April Activity (JHS)

Siya ay isinilang at namatay sa maliit na isla ng Mactan sa Cebu. Siya ang pinuno ng Mactan nang dumating si Ferdinand Magellan sa Pilipinas. Hindi siya sumuko sa mga Kastila. Ikinagalit ito ni Magellan at naglayag ito kasama ng mga kawal mula Cebu patungong Mactan upang siya ay lupigin.

Ipinanganak siya noong ika-20 ng Setyembre 1898. Siya ay kilala bilang "Magiting na Lingkod Manggagawang Panlipunan." Tumulong siyang ipaglaban ang karapatan ng mga manggagawa. Itinatag niya ang Girl Scouts of the Philippines at ang Boys Town of the Philippines.

Siya ay tinaguriang dakilang ina ng pambansang bayani. Maraming hirap ang kanyang tiniis. Pinaghigantihan siya ng mga kastila matapos makagalit ng mga ito ang kanyang asawa. Pinaglakad siya mula Calamba hanggang Sta. Cruz, Laguna. Pagdating doon ay pinagbintangan siya ng tangkang pagpatay. Dahil dito ay nabilanggo siya ng 2 at kalahating taon.

Bawat katipunerong dumating sa kanyang bahay ay kanyang pinakakain at pinagpapahinga. Kung sugatan naman ay kanyang ginagamot. Ipinahuli siya ng mga Kastila nang matuklasan ang kanyang ginawa. Siya ay ibinilanggo at ipinatapon sa Marianas, Guam. Siya ay kilala bilang "Tandang Sora" at "Dakilang Ina ng Himagsikan".

Siya ay kilala bilang "Ama ng Himagsikan at Tagapagtatag ng Katipunan". Naging tanyag ang kanyang dekalogong pinamagatang "Katungkulang Gawain ng mga Anak ng Bayan", at ang tulang " Pag-ibig sa Tinubuang Lupa".

Siya ay kilala bilang "Bayani ng Ikalawang Digmaang Pandaigdig". Ipinadakip siya ng mga Hapones at inatasang isuko ang mga kasulatang iniwan ni Pangulong Manuel Quezon. Tumanggi siya sapagkat higit niyang pinahahalagahan ang kanyang katapatan sa bayan.

Siya ay tinaguriang "Diplomatiko ng Unang Republika ng Pilipinas". Bilang abogado, ipinagtanggol niya ang karapatan ng mga mahihirap. Isa siya sa mahigpit ng tumutol sa katiwalian at pang-aabuso mga Kastila. Nahirang siya bilang kasapi ng "Cuerpo Consultativo" at naglingkd sa Pamahalaang Sentral ng Maynila. Taong 1898 ay tinatag niya ang lupong rebolusyunaryo na tinatawag na "Hongkong Junta".

Siya ang pinakahuling Magiting ng Heneral ng Himagsikan. Namuno siya sa mga manghihimagsik at matagumpay na naitaboy ang mga Kastila sa kanilang lalawigan noong 1896. Tinanghal siyang "Bayani ng Zapote" nang harapin niya ang higit na malakas ng kaaway sa Tulay ng Zapote. Pinalaya din niya ang bayan ngTayabas.

Siya ang "Dakilang Pilipinong Pintor". Iginuhit niya ang "Ang Kamatayan ni Cleopatra" sa isang patimpalak sa Madrid noong 1881 kung saan nagkamit siya ng medalyang ginto. Ilan pa sa kanyang mga tanyag na larawan ay ang "Sanduguan", at "Spolarium". Bukod dito ay marami pa siyang iginuhit. Dahil sa tema ng kanyang mga iginuhit, siya ay napaghinalaang kasapi ng mga lumalaban sa pamahalaang Kastila.

Siya ang kauna-unahang babaeng heneral at babaeng martir sa kasaysayan ng Pilipinas. Nang mamatay ang kanyang asawa, ipinagpatuloy niya ang rebelyong sinimulan nito. Kasama ang mga tauhan ng kanyang kabiyak, buong tapang na nilusob niya ang kampo ng pwersang Kastila sa mga bayan sa may baybay-dagat. Dahil sa taglay niyang tapang, tinawag siyang "Joan of Arc" ng Ilocandia.