Pagpapahalaga at Birtud- EsP 7 Q3

Ito ay tumutukoy sa mga gawi ng pagiging tao, pagiging matatag at pagiging malakas ng isang indibiduwal sa anomang kaganapan sa buhay.

• Birtud

• Pagpapahalaga

• Moral

• Karunungan

Ito ay moral na birtud na gumagamit ng kilos-loob upang ibigay sa tao ang nararapat para sa kaniya: sinoman o anoman ang kaniyang katayuan sa lipunan at upang maging isang mabuting kabahagi nito.

• Karunungan

• Katarungan

• Kalayaan

• Katatagan

Ang ‘halaga’ ay salitang-ugat ng katagang pagpapahalaga. Tukuyin kung alin sa sumusunod na pahayag ang HINDI totoo patungkol sa salitang halaga (value).

• Ito ay nagmumula sa sarili

• Ito ay obheto ng ating intensyonal na damdamin

• Ito ay nagbabago depende sa tao, sa lugar, at sa panahon.

• Ito ay nangangahulugang pagiging matatag o malakas at pagiging makabuluhan

Alin sa sumusunod ang pinakanatural at pinakamahalagang tagapagganap ng pagpapahalaga sa buhay?

• Pamana ng kultura

• Mga kapuwa kabataan

• Pamilya at pag-aaruga sa anak

• Guro at tagapagturo ng relihiyon

Alin sa sumusunod ang HINDI tumutukoy patungkol sa birtud?

• Ang salitang birtud ay galing sa salitang Latin na virtus

• Ang birtud ay laging nakaugnay sa pag-iisip at kilos ng tao.

• Ang birtud ay natural lamang na taglay ng lahat ng nilikha ng Diyos

• Ang birtud ay bunga ng paulit ulit na pagsasakilos ng mga pagpapahalaga ng isang tao.

Ang mga sumusunod ay angkop na katangian na dapat taglayin ng ganap na halagang moral. Alin sa mga pahayag ang HINDI WASTO tungkol dito:

• Ito ay nagmumula sa pagnanais na gumawa ng tama

• Ito ay pangkalahatang katotohanan na tinatangap ng tao bilang mabuti at mahalaga

• Ito ay maaaring pansariling pananaw ng tao o kolektibong paniniwala ng isang pangkat ng tao.

• Ito ay mga prinsipyong etikal na pinagsisikapang makamit ng tao at mailapat sa kaniyang pang-araw-araw na buhay.

Kasabay ng pagiging isang mabuting indibiduwal ang pagkakaroon ng tamang gawi at aksiyon. Alin sa mga sumusunod ang nagpapakita ng tamang gawi ang higit na magpapalalim ng pagpapahalaga na mayroon ang isang indibiduwal.

• Pagsunod sa nakatatanda

• Pagdalo sa gawaing pampaaralan

• Pagiging matatag sa anumang problemang dumaan sa buhay

• Pagsangguni sa mga nakatatanda at kinauukulan sa bawat desisyon na gagawin

Sa paanong paraan mahuhubog ng isang tao ang kaniyang Birtud upang maging isang mabuting kabahagi ng lipunan?

• Makikisama ng naaayon sa ipinapakita ng iyong kapwa

• Maging isang mabuting mag-aaral na huwaran ng mga kapwa mag-aaral

• Gumawa nang naaayon sa kinakailangang kilos na inaasahan ng lipunan

• Isabuhay ang mga pagpapahalagang natutuhan mula sa pamilya, sa paaralan, at maging sa mga karanasan sa buhay.

Si Ruben ay isa nang ganap na binata at may nililigawan na kung kayat laging pinapaalalahanan siya ng kaniyang mga magulang ng tamang gawi patungkol dito. Sa papanong paraan maipapapamalas ni Ruben ang kanyang birtud bilang isang binata patungkol sa usapin ng panliligaw?

• Hindi na muna siya manliligaw sapagkat higit na mahalaga ang pag-aaral.

• Pahahalagahan niya ang dalagang kanyang nililigawan higit kaninoman at anoman.

• Susundin niya ang pamantayan ng panliligaw at ang paalaala ng kanyang mga magulang ukol dito.

• Bibigyan niya ng panahon ang panliligaw upang maging masaya ang nilinigawan.

Ang edukasyon ng isang indibidwal ay sinasabing nagsisimula sa tahanan. Kailan masasabing tunay itong naging epektibo?

• Kung may mabuting ugnayan ang magulang at anak

• Kung pinahahalagahan ng mga anak ang kanilang pag-aaral sa araw-araw

• Kung may malalim na pagmamahalan sa loob ng tahanan

• Kung ang kasapi ng pamilya ay may kakayahang isabuhay ang mga natutuhan sa loob ng tahanan