PAS BAHASA JAWA SEMSTER 1 KELAS 6

Sayuk Rukun Ndandani Omah

 

Dhukuh Banjaran mapan ing pereng gunung. Warga Banjaran urip ulah tetanen ing tegal utawa sawahe. Salah sijine warga Banjaran arane Bulik Trismi. Bulik Trismi wis randha ora duwe anak. Bojone wis tinggal donya watara sepuluh taun kepungkur. Panguripan sabenidane, Bulik Trismi mung buruh-buruh sing asile kanggo mangan wae sasat kurang. Mulane uripe Bulik Trismi tansah kecingkrangan.

 

Jalaran wis randha, Bulik Trismi ora kuwagang ndadani omahe. Omahe sing saka gedheg wis amoh. Gedhege padha gapuk merga wis suwe. Malah kana kene gedheg dipangan rayap. Payone uga wis rusak. Usuke sing wis gapuk, gawe genthenge padha mlesat. Malah wis ana sing padha ceblok padha pecah. Yen wayah udan omahe Bulik Trismi trocoh kabeh. Kepala dhusun sing uga karan kamituwa weruh kahanan kuwi banjur nglumpukake wargane. Wong-wong diajak gotong royong nulung Bulik Trismi ndadani omahe.

            Pak Kamituwa ngandharake manawa omah kuwi dibangun nganggo batako. Mulane saliyane butuh tenaga uga butuh dhuwit kanggo tuku material. Wong-wong padha setuju.nglumpukake material dhisik. Yen mengko material wis cumepak, banjurgotong royong mbangun omah. Sawise watara sasasi dhuwit wis cukup kanggo tuku material. Pak Lantip sing tukang watu lan tukang kayu sing mimpin gawe omah. Wong-wong padha tumandang, nanging ora ngarep-arep bayaran. Material sing kurang isih entuk sumbangan maneh. Pangane sing nyambut gawe uga disumbang tangga teparo. Bareng dadi, omahe Bulik Trismi ora pati gedhe. Nanging katon rosa tur wis ora trocoh maneh. Omah sing maune gedheg, dadi gedhong. Bulik Trismi ora kadhemen kaya nalika omahe isih gedheg kae. Kabeh merga gotong royonge wong sadhukuh.

 

Apa sing diklumpukake dhisik kanggo mbangun omahe Bulik Trismi?

• Material

• Batako

• Tenaga mbangun

• Tukang watu

Sapa sing mbangun omahe Bulik Trismi nganti rampung?

• Kamituwa

• Pak Lantip

• Tukang watu lan kayu

• Wong Sadhukuhan

Apa sumber pengasilane Bulik Trismi?

• Ditinggal bojone.

• Randha ora duwe anak.

• Mung buruh-buruh.

• Urip kecingkrangan.

Apa sing gawe gentheng omahe Bulik Trismi padha mlesat?

• Gedhege dipangan rayap

• Omahe trocoh kabeh.

• Usuke padha gapuk.

• Payone wis rusak.

Kepala dhusun sing uga karan kamituwa weruh kahanan kuwi banjur nglumpukake wargane. Wong-wong diajak gotong royong nulung Bulik Trismi ndadani omahe. Pak Kamituwa ngandharake manawa omah kuwi dibangun nganggo batako. Mulane saliyane butuh tenaga uga butuh dhuwit kanggo tuku material. Wong-wong padha setuju nglumpukake material dhisik. Yen mengko material wis cumepak, banjur gotong royong mbangun omah.

Cuplikan crita iki kanggo mbuktekake yen warga dhusun tansah

• ayem tentrem

• nglumpukake material

• manut kepala dhusun

• guyup rukun

  Unsur pembangun informasi kang nuduhake ngenani alasan utawa sebab dumadine sawijine kedadean, yaiku ....

•   Kapan

• Kepriye

• ing ngendi

• geneya

   Tembang sing kedadeyan saka 7 gatra: 8i, 8a, 8e, 8a, 7a, 8u, 8a diarani tembang…

•    Kinanthi

• Gambuh

• Asmaradana

• Pangkur

    Tembang Pangkur kedadean saka…

•   7 gatra: 8a, 11i, 8u, 7a, 12u, 8a, 8i

• 7 gatra: 12a, 7i, 6а, 7а, 8i, 5a, 7a

• 7 gatra: 8a, 8a, 8e, 8a, 7a, 8u, 8a

• 6 gatra: 8u, 8i, 8a, 8i, 8a, 8i

    Aja nyeleh dhuwit glethak-glethek mundhak ilang, jalaran kelas kene kanca sing....

Tembung entar sing bener kanggo nggenepi ukara iki ....

• cupet pikire

• dawa tangane

• gedhe sirahe

• tipis lambene

Cakraningrat, Raja Mataram rumangsa panas atine nguningani Adipati Rangga Tohjiwa ora gelem teluk marang Mataram. Prentah marang Suramentaya nelukake Kadipaten supaya Malang. Suramentaya sing wis tuwa dibantu Surantani, nom-noman sing dadi senapatine prajurit. Prajurit budhal nggempur Kadipaten Malang.

   Cuplikan crita iki tembung sing klebu tembung entar, yaiku

•    panas atine

• ora gelem teluk

• senapatine prajurit

• budhal nggempur