latihan UAS

Basa ingkang dipunginakaken basa ingkang kangge ngurmati tiyang ingkang dipun ajak wicantenan, dene basanipun ngginakaken basa krama madya sedaya, ater-ater lan panambangipun ugi dipunkramakaken. Tembung sesulih tiyang, aku dados kula, kowe dados sampeyan, punika pangertosan saking basa....

• ngoko alus

• krama lugu

• krama alus

• basa kedhaton

• ngoko lugu

Answer explanation

Basa krama lugu, yaiku basa sing kanggo ngurmati wong sing diajak omong-omongan, dene basane nganggo tembung krama madya kabean, ater-ater lan panambange uga dikramakaken. Tembung sesulih wong aku dadi kula, kowe dadi sampeyan.

Jumadi nganggo kaos warna abang. Basa kramane abang yaiku....

• abrit

• cemeng

• pethak

• jambon

• jenar

Answer explanation

basa kramane

putih : pethak

abang : abrit

ireng : cemeng

kuning : jenar

ijo : ijem

biru : wilis

Bu Tari nembe dahar lajeng badhe tindhak peken.

Tata panulisan ukara ing dhuwur ingkang trep yaiku….

• Bu Tari nembe dhahar lajeng bade tindhak peken.

• Bu Tari nembe dhahar lajeng badhe tindak peken.

• Bu Tari nembe dahar lajeng badhe tindak peken.

• Bu Tari nembe dhahar lajeng bade tindak peken.

•   Bu Tari nembe dahar lajeng badhe tindak peken.

Ater-ater hanuswara ing ngisor iki manggon ana ing sajroning tembung….

• Kula sampun matur kaliyan Bapak.

• pambalap moto GP iku wekasane bisa munggah ana podium.

• sawise budhal saka omah, Sariman banjur mangetan menyang dalan iku.

• Pak tani saweg macul wonten sabin.

• menawa dina Setu, adhiku melu kegiyatan nyanyi lan nglangi.

Answer explanation

Tembung Lingga (kata dasar)

Yaiku  tembung kang dereng owah saka asale. Tuladhane adus, ngarit, turu, meja, kursi, dolan, tandur, cekel, mulih.

Ater-ater anuswara “na, ma, ny, ng”

tuladha:

na + tampa: nampa

ma + pacul: macul

ny + sapu: nyapu

ng + goreng: nggoreng

Bocah-bocah padha cengengesan ngrungokna crita kang dikandhakake Suyatmi.

Tembung cengenges ing ukara inggil kalebu tembung….

• dwilingga salin swara

• dwilingga semu

• dwi purwa

• dwi wasana

• dwilingga

Answer explanation

Dwi wasana

Yaiku tembung-tembung sing diwaca kaping pindho mung wanda sing mburi.

cekik   : cekikik

cenges : cengenges

pethet : pethethet

Penyo  : penyonyo

Mbah Noto tindak peken wingi sonten. Menawa ukara kasebut diudhari miturut jabatan kalimate, tembung kang kalebu perangan wasesa yaiku….

• Mbah Noto

• tindak

• peken

• wingi

• wingi sonten

Answer explanation

jejer : Mbah Noto

wasesa : tindak

lesan : peken

keterangan wekdal : wingi sonten

Ukara ing ngisor iki kang ngemot tembung yogyaswara yaiku….

• Siswa-siswi ing sekolahku menawa dijumlah cacaeh ana 800.

• Kumalasari ngisi teka-teki kang ana ing majalah Ancas.

• Bagas bengak-bengok goleki adhine ing lapangan.

• Bapak Juno pontang-panting golek biaya sekolah kanggo anake.

• wis dikandhani bola-bali menawa dolan aja suwe-suwe.

Answer explanation

Tembung yogyaswara yaiku tembung loro sing digandheng dadi siji, sing ngarep tiba swara “a” dene sing mburi tiba swara “i” lan nduweni teges lanang wadon.

Tuladha:

a.      Mahasiswa-mahasiswi

b.      Dewa-dewi

c.      Siswa-siswi

d.      Putra-putri

e.      Prameswara-prameswari

Ing ngisor iki ukara kang ngemot tembung saroja yaiku….

• Cindhelaras nyekel pamrentahan, rakyate padha urip ayem tentrem.

• urip ing jaman susah kudu bisa nampa kahanan kanthi sabar.

• para siswa ditugasi dening bapak guru nandur kembang-kembangan ing taman sekolahan supaya katon endah banget.

• putrane Pak Sastro kang arane Sinta pancen duwe paras kang ayune kaya dewa-dewi kang tumurun saka langit.

• Mas Bejo nalika dadi manten adus luh awit kelingan marang bapak ibune kang adoh ing rantau.

Answer explanation

Tembung saroja yaiku tembung kalih utawi langkung ingkang sami tegesipun lan dirangkep dados setunggal, ugi nggadhahi makna mbangetake.

Tuladha:

a.  Abang branang

b.  Angkara murka

c.  Bagas waras

d.  Babak bundhas

e.  Jabang bayi

Tuladha ing salebeting ukara:

Cindhelaras nyekel pamrentahan, rakyate padha urip ayem tentrem

Sing kudu dicathet lan digatekna nalika ngrungokna pawarta yakuwe, kejawi….

• tanggal lan wektu penyiaran

• jenenge sing maca pawarta

• jenenge acara

• sumber acara

• kepriwe isine (dudutan/ kesimpulan)

Maca pawarta neng radhio utawa televisi kuwe kudu cetha terwaca, amarga pawarta mau dirungokna neng wong akeh. Nalika maca pawarta, sing kudu digatekake antarane, kejawi….

• swarane kudu pas, ora kelirihen uga ora kerosaen

• pocapan vocal lan konsonan neng tembung kudu genah

• nggatekake tembung lan lafale kudu trep lan cetha

• pasuryane lan paningalane kudu mawas prabawa lan trep

• dedege kaku kaya wong sing lagi maras

Answer explanation

Nalika maca pawarta, sing kudu digatekake antarane:

a.      Swara: swarane kudu pas, ora kelirihen uga ora kerosan.

b.      Pocapan (lafal): pocapan vokal lan konsonan neng tembang kudu genah.

c.      Artikulasi: nggatekaken tembung lan lafale kudu trep lan cetha.

d.      Intonasi: gegayutan karo endhep lan dhuwure swara.

e.      Pasuryane lan paningalane kudu mawas prabawa lan trep.

f.       Dedege kudu luwes.