Оҥартыш мут теме почеш тергымаш паша

Ончыктымо ойлончышто оҥартыш мут мом ончыкта?

Чыжик-чожик, чыжик-чожик, чож-чож-чож сава йӱк шергылтеш. (В.Сапаев.)

• шижмым

• колмым

• ужмым

Колмым ончыктышо оҥартыш мутан ойлончым палыза:

• Каваште йыл-йыл-йыл йӱлышӧ Чолга шӱдырым, Чолга шӱдыр гай волгыдо Сергейын шинчажым ужеш, шӱргыж дене Сергейын шӱргыжым вӱдыжта. (Д. Орай)

• Муралтат, лӱҥгалтат мужыр оҥгыр гай, йыгыре шогалын ошкыл колтат пелаш гай!— манеш весыже, да коктынат шыр-шыр-шыр воштыл колтат.( Д. Орай)

• Ала-мом пелештынеже^ но мӧр гай чевер тӱрвыжӧ лӱб-лӱб-лӱб лиеш, да адак вуйжым кумык сака. (Д. Орай)

Шижмым ончыктышо оҥартыш мутан ойлончым палыза:

• Сергей капкамат лектеш да карт-карт-карт Пумарий корно дене ошкыл колта.(Д. Орай)

• Мардежеш мурен шогышо телеграф меҥге-влак, бурт-бурт-бурт лийын, шеҥгеке куржыт.

  (Д. Орай)

• Кумда чодырам шергылтарен, паровоз мӱгыралтен колта. «Чеве-е-ерын!» манмыла Сергейлан шокта, могыржылан шыр-р чучеш... (Д. Орай)

Ойлончышто могай чот ончылан зяпятой шындалтеш?

Ала-кушто (1) ял öрдыжтö(2) шудышырчык (3) шыр-чыр-чыр (4) шке улмыжым палдара. (Дим.Орай.)

• 1, 2

• 1,2,3

• 2,3,4

Ойлончышто оҥартыш мут могай член лиеш?

Кечывал жапыште кылдиҥ-кылдиҥ оҥгыр йӱк шоктыш. (Дим.Орай.)

• ешартык

• рашемдык

• умландарыше член

Оҥартыш мут-тиде ...

• ойлончын икгай членже-влакын але кыдежан (сложный) ойлончысо тыглай ойлончо-влакым ушен шогышо служебный ойлымаш ужаш

• ужмым, колмым да шижмым оҥарен ончыктышо ойлымаш ужаш

• мутын але ойлончын значенийжым рашемдыше да грамматический формым ыштыше служебный ойлымаш ужаш

Ужмым ончыктышо оҥартыш мутан ойлончым муза.

• Вуй коваште кож-ж-ж кынелеш. (Дим.Орай.)

• Арсланов пӱйжым чотыр-р пурльо, ушыжым йомдарыш. (В.Иванов.)

• Мардеж тыпланен, каваште йыли-юли шӱдырвлак коедат. (С.Чавайн.)

Шке значенийышт дене оҥартыш мут-влак мыняр тӱшкалан шелалтыт?

• визыт

• нылыт

• кокыт

• кумыт

Оҥартыш мутан ойлончым муза.

• Андрий ала-мо йӱк деч кенета помыжалте. (Я.Ялкайн.)

• Кугу нур покшел йужшо могай яндар, йоҥгата, пушкыдо! (В.Сапаев.)

• Вара, сапкеремым пӱтырен кучен, адак тугак шои-ик шӱшкалтен колта.(Д. Орай)

Оҥартыш мутлан могай морфологический лончылымаш келша?

Олымжым выж-вуж налын кышка, вара рокшым пургеднеже. (С.Чавайн.)

• колмым оҥарен ончыкта, умыландарыше член;

• ужмым оҥарен ончыкта, рашемдык

• шижмым оҥарен ончыкта, умыландарыше член.