ຫົວບົດສອບເສັງພາກຮຽນ 1 ວິຊາ ພາສາລາວ ມ4

ການພາດຫົວຂໍ້ຂ່າວທີ່ດີ ຄວນມີລັກສະນະແນວໃດ ?

• ຫົວຂໍ້ຂ່າວຕ້ອງຖືກກັບເນື້ອໃນ ແລະ ໜ້າເຊື່ອຖືໄດ້.
• ຫົວຂໍ້ຂ່າວຕ້ອງຖືກກັບເນື້ອໃນ, ເຮັດໃຫ້ຄົນສ່ວນຫຼາຍໄດ້ອ່ານ.
• ຫົວຂໍ້ຂ່າວຕ້ອງຖືກກັບເນື້ອໃນ, ຮັບປະກັນຄວາມຖືກຕ້ອງຕໍ່ຜູ້ອ່ານ.
• ຫົວຂໍ້ຂ່າວຕ້ອງຖືກກັບເນື້ອໃນ, ໃຊ້ພາສາເຂົ້າໃຈງ່າຍບໍ່ບິດເບືອນຄວາມຈິງ.

ຂໍ້ໃດບໍ່ແມ່ນຫຼັກການພິຈາລະນາບົດຂ່າວຕ່າງໆໃນໜັງສືພິມ ?

• ການພາດຫົວຂໍ້ຂ່າວ ແລະ ເນື້ອໃນຂອງຂ່າວ.
• ການພິຈາລະນາຄໍລໍາອື່ນຂອງຂ່າວ.
• ຄວາມຖືກຕ້ອງຂອງພາສາຂອງຂ່າວ.
• ການພິຈາລະນາສ່ວນດີ ແລະ ສ່ວນເສຍຂອງຂ່າວ.

ການອ່ານວິເຄາະວິຈານຢ່າງມີວິຈາລະນະຍານເປັນການອ່ານແບບໃດ ?

• ໃຊ້ເຫດຜົນ ແລະ ເນື້ອໃນເພື່ອຕັດສິນໃຈ.
• ໃຊ້ເນື້ອໃນ ແລະ ຄວາມຈໍາເພື່ອຕັດສິນໃຈ.
• ໃຊ້ຄວາມຮູ້ ແລະ ເຫດຜົນເພື່ອຕັດສິນໃຈ.
• ໃຊ້ສະຕິປັນຍາ ແລະ ເຫດຜົນເພື່ອຕັດສິນໃຈ.

ມາລະຍາດທີ່ບໍ່ດີໃນການໃຊ້ຫ້ອງສະໝຸດແມ່ນຂໍ້ໃດ ?

• ຫ້າມເຮັດສຽງດັງໃນຫ້ອງສະໝຸດ.
• ຢືມ ແລະ ສົ່ງປຶ້ມຕາມລະບຽບທີ່ກໍານົດ.
• ເຂົ້າຫ້ອງສະໝຸດກຽມບິກ, ກຽມສໍໃສ່ຖົງເຂົ້າໄປ.
• ຫ້າມນໍາອາຫານ ແລະ ເຄື່ອງດື່ມເຂົ້າໄປ.

ຂໍ້ໃດແມ່ນແຫຼ່ງຂໍ້ມູນທີ່ເປັນສື່ສານມວນຊົນທັງໝົດ ?

• ຫ້ອງສະໝຸດ, ຫໍພິພິທະພັນ, ອາຈານ.
• ວິທະຍຸ, ໂທລະພາບ, ໜັງສືພິມ.
• ອິນເຕີເນັດ, ຫ້ອງອ່ານໜັງສື, ວິທິຍຸ.
• ໂທລະພາບ, ໜັງສືພິມ, ສະຖານທີ່ວາງສະແດງ.

ຖ້າເລື່ອງທີ່ຈະສະຫຼຸບຫຍໍ້ເປັນບົດກອນ ຕ້ອງເຮັດແນວໃດ ?

• ຫຍໍ້ໄປເທື່ອລະບາດ.
• ຮັກສາຄໍາກອນໄວ້ຄືເກົ່າ.
• ຊັບຊ້ອນບົດກອນຄືນໃໝ່.
• ຖອດມາເປັນຄໍາເວົ້າທໍາມະດາ.

ເມື່ອເຮົາອ່ານບົດໃດໜຶ່ງແລ້ວຂຽນຄືນໃຫ້ສັ້ນກວ່າເກົ່າ ໂດຍເກັບກໍາເອົາແຕ່ເນື້ອໃນສໍາຄັນ ເອີ້ນວ່າບົດຫຍັງ ?

• ການຂຽນສະຫຼຸບຫຍໍ້.
• ການຂຽນບົດວິຊາການ.
• ການຂຽນບົດລາຍງານ.
• ການຂຽນສະແດງຄວາມຮູ້ສຶກ.

ຖ້ານັກຮຽນຈະຂຽນບົດລາຍງານເລື່ອງ ‘’ຜົນຮ້າຍຂອງຢາເສບຕິດ’’ ຈະກໍານົດໂຄງຮ່າງບົດລາຍງານແນວໃດໃຫ້ເໝາະສົມກວ່າໝູ່ ?

• ຄວາມໝາຍ, ຜົນຮ້າຍ, ປະເພດ ແລະ ວິທີຕ້ານສິງເສບຕິດ.
• ຄວາມໝາຍ, ປະເພດ, ຜົນຮ້າຍ ແລະ ວິທີຕ້ານສິ່ງເສບຕິດ.
• ຄວາມໝາຍ, ປະເພດ, ວິທີຕ້ານສິງເສບຕິດ ແລະ ຜົຍຮ້າຍ.
• ຄວາມໝາຍ, ວິທີຕ້ານສິ່ງເສບຕິດ, ປະເພດ ແລະ ຜົນຮ້າຍ.

ການສະເໜີຜົນງານທີ່ໄດ້ຈາກການຄົ້ນຄວ້າ, ຮິບໂຮມ ແລະ ສໍາຫຼວດກ່ຽວກັບເລື່ອງໃດໜຶ່ງຢ່າງລະອຽດແມ່ນການຂຽນປະເພດໃດ ?

• ການຂຽນສະຫຼຸບຫຍໍ້.
• ການຂຽນບົດວິເຄາະວິຈານ.
• ການຂຽນລາຍງານວິຊາການ.
• ການຂຽນສະແດງຄວາມຮູ້ສຶກ.

ການຂຽນລາຍງານວິຊາການມີຂັ້ນຕອນແນວໃດ ?

• ວາງແຜນ, ເກັບກໍາຂໍ້ມູນ, ຈັດຂໍ້ມູນ, ຈັດພິມ.
• ວາງແຜນ, ເກັບກໍາຂໍ້ມູນ, ຈັດຂໍ້ມູນ, ເຜີຍແຜ່.
• ວາງແຜນ, ເກັບກໍາຂໍ້ມູນ, ຈັດຂໍ້ມູນ, ຮຽບຮຽງ.
• ວາງແຜນ, ເກັບກໍາຂໍ້ມູນ, ຈັດຂໍ້ມູນ, ເລືອກຫົວເລື່ອງ.