

• di-makataong patakaran ng kolonyalismong Espanyol

• hangad na muling maging malaya at mamuhay nang mapayapa

• makilala bilang mamamayan ng Pilipinas at bigyan ng posisyon sa pamahalaan

Piliin ang tamang sagot

Alin sa mga sumusunod na pahayag ang HINDI nagpapamalas ng kaisipang nasyonalismo.

• Pagtatanggol sa kalayaan ng bansa sa laban sa mga mananakop.

• Pangangalaga sa taglay na likas na yaman ng bansa.

• Pagsunod sa mga batas na umiiral sa bansa.

• Pagtangkilk ng mga produktong imported.

Piliin ang tamang sagot.

Kung ikaw ay nabuhay na sa panahon ng kolonyalismong Espanyol, sasali ka ba sa mga pag-aalsang naganap upang maipamalas ang iyong nasyonalismo o pagmamahal sa bayan?

• Oo, dahil marami ang makakalaya kung magtatagumpay ang pakikipaglaban.

• Oo, dahil ang mamamatay para sa bayan ay tanda ng pagiging bayani.

• Hindi, dahil magdudulot ito ng matinding kalungkutan sa pamilya.

• Hindi, dahil maipamamalas ang nasyonalismo sa pamamagitan ng pagsunod sa mga Espanyol upang maiwasan ang kaguluhan.