Համընդհանուր ներառում

Մանկավարժահոգեբանական աջակցության ինչպիսի՞ ծառայություններ են տրամադրվում տարածքային մակարդակում (նշել բոլոր ճիշտ տարբերակները)

• Հատուկ մանկավարժի ծառայություն

• Սոցիալական մանկավարժական ծառայություն

• Հոգեբանի ծառայություն

• Բժշկական խորհրդատվություն

Կրթական կարիքի գնահատման նպատակն է (նշել բոլոր ճիշտ տարբերակները)

• Բացահայտել կրթության կազմակերպման համար անհրաժեշտ խթանող միջավայրի պայմանները

• Բացահայտել երեխայի մասնակցությունը և ակտիվությունը գործունեության բոլոր բնագավառներում

• Բացահայտել երեխայի ուժեղ և թույլ կողմերը

• Իմանալ երեխայի միավորային գնահատականները

Տարբերակված դասավանդման մասին ո՞ր պնդումներն են սխալ

• Տարբերակված դասավանդումը սովորողների  կարիքների և նախասիրությունների  վրա կառուցված դասավանդումն  է

• Տարբերակված դասավանդումը միտված է  բացահայտելու դասընթացի յուրացման աստիճանը

• Տարբերակված դասավանդումը ուսուցչակենտրոն դասավանդումն է

Սովորողի ԱՈՒՊ-ով նախատեսված արդյունքների ամփոփումն իրականացվում է

• Ուսումնական տարվա ավարտին՝ նկարագրական տեսքով, որը  տրամադրվում է սովորողի ծնողին

• Կիսամյակի ավարտին՝ նկարագրական տեսքով, որը սովորողի առաջադիմության թերթիկի հետ միասին տրամադրվում է ծնողին

• Ուսումնական տարվա ավարտին նկարագրական տեսքով, որը սովորողի առաջադիմության թերթիկի հետ միասին տրամադրվում է ծնողին

Ինչպե՞ս է սահմանվում «երեխայի կրթության առանձնահատուկ պայմանների կարիքի գնահատում» հասկացությունը

• Անձի՝ կրթական ծրագրերին մասնակցության դիտարկում, երեխայի զարգացման հնարավորությունների բացահայտում և կրթության առանձնահատուկ անհրաժեշտ պայմանների սահմանում

• Անձի՝ կրթական ծրագրերին մասնակցության դիտարկում, երեխայի զարգացման հնարավորությունների բացահայտում և  անհրաժեշտ պայմանների սահմանում

• Անձի՝ կրթական ծրագրերին մասնակցության, երեխայի զարգացման հնարավորությունների բացահայտում և կրթության առանձնահատուկ  պայմանների սահմանում

Կրթության առանձնահատուկ պայմաններ սահմանելու նպատակով ինչի՞ հիման վրա երեխան կարող է ներկայացվել կրթության առանձնահատուկ պայմանների կարիքի գնահատման:  

• Ծնողի (օրինական ներկայացուցչի) դիմումի հիման վրա կամ երեխայի կրթության վայր հանդիսացող ուսումնական հաստատության մանկավարժական խորհրդի դիմումի հիման վրա, եթե դիմումին կցված է ծնողի ստորագրած համաձայնագիրը, կամ խնամակալության և հոգաբարձության մարմնի դիմումի հիման վրա

• Ծնողի (օրինական ներկայացուցչի) դիմումի հիման վրա

• Դասավանդող ուսուցիչների կատարած դիտարկումների հիման վրա

Ինչպե՞ս է սահմանվում «անհատական ուսուցման պլան» հասկացությունը

• Հանրակրթության պետական և առարկայական չափորոշիչների, ծրագրերի և երեխայի կրթության առանձնահատուկ պայմանների կարիքի հիման վրա կազմված փաստաթուղթ, որը սահմանում է սովորողի կրթության կազմակերպման տարեկան նպատակը, խնդիրները և դրանց հասնելու գործողությունները (ներառյալ՝ աջակցող ծառայությունները)

• Երեխայի կրթության առանձնահատուկ պայմանների կարիքի հիման վրա կազմված փաստաթուղթ, որը սահմանում է սովորողի կրթության կազմակերպման տարեկան նպատակը, խնդիրները և դրանց հասնելու գործողությունները (ներառյալ՝ աջակցող ծառայությունները)

• Հանրակրթության պետական չափորոշիչների հիման վրա կազմված փաստաթուղթ, որը սահմանում է սովորողի կրթության կազմակերպման տարեկան նպատակը, խնդիրները և դրանց հասնելու գործողությունները (ներառյալ՝ աջակցող ծառայությունները)

Կրթական կարիքի դպրոցական մակարդակի գնահատումն իրականացնելու համար անհրաժեշտ է

• Գնահատում և դիտարկում միայն առանձնացված սենյակում

• Գնահատում մանկավարժահոգեբանական աջակցության կենտրոնում

• Գնահատում երեխայի բնական միջավայրում` դասապրոցեսում և դրանից դուրս

• Գնահատում երեխայի բնական միջավայրում` դասապրոցեսում

Անհատական ուսուցման պլանը մշակվում է այն դեպքում, երբ

• Սովորողը գնահատվել է տարածքային մակարդակում և ճանաչվել՝ որպես կրթության առանձնահատուկ պայմանների կարիք ունեցող

• Դպրոցական մակարդակի գնահատման արդյունքում սովորողի մոտ արձանագրվել են կայուն դժվարություններ

• Կիսամյակային կամ տարեկան ամփոփիչ գնահատման արդյունքում առնվազն 3 առարկայից չի հաղթահարել հանրակրթական առարկայական չափոփոշչով սահմանված նվազագույն շեմը