ສອບເສັງພາກຮຽນທີ1 ວິຊາພາສາລາວຊັ້ນມ.2(2022)

  ຄໍາຮ້ອຍແກ້ວ ແມ່ນບົດແນວໃດ?

• ແມ່ນຄໍາປະພັນທີ່ຂຽນເປັນຄໍາເວົ້າທໍາມະດາ. 

• ແມ່ນຄໍາປະພັນທີ່ຂຽນເປັນຄໍາກອນ.

• ແມ່ນບົດແຕ່ງທີ່ຂຽນເປັນບົດເພງ.

• ແມ່ນການປະພັນທີ່ຂຽນແບບມີຫຼັກການສໍາຜັດ.

    ບົດຄວາມ ເປັນສາລະຄະດີທີ່ມີຈຸດປະສົງເພື່ອຫຍັງ?

• ເພື່ອໃຫ້ຄວາມຄິດ ແລະ ຄວາມບັນເທີງ.     

• ເພື່ອໃຫ້ຄວາມຄິດ ແລະ ຄວາມຮູ້ດ້ານວິຊາການ.

• ເພື່ອໃຫ້ຄວາມຄິດ ແລະ ຄວາມເຂົ້າໃຈ.

• ເພື່ອໃຫ້ຄວາມຄິດ ແລະ ຄວາມມ່ວນຊື່ນ.

ຫຼັກການອ່ານຄໍາຮ້ອຍກອງ ຕ້ອງອ່ານແນວໃດ?

• ຕ້ອງອ່ານສຽງດັງ.

• ຕ້ອງອ່ານຄ່ອຍໆ.

• ຕ້ອງອ່ານເປັນຈັງຫວະ ແລະ ທໍານອງໂດຍມີການເນື່ອງສຽງຕາມລັກສະນະການສໍາຜັດແຕ່ລະປະເພດ.

• ອ່ານໃຫ້ຖືກຕາມສຽງພະຍັນຊະນະ.

   ກອນ ແມ່ນບົດແນວໃດ?

• ແມ່ນບົດກອນປະເພດໜຶ່ງ ເຊິ່ງມີການສໍາຜັດຊ້ອນກັນໄປເລື້ອຍໆແຕ່ຕົ້ນຈົນຈົບບົດ.

• ແມ່ນຄໍາປະພັນທີ່ຂຽນເປັນຄໍາເວົ້າທໍາມະດາ.

• ກອນ ແມ່ນບົດວັນນະຄະດີຄໍາຮ້ອຍແກ້ວ

• ກອນ ແມ່ນບົດປະເພດໜຶ່ງ ເຊິ່ງມີການສໍາຜັດເກາະກາຍກັນເປັນແຖວ ແລະ ມີຫຼັກຄໍາປະຈໍາບ່ອນ.

   ວິທີການຂຽນບັດເຊີນ ຕ້ອງຂຽນແນວໃດ ?

• ຕ້ອງຂຽນໃຫ້ມີເນື້ອໃນຍາວ ແລະ ມີຂໍ້ມູນຄົບຖ້ວນ.

• ຕ້ອງຂຽນເນື້ອໃນແບບສັ້ນ, ກະທັດຮັດ ແຕ່ມີຂໍ້ມູນຄົບຖ້ວນ ແລະ ຈະແຈ້ງ.

• ຕ້ອງຂຽນເນື້ອໃນແບບສັ້ນ, ກະທັດຮັດ

• ຕ້ອງຂຽນໃຫ້ມີເນື້ອໃນຄົບຖ້ວນ.

  ປະກາດແຈ້ງການ ແມ່ນຫຍັງ?

• ແມ່ນການບອກເລື່ອງເລົ່າຂອງຜູ້ໃດໜຶ່ງ.

• ແມ່ນການຊອກຄົ້ນຫາຄົນຜູ້ໃດຜູ້ໜຶ່ງ.

• ແມ່ນການປ່າວຂ່າວຂອງຜູ້ໃດໜຶ່ງ.

• ແມ່ນການສະແດງຄວາມຍິນດີກັບຜູ້ໃດໜຶ່ງ.

ການອວດອົ່ງ ເປັນນິໄສຂອງຄົນພານ ແມ່ນການຂຽນປະເພດໃດ?

• ຄໍາຂວັນ.

• ຄໍາຄົມ.

• ຄະຕິພົດ.

• ສຸພາສິດ.

  ຄໍາອວຍພອນ ແມ່ນຫຍັງ?

• ແມ່ນຄໍາເວົ້າທີ່ສະແດງເຖິງການສຽດສີ.

• ແມ່ນສໍານວນຄໍາເວົ້າທີ່ຍ້ອງຍໍ.

• ແມ່ນຄໍາເວົ້າ ຫຼື ສໍານວນທີ່ຄົນເຮົາໃຊ້ອວຍພອນເຊິ່ງກັນ ແລະ ກັນໃນໂອກາດຕ່າງໆ.

• ແມ່ນສໍານວນຄໍາເວົ້າທີ່ໃຊ້ດ່າກັນ.

     ບົດບັນທຶກໃຊ້ເພື່ອຫຍັງ ?

• ເພື່ອບັນທຶກເຫດການຕ່າງໆ.

• ໃຊ້ເພື່ອປະຈານຄົນອື່ນ.

• ໃຊ້ເພື່ອຊີ້ແຈ້ງບັນຫາ.

• ໃຊ້ເພື່ອສະແດງຄວາມຄິດເຫັນ.

      ບົດລາຍງານ ມີຈັກປະເພດ ?

• ມີ 2 ປະເພດ.

• ມີ 3 ປະເພດ.

• ມີ 4 ປະເພດ

• ມີ 5 ປະເພດ.