Wasto at Di Wastong Pangangasiwa ng Kalikasan

Turista si Ana sa Boracay, mayroon siyang kinain na saging pero wala siyang makitang basurahan. Ano ang kaniyang dapat na gawin?

• Ilagay muna sa bulsa ang basura at itapon kapag may nakita na.

• Itapon nalang sa daan habang walang nakakakita.

• Ibaon sa buhangin dahil ito ay pataba.

Si Joshua at Jack ay naglalaro sa parke. May nakapaskil na “Bawal tapakan ang mga damo.” pero gustong gusto nilang maglaro sa lugar na iyon. Ano ang dapat nilang gawin?

• a. Pumuslit habang walang nagbabantay.

• b. Sundin ang nakapaskil at maghahanap nalang ng ibang lugar.

• c. Huwag nilang pansinin ang nakapaskil at patuloy lang maglaro dahil doon sila masaya.

Kailangan gumawa ng bahay ni Manong Nestor, madami siyang alam na puno sa kagubatan kaya pinutol niya ang mga ito. Tama ba ang kaniyang ginawa?

• Mali, dapat hindi siya pumutol ng puno sa gubat dahil maaaring bumaha.

• Tama, kasi kailangan niya para sa paggawa ng kaniyang bahay.

• Mali, dapat ‘yung puno nalang nila ang pinutol niya at hindi na ‘yung sa gubat.

Nagpicnic si Michael at Joana sa may Manila Bay, nagbaon sila ng sarili nilang basurahan. Tama ba ang kanilang ginawa?

• Mali, may basurahan naman sa Manila Bay.

• Tama, para hindi silang magkalat sa Manila Bay.

• Mali, dapat itapon nila ang basura sa Manila Bay.

• Tama, may pang picnic sila at madami silang basura.

Si Marimar ay may alagang aso subalit hindi na niya ito kayang alagaan. Tinapon nalang niya ito sa hukay malapit sa kanilang baranggay. Tama ba ang kaniyang ginawa?

• Mali dahil dapat alagaan at maging responsible sila sa kanilang mga hayop.

• Tama dahil wala na silang mapakain.

Si Jomar ay nangingisda subalit wala pa din siyang nahuhuli isang oras na ang nakalipas. Naisipan niya ang nadinig niya na maaaring makahuli kung gagamit ng dinamita. Dapat ba niya itong gamitin?

• Tama, dahil matagal na siyang naghihintay pero wala pa din siyang nahuhuli.

• Mali dahil maaari itong makasira ng tahanan ng mga isda at makalason sa mga lamang dagat.

Madaming mga basurang plastic ang nagamit sa birthday ni Barbie, para maligpit ang mga ito, ano ang kaniyang dapat gawin?

• Sunugin para mabilis na mawala ang kaniyang basura.

• Irecycle ang mga maaari pang gamitin at huwag na ulit gumamit ng mga plastic.

Magbigay ng dalawang wastong paraan upang mapangasiwaan ng maayos ang mga likas na yaman ng bansa.

Magbigay ng isang hindi wastong paraan upang mapangasiwaan ng maayos ang mga likas na yaman ng bansa.

Dapat ba nating gawin ang mga matalinong pangangasiwa sa likas na yaman ng bansa? Bakit?