තොරතුරු තාක්ෂණය ol ප්‍රශ්න

(2016 OL)

මධ්‍යම සැකසුම් ඒකකයෙහි රික්ත නාල ට්‍රාන්සිස්ටර් මගින් ද, ඉන් අනතුරුව ට්‍රාන්සිස්ටර් අනුකලිත පරිපථ මගින් ද, ප්‍රතිස්ථාපන වීමේ ප්‍රතිඵලය වූයේ කුමක්ද?

• සැකසුම් බලය සහ විදුලිබල පාරිභොජනය යන දෙක ම ඉහළ යාම

• සැකසුම් බලය ඉහළ යාම සහ විදුලි පාරිභෝජනය පහළ බැසීම

• සැකසුම් බලය පහළ යාම සහ විදුලි පාරිභෝජනය ඉහළ යාම

• සැකසුම් බලය සහ විදුලිබල පාරිභෝජනය යන දෙකම පහළ බැසීම

(2018 OL)

A. ඊ-අපද්‍රව්‍ය (electronic waste) අපරික්ෂාකාරී අයුරින් පරිසරයට බැහැර කිරීම. .

B.  භාවිතයට ගත නොහැකි සංයුක්ත ප්‍රතිදීප්ත පහන් (CFL) සහ අනකෙුත් ඉලෙක්ට්‍රොනික උපකරණ (devices) ප්‍රතිචක්‍රීය මධ්‍යස්ථාන වෙත බාර දීම.

C.  භාවිත කළ හැකි මට්ටමේ පවතින ඉලෙක්ට්‍රොනික උපකරණ ඉවත නොදමා වෙනත් අයට විකිණීම හෝ . පරිත්‍යාග කිරීම.

ඉහත සඳහන් දෑ අතුරෙන් ආරක්ෂිත ඊ-අපද්‍රව්‍ය බැහැර කිරීම සඳහා නිදසුන් වන්නේ,

• A හා B පමණි

• A හා C පමණි

• B හා C පමණි

• A, B හා C සියල්ල ම

(2018 OL)

ඊ-රාජ්‍ය සේවාවක් සඳහා උදාහරණයක් නොවන්නේ පහත කවරක් ද?

• ශ්‍රී ලංකා විභාග දෙපාර්තමේන්තුවේ වෙබ් අඩවියෙන් අ.පො.ස.(සා.පෙළ) ප්‍රතිඵල ලබා ගැනීම.

• මාර්ගගත (online) සාප්පුවකින් අයිතම මිලදී ගැනීම.

• පුද්ගලයින් ලියාපදිංචි කිරීමේ දෙපාර්තමේන්තුවෙන් ජාතික හැඳුනුම්පත්‍රය බාගැනීම (downloading)

• ජාතික ජල සම්පාදන හා ජලපවහන මණ්ඩලයේ වෙබ් අඩවිය හරහා ජල බිල්පත් මාර්ගගතව ගෙවීම

(OL 2019)

ආදාන හා ප්‍රතිදාන හැකියාවන් දෙකම පවතින්නේ පහත සඳහන් කවර උපක්‍රමයක ද?

• මෙහෙයුම් යටිය (joystick)

• ප්‍රකාශ අනුලක්ෂ කියවනය (OCR)

• ස්පර්ශ තිරය

• වෙබ් කැම් (webcam)

(OL 2019)

පරිගණකයේ දෘඪ තැටි අකර්මන්‍යවීම්වලින් දත්ත හා තොරතුරු ආරක්ෂා කර ගැනීම   සඳහා අනුගමනය කළ හැකි හොඳ පුරුද්දක් වන්නේ පහත සඳහන් කවරක් ද?

• ගිනිපවුරක් (firewall) ස්ථාපනය කිරීම.

• ප්‍රතිවෛරස් මෘදුකාංගයක් ස්ථාපනය කිරීම

• කාලීනව උපස්ථ (back ups) ලබාගැනීම.

• ප්‍රබල මුරපදයක් භාවිත කිරීම.

(OL 2019)

පරිගණක පරම්පරා සම්බන්ධයෙන් පහත කවරක් නිවැරදි වන්නේ ද?

• අනුකලිත පරිපථ (IC) හඳුන්වාදෙනු ලැබූයේ පළමුවන පරම්පරාවේ පරිගණකවල ය.

