Քրդատ հատուկ մաս

Լրացնել բացթողումը։

Ստանալով քրեական գործը՝ դատավորը եռօրյա ժամկետում որոշում է կայացնում վարույթն ստանձնելու և ... նշանակելու մասին։

(a)  

Տարածքային ընդդռատության վերաբերյալ Նշված պնդումներից քանի՞սն են ճիշտ։

1) Առաջին ատյանի դատարանին ընդդատյա են այն վարույթները, որոնք վերաբերում են այդ դատարանի դատական տարածքում ենթադրաբար կատարված հանցանքներին՝ անկախ քննչական ենթակայության կանոններից։

2) Եթե վարույթը վերաբերում է տարբեր դատարանների դատական տարածքներում ենթադրաբար կատարված 2 կամ ավելի հանցանքներին, ապա մեղադրանքը քննում է այն դատարանը, որի դատական տարածքում ենթադրաբար կատարվել է առաջին հանցանքը։

3) Այլ պետության տարածքում ենթադրաբար կատարված հանցանքի վերաբերյալ վարույթն ընդդատյա է այն դատարանին, որի դատական տարածքում գտնվում է մինչդատական վարույթը վերջինն իրականացրած նախաքննության մարմնի նստավայրը։

4) Տարածքային ընդդատությունը կարող է փոխվել մեղադրյալների մեծամասնության համաձայնությամբ՝ գործը քննող դատարանի որոշմամբ։

• 1֊ը

• 2֊ը

• 3֊ը

• Սխալ են բոլոր պնդումները։

Վարույթն ըստ ընդդատության ստացած դատարանը մինչև նախնական դատալսումներ նշանակելն իրավասու է որոշմամբ վիճարկել դրա ընդդատությունը։ Այդ դեպքում վարույթի ընդդատության հարցը հնգօրյա ժամկետում վերջնականապես լուծվում է ...

• Վճռաբեկ դատարանի քրեական պալատի որոշմամբ։

• Վճռաբեկ դատարանի քրեական պալատի նախագահի որոշմամբ։

• ԲԴԽ֊ի որոշմամբ։

• Վճռաբեկ դատարանի նախագահի որոշմամբ։

Տուժողի, գույքային պատասխանողի, նրանց ներկայացուցիչների, մեղադրյալի օրինական ներկայացուցչի մասնակցությունը դատական նիստին պարտադիր է, բացառությամբ այն դեպքի երբ ...

• դատարանը համապատասխան անձին նախապես թույլատրել է չմասնակցել դատական նիստին։

• դատարանը, լսելով կողմերի կարծիքը, գտնում է որ համապատասխան անձի բացակայությունը խոչընդոտ չէ դատական նիստն անցկացնելու համար։

• հրապարակվում է վերդիկտը կամ դատավճիռը։

• Ճիշտ են բոլոր պատասխանները։

Ընտրել սխալ տարբերակը։

Դատալսումները դատարանի նախաձեռնությամբ կամ կողմերի միջնորդությամբ կարող են հետաձգվել, եթե դա անհրաժեշտ է ...

• նոր ապացույց ձեռք բերելու համար։

• հանրային մեղադրողի կողմից մեղադրանքը փոփոխելու կամ լրացնելու համար։

• վերդիկտ կամ դատավճիռ կայացնելու համար։

• տվյալ վարույթով կիրառման ենթակա նորմատիվ իրավական ակտի սահմանադրականության հարցը լուծելու համար։

Ճի՞շտ է արդյոք հետևյալ պնդումը։

Մինչև 18 տարեկան տուժողի կամ վկայի հարցաքննությունն սկսելուց առաջ նախագահողը նրանց բացատրում է վարույթի արդարացի իրականացման համար ճշմարտացի ցուցմունքներ տալու նշանակությունը, սակայն չի նախազգուշացնում ցուցմունք տալուց հրաժարվելու կամ սուտ ցուցմունք տալու համար սահմանված պատասխանատվության մասին։

• Ոչ, սխալ է։

• Այո, ճիշտ է։

Ճի՞շտ է արդյոք հետևյալ պնդումը։

Դատական ակտն անվերապահորեն ենթակա է բեկանման, եթե անձամբ իր պաշտպանությունն իրականացրած մեղադրյալին հնարավորություն չի տրվել հանդես գալու եզրափակիչ ելույթով։

• Այո, ճիշտ է։

• Ոչ, սխալ է։

Վերաքննիչ բողոք բերվում է վերաքննության ենթակա դատական ակտն ստանալու օրվանից հետո ...

• 15 օրվա ընթացքում։

• 3 օրվա ընթացքում։

• 7 օրվա ընթացքում։

• 30 օրվա ընթացքում։

Վճռաբեկ բողոքը թողնվում է առանց քննության, եթե ...

• տվյալ գործով կիրառված նորմը վիճարկվում է Սահմանադրական դատարանում։

• բողոքը բերել է բողոքարկման իրավունք չունեցող անձը։

• բողոքը քննող դատավորների ընդհանուր թվի առնվազն 1/3֊ը այն չեն ընդունում վարույթ։

• բողոքը վարույթ ընդունելու պայմանների հիմնավորումները բավարար չեն։

Նշվածներից ո՞րը վերաքննիչ դատարանում առաջին ատյանի դատարանի հատուկ վերանայման ենթակա դատական ակտի տեսակ չէ։

• գրավը պետության եկամուտ դարձնելու մասին որոշումը

• դատարան հարկադրաբար ներկայացնելու մասին որոշումը

• վարույթը կարճելով՝ քրեական հետապնդումը դադարեցնելու մասին որոշումը

• կալանքը որպես խափանման միջոց կիրառելու որոշումը