"Ang Parabula ng Pagkakaibigan" (Mangyan)

1. Ano ang ginagampanan ng magkaibigang sina Juanito at Pedrito sa isla?

• A. Si Juanito ang nagtatanim at si Pedrito ang nagsasaing

• B. Si Juanito ang tagakuha ng pagkain at si Pedrito ang tagapagluto

• C. Si Juanito ang tagasibak ng kahoy at si Pedrito ang nagsusunog nito

• D. Si Juanito ang nagtitinda at si Pedrito ang bumibili ng pagkain

2. Ano ang iniutos ni Juanito sa kaibigan nang pagod na pagod itong dumating mula sa pangingisda?

• A. Iluto agad ang nahuling isda at ihain sapagkat siya'y gutom na

• B. Ipaghanda siya ng malinis na damit na pamalit mula sa pangingisda

• C. Ipagtimpla siya ng kapeng maiinom na pantanggal ng pagod

• D. Ibigay ang mga ipinatago niyang salapi sa kaibigan

3. Ano ang ginawa ni Juanito kay Pedrito nang sandaling hindi nito maihain agad ang ipinalulutong isda?

• A. Pinagtaasan niya ng boses ito at sabay na umalis sa harap nito

• B. Pinagsabihan niya ang kaniyang kaibigan na bilisan sa pagluluto

• C. Pinagbuhatan niya ng kamay ang kaniyang kaibigan

• D. Pinagpasensiyahan na lamang niya ang ginawa ng kaibigan

4. Ano naman ang isinulat ni Pedrito sa buhanginan matapos siyang pagbuhatan ng kamay ng kaniyang kaibigang si Juanito?

• A. "Sa araw na ito ay sabay kaming kumain ng aking kaibigan."

• B. "Sa araw na ito ay ipinagluto ako ng aking kaibigan."

• C. "Sa araw na ito ay gumala kami ng aking kaibigan."

• D. "Sa araw na ito ay nasampal ako ng aking kaibigan."

5. Ano ang nangyari sa magkaibigan matapos ang nasabing pangyayari?

• A. Kinalimutan na lamang ng magkaibigan ang nangyari sa pagdaan ng mga araw

• B. Hindi na sila nagkausap matapos ang nangyari sa kanilang dalawa

• C. Lalong tumindi ang galit nila sa isa't isa matapos ang nangyari

• D. Nagkaroon ng matinding sama ng loob si Pedrito sa kaibigan

6. Ano ang nangyari kay Pedrito nang isang araw sa kalagitnaan ng paglangoy nilang magkaibigan sa ilog?

• A. Nakagat ng insekto ang kaibigan habang nasa gubat

• B. Nahulog sa puno si Pedrito habang umaakyat ito

• C. Namulikat ang paa ni Pedrito habang lumalangoy ito

• D. Nadapa ang kaibigan habang naglalakad sa kakahuyan

7. Ano ang ginawa ni Juanito sa kaibigan nang makitang nalulunod ito sa paglalangoy sa ilog?

• A. Tinawanan niya ang kaniyang kaibigan habang namumulikat sa ilog

• B. Sinaklolohan niya ang kaniyang kaibigan at dinala sa pampang

• C. Pinabayaan na lamang niya ang kaniyang kaibigan habang nalulunod

• D. Tumawag ng tulong si Juanito upang saklolohan ang kaibigan

8. Ano ang iniukit ni Pedrito sa malaking bato matapos siyang iligtas ng kaniyang kaibigang si Juanito?

• A. "Sa araw na ito ay pinabayaan ako ng aking kaibigan."

• B. "Sa araw na ito ay sabay kaming lumangoy ng aking kaibigan."

• C. "Sa araw na ito ay iniligtas ako ng aking kaibigan."

• D. "Sa araw na ito ay sinaktan ako ng aking kaibigan."

9. Ano ang nakasanayang gawin ni Pedrito sa tuwing nakakagawa ng masama at mabuti ang kaniyang kaibigang si Juanito?

• A. Ipinagsasabi niya ito sa ibang mga tao sa kanilang lugar

• B. Kinakalimutan na lamang nito ang lahat ng nangyayari

• C. Nagtatanim siya ng sama ng loob sa lahat ng ginagawa ng kaibigan

• D. Isinusulat niya ang mga ito sa buhangin at iniuukit sa bato

10. Ano ang ginawa ni Juanito nang maunawaan nito ang ginagawang pagsusulat ni Pedrito sa buhanginan at pag-uukit sa bato?

• A. Wala siyang naging pakialam sa nararamdaman ng kaibigan

• B. Humingi ito ng tawad sa kaibigan mula sa mga nagawa nito

• C. Nagtampo siya sa kaibigan dahil sa lihim na ginagawa nito

• D. Hindi na niya kinausap pa ang kaibigan mula nang araw na iyon