• රික්තක නළ (vacuum tube) හඳුන්වාදෙනු ලැබූයේ දෙවන පරම්පරාවේ පරිගණකවල ය.

• ට්‍රාන්සිස්ටර් හඳුන්වාදෙනු ලැබූයේ තුන්වන පරම්පරාවේ පරිගණකවල ය.

• අති විශාල පරිමාණයේ අනුකලිත පරිපථ (VLSI) හඳුන්වාදෙනු ලැබූයේ පස් වන පරම්පරාවේ පරිගණකවල ය.

(OL 2019)

පහත සඳහන් දෑ අතුරෙන් කුමක් ශ්‍රී ලංකාවේ G2C (රජයෙන් පුරවැසියන්ට) සේවා හා බැඳී පවතී ද?

A - අ.පො.ස. (සා.පෙ) විභාග ප්‍රතිඵල මාර්ගගතව බැලීම.

B - මාර්ගගතව ආහාර වර්ග ඇනවුම් කිරීම. .

C - වාහන ආදායම් බලපත්‍ර මාර්ගගතව අලුත් කිරීම. .

• A පමණි

• A හා C පමණි

• B හා C පමණි

• A, B හා C සියල්ලම

(OL 2019)

දත්ත සැකසුම් සදහා උදාහරණයක් වන්නේ පහත සදහන් කවරක් ද?

• මුදල් ආපසු ගැනීමෙන් පසු බැංකුකරණ මෘදුකාංගයක් භාවිතයෙන් ගිණුමේ ශේෂය ගණනය කිරීම.

• ගොනුවක් (file) USB ධාවකයෙන් පරිගණකයේ දෘඪ තැටියට කොපි කිරීම.

• පෞද්ගලික පරිගණකයකට(PC) ශ්‍රව්‍ය සංස්කරණ මෘදුකාංගයක් ස්ථාපනය (install) කිරීම.

• සුපිරික්සකයක් (scanner) භාවිතයෙන් ලිපියක් සුපිරක්සීම.

(OL 2019) සුපිරි පරිගණක, උකුළු පරිගණක හා ටැබ්ලට් පරිගණක අතුරෙන් පහත සඳහන් යෙදුම් අවස්ථා සඳහා වඩාත්ම යෝග්‍ය පරිගණක ප්‍රරූපය තෝරන්න.

A - චන්ද්‍රිකා මගින් අඛණ්ඩව ලබාගන්නා අති විශාල දත්ත ප්‍රමාණයක් සැකසීමට. .

B - තම නිවසින් බැහැරව නිවාඩුව ගත කරන ලේඛකයකුට රචනාවක් ලිවීම සදහා. .

C - ලැබෙන අයිතම ඉල්ලීම් ඇතුළත් කිරීමට වෙළඳසැල්වලට පැමිණෙන ජංගම වෙළඳ නියෝජිතයකුගේ භාවිතය සඳහා.

• A: උකුළු පරිගණක,    B: සුපිරි පරිගණක,  C: ටබ්ලට් පරිගණක

• A: උකුළු පරිගණක,    B: ටැබ්ලට් පරිගණක,  C: සුපිරි පරිගණක

• A: සුපිරි පරිගණක,      B: උකුළු පරිගණක,     C: ටැබ්ලට් පරිගණක

• A: ටැබ්ලට් පරිගණක,  B: සුපිරි පරිගණක,      C: උකුළු පරිගණක

(OL 2019) Ⓐ හා Ⓑ  හිස්තැන් සහිත පහත ප්‍රකාශය සලකන්න:

සැකසීම (processing) කාර්යය කරන විට මධ්‍ය සැකසුම් ඒකකය එහි .......Ⓐ......... භාවිත කරන්නේ ..........Ⓑ........... ගෙන එන ලද දත්ත තාවකාලිකව ආචයනය කිරීම සඳහා ය.

ඉහත  Ⓐ  හා  Ⓑ  හිස්තැන් පිළිවෙළින් පිරවීම සඳහා පහත දක්වා ඇති කුමන සංයෝජනයක් යෝග්‍ය වන්නේ ද?

• ප්‍රාථමික මතකය, රෙජිස්තරවලින්

• රෙජිස්තර, ප්‍රාථමික මතකයෙන්

• ද්විතියික මතකය, ප්‍රාථමික මතකයෙන්

• ද්විතියික මතකය, රෙජිස්තරවලින්