Edukasyon sa Pagpapakatao

1. Mayroong paligsahan sa inyong paaralan. Ikaw ay may kakayahang gumuhit ng mga larawan. Ano ang dapat mong gawin sa talentong ibinigay sa iyo ng Diyos?

• A. ikahihiya ko

• B. ipagyayabang ko

• C. ibabahagi ko sa iba

• D. itatago ko na lamang

2. Si Erman ay mahusay sa asignaturang Matematika kung kaya’t inatasan siya ng kanyang guro na turuan ang kaklaseng may kahinaan sa paghahati-hati ng mga bilang. Ano ang nararapat gawin ni Erman?

• A. aasarin ang kaklase at hindi tuturuan

• B. tutuksuhin ang kaklase at pagtatawanan

• C. hindi susundin ang guro at maglalaro na lamang

• D. tutulungan ang kaklase na maunawaan ang aralin

3. Labis ang kasiyahan na nadarama ni Shane tuwing nakakikita siya ng mga sumasayaw. Nais din niyang matutong sumayaw ngunit sinabihan siya na “matigas ang iyong baywang”. Ano ang dapat gawin ni Shane?

• A. Ipahilot ang baywang upang ito ay lumambot.

• B. Awayin ang nagsabi na matigas ang kanyang baywang.

• C. Itigil na lamang ang pagsasayaw upang hindi na mapahiya.

• D. Mag-ensayo araw-araw upang matuto at gumaling sa pagsayaw.

4. Bakit kailangang tuklasin mo ang iyong talento at hilig?

• A. upang makalamang at maipagyabang sa kapwa

• B. upang magsilbi itong kalakasan sa lahat ng gawain

• C. upang magsilbi itong kahinaan sa pang-araw-araw na gawain

• D. upang mapaunlad at mahasa sa pamamagitan ng paggamit nito sa araw-araw

5. Gumagawa ka ng proyekto nang dumating ang pinsan mo at niyaya ka para magbisikleta sa labas. Ano ang nararapat mong gawin?

• A. paaalisin mo ang iyong pinsan at hindi sasama

• B. pagsasabayin ang pagbibisikleta at paggawa ng proyekto

• C. sasama agad sa iyong pinsan upang magbisikleta sa labas

• D. tatapusin muna ang proyekto at makikipaglaro sa oras na matapos ito

6. Mababa ang markang nakuha ni Mara sa proyektong ibinigay ng kanyang guro dahil mas pinili niyang makipaglaro sa kanyang pinsan kaysa gawin ito. Ano ang katangiang ipinakita ni Mara sa kaniyang ginawa?

• A. pagiging masayahin sa pakikipaglaro

• B. pagiging matiyaga sa paggawa ng proyekto

• C. may pagpapahalaga sa gawaing pampaaralan

• D. may pakialam sa magiging resulta ng kanyang paglalaro

7. Mahirap ang kalagayan ng isang pamilya at walang sapat na pera sa kanilang pamumuhay. Alin sa sumusunod ang nagpapakita ng katatagan ng loob?

• A. Hintayin na tulungan ng mayamang kamag-anak.

• B. Tumigil sa pag-aaral upang mabawasan ang gastusin.

• C. Katulungin ang mga batang anak sa paghahanap-buhay.

• D. Magsikap sa abot ng makakaya upang guminhawa ang pamumuhay.

8. Si Jose ay mayroong kapansanan at hindi makalakad ngunit gusto niyang pumasok sa paaralan. Alin sa sumusunod ang nagpapakita ng katatagan ng loob?

• A. Mahiya dahil sa kapansanan.

• B. Lumiban sa klase dahil sa panunukso ng mga kaklase.

• C. Makipag-away sa mga kaklase at umiyak nang malakas.

• D. Determinadong papasok sa paaralan at mag-aral na mabuti.

9. Ang Corona Virus (COVID -19) ay nakaapekto ng malaki sa kalusugan at buhay ng mga tao. Alin sa sumusunod ang HINDI dapat gawin upang makaiwas sa sakit?

• A. Magsuot ng facemask tuwing lalabas ng bahay.

• B. Palagiang maghugas ng kamay o gumamit ng alcohol.

• C. Panatilihin ang isang metrong distansya sa ibang tao.

• D. Lumabas ng bahay kahit na may ubo at lagnat, at makisalamuha sa ibang tao.

10. Naniniwala ang marami sa kasabihang “Ang Kalusugan ay Kayamanan”. Ano ang ibig sabihin nito?

• A. Nakakukuha ng kayamanan sa kalusugan.

• B. Maaaring yumaman ang isang tao kung ito ay malusog.

• C. Mayroong maayos, masagana at masayang pamumuhay ang taong malusog.

• D. Maraming perang pambili ng mga materyal na bagay ang isang tao kung siya ay malusog.