Математикалық сауаттылық ҰБТ нұсқа №4

Дүкенге 3 литрлік және 5 литрлік барлығы 107 л май әкелінді. Берілгендерді пайдаланып, кестеде жазылмаған мәндерді табыңыз.

Көп балалы отбасында 7 бала алманы, 6 бала өрікті, ал 5 бала жүзімді жақсы көреді. Төртеуі алманы да, өрікті де жақсы көреді. 3 бала алма мен жүзімді, ал 2 баласы өрік пен жүзімді жақсы көреді екен. Ішінде біреуі ғана алма, өрік және жүзімнің барлығын жақсы көреді. Тек алманы жақсы көретін неше бала бар екенін анықтаңыз.

$$1,\ 3,\ 6,\ 11,\ 18,\ 29,\ ...$$ сандар тізбегінің жетінші мүшесін табыңыз.

Төмендегі цифрлардан цифрлары қайталанбайтын қанша үш таңбалы сан құрастыруға болатынын анықтаңыз: $$\left\{0;\ 1;\ 3;\ 4;\ 5\right\}$$

Суретте саяжайдағы жидектер егілген жердің дөңгелек диаграммасы берілген. Егер саяжайдағы қарлыған 18 түп болса, онда барлық жидек неше түп және таңқурай егілген жер дөңгелек диаграммада неше градустық бұрышпен кескінделетінін табыңыз.

Цифрлары әртүрлі 5-ке және 10-ға еселік болатын ең үлкен және ең кіші үш таңбалы сандар айырмасының модулін табыңыз.

Театрдың көрермендер залындағы қатар саны әрбір қатардағы орын санынан 7-ге кем. Егер қатар санын екі есе арттырып, әр қатардағы орын санын 5-ке кемітсе, онда залдағы орындықтар саны 270-ке артады. Көрермендер залындағы орындықтар санын табыңыз.

Қыс мезгіліне отын дайындау үшін ұзындығы 2 метрге тең 15 бөрене алынды. Әрбір бөренені ұзындығы 25 см-ге тең бөліктерге бөлу керек. Отын дайындау үшін барлық бөренені неше рет кесу керек екенін табыңыз.

Дүйсенбі күні 7-сыныптың сабақ кестесінде алгебра, қазақ тілі, орыс тілі, тарих және география пәндері тұр. Орыс тілі бірінші де, бесінші де емес, ал алгебра орыс тілі сабағынан бұрын, бірақ географиядан кейін тұр. Бірінші сабақ тарих та, география да емес. Пәндердің сабақ кестесінде орналасу ретін анықтаңыз.

А және В бағандарын салыстырыңыз