Sagisag Kultura Kwiz Difficult Round (Dry-run)

Ito ay obrang oleo sa kambas ni Felix Resurreccion Hidalgo (Mga Birheng Kristiyanong Inilantad sa

Madla) at ginawaran ng medalyang pilak sa Exposicion General de Bellas Artes ng Madrid noong 1884. May taas itong 45 pulgada at lapad na 62 pulgada. Nakatanghal sa larawang ito ang dalawang dalagang Kristiyanong

halos lastag na hinahamak ng isang pangkat ng kalalakihang Romano.

(a)  

Ano ang pangalan ng bantog na unang sasakyang-dagat

na nakaikot sa mundo. Isa ito sa limang barko na ginamit ni Fernando Magallanes (Ferdinand Magellan sa Ingles) sa kaniyang ekspedisyon para sa Espanya at para tumuklas ng bagong lupain at bagong daan sa paglalakbay papuntang Silangan.

(a)  

Ito ang pinakaunang pederasyon

ng mga unyon ng manggagawa sa Filipinas. Itinatag ito noong 2 Pebrero 1902 sa Teatro Variedades sa may Sampaloc, Maynila.

(a)  

Ito ay tumutukoy sa panalangin o imbokasyon ng mga pangkating etniko sa Cordillera, lalo na sa mahahalagang okasyon o gawaing makagagambala sa bagay o lugar na itinuturing niláng banal. Ito ang komunikasyon

nilá sa mga diyos at mga di-táong nilaláng na naninirahan sa kalikásan o nagmamay-ari ng mga bagay sa kalikásan.

(a)  

Ito ay ang salitâng Malay para sa Eid’l Fitr o Eid, ang pagdiriwang at araw ng pasasalamat ng mga Muslim matapos ang 29 na araw ng Ramadan. Naganap ang unang Eid noong 642 AD nang manalo sa labanang Badr ang grupo ni Muhammad. Ipinagdiriwang nang tatlong araw ang Eid at ang unang araw nitó ay ang unang araw sa buwan ng Shawwal. Ito ang araw na nagkakaroon ng layuning magkabuklod ang lahat ng Muslim sa mundo.

(a)