Bahasa Dayak Kelas 5

Aku – kalompok – halemei – bajar – toh

Kalimat je buah bara susunan kutak hunjon iete . . . .

• Aku halemei toh kalompok bajar

• Aku bajar kalompok halemei toh

• Halemei toh Aku kalompok bajar

• Bajar kalompok Aku halemei toh

Basa teks penda toh akan manjawab soal nomor 2 - 3

Ungkapan

a.         Jaton uei uhat mahin baguna

Rimae: Amon jaton je bahalap, je dia bahalap mahin baguna kea.

b.        Keleh pehe helo, sanang rahian

Rimae: Aloh susah helo asal sanang rahian

c.         Behas melai bulu tarawang

Rimae: Taloh je bahalap tatap bahalap, taloh je papa akan tarawang.

Tanding Tampengan

a.         Kilau pusa mangawuk taie

Rimae: Iumpama oloh je santar bausaha manutup kasalae

b.        Kilau pusa nihau anake

Rimae: Nihau akal, bingung, hadari kanih kate

c.         Kilau pusa tuntang balawau

Rimae: Iumpama oloh je santar bamusuh, dia puji handak damai

Hade bajualan wadai kaliling bara huma ka huma. Aloh wayah balasut atawa andau ujan, Hade tatap bajualan. Wayah toh Hade tege toko wadai kabuat. Jerih payah a manggau modal akan mambangun toko dia sia-sia. Are pelanggan je mamili wadai hong toko Hade te. Hade sanang sinde.

Ungkapan je buah akan sarita hunjon iete . . . .

   

• behas melai bulu tarawang

• kilau sirih haluli ka patinge

• jaton uei uhat mahin baguna

• keleh pehe helo, sanang rahian

Sinta tuntang Santi hampahari. Tapi kaduee dia puji akur, cara bakalahi barabut usik. Hatangis kulae, sampai oloh bakase pehe kuluk mauruse.

Tanding tampengan je buah akan sarita hunjon iete . . . .

• kilau pusa nihau anake

• kilau pusa tuntang sehei

• kilau pusa mangawuk taie

• kilau pusa tuntang balawau

Basa teks penda toh akan manjawab soal nomor 4 - 9

Akan Tana

 

Sinde andau Toni dengan bapae tulak akan tana, sula-sulake ewen due manduan besei bara penda huma, limbah manduan besei, ewen due muhon akan batang. Toni palus malekak lawak jukong, bapae mundok hong kamburi tuntang Toni munduk hong haluan. Toni ewen due habapa palus mambesei kan hila ngawa. Dia tahi ewen due mambesei, salenga andau ujan. Ewen due tende penda kayu, dia tahi ewen due bakalindung salenga mahining auh taloh manjakah arep akan danom. Ewen due uras nampayah pai ije kongan bajang dimpah sungei te. Toni ewen due bapae te palus mambesei mangguang bajang te. Toni mamunu bajang te sampai matei. Toni maimbing tanduk bajang te tuntang bapae mambesei akan saran sungei.

Metoh Toni ewen due bapae manggatang bajang te akan jukong, dumah Heri ewen due bapae akan tana kea. Bapa Toni mantehau Heri ewen due bapae mangat mandohop manguan bajang te. Ewen palus maimbit bajang te akan pasah tana. Into tana te ewen manguan bajang te sampai barasih palus mambagie.

Bapa Toni manyewot tarima kasih dengan Heri ewen due bapae. Bapae Heri manyewot tarima kasih kea awi bapae Toni jari manenga bajang je dinun ewen. Ewen haya-hayak buli akan lewu maimbit bajang je dinon ewen. Andau te ewen balang akan tana. Sampai  into huma Toni mansanan akan umaie tuntang jeje.

Meto je munu awi Toni iete . . . .

• hadangan

• palanduk

• bajang

• bakei

Eweh je mandohop Toni dengan bapae manguan bajang?

Jawab:

(a)  

Bapae mundok hong haluan tuntang Toni munduk hong kamburi.

• Buah

• Sala

Toni dengan bapae tulak akan tana.

• Buah

• Sala

Into tana te ewen manguan bajang te sampai barasih palus mambagie.

• Buah

• Sala

Sampai  into huma Toni mansanan akan mamae tuntang jeje.

• Buah

• Sala

Aran Sungei into Kalimantan Tengah

Kalimantan Tengah ije provinsi into Kalimantan je ibu kotae Palangka Raya. Provinsi Kalimantan Tengah kalombah ah kurang labih ije satengah kali pulau jawa. Into Kalimantan Tengah are sungei hai tuntang kurik. Sungei te paham baguna akan jalan kalotok. Kapal murik mimbit kare barang dagangan misal ah behas, gula, uyah, minyak gas, bawang, kaminting, ruku, benang, pakaian, pisau, baliung tuntang je beken tinai. Amon ewen masuh, ewen mimbit tapang uei, amas.

Wayah tuh sungei lai Kalimantan Tengah are perubahan awi are oloh manyedot manggau amas into sungei te. Tiap sungei uras tege lanting sedot, tuntang te rahusan sungei are hubah tuntang manjadi teh. Amon wayah toh pandang bahali tutu murik akan hulu, awi te uras regan barang batambah larang, kute kea kabalikan regan barang bara ngaju tambah murah.

 Manomon pander tuntang oloh are tuntang panalitian oloh pintar, danom sungei je eka oloh manyedot te are tercemar markuri atawa danom rasa. Markuri atawa danom rasa te tau mampalembut payakit je bahali keleh. Tagal te danom kurang bahalap akan danom ihop, labih bahalap itah mihop danom pompa bara penda petak.

Amon wayah danom handalem sungei toh paham menguntungkan akan padagang tuntang masyarakat je melai hulu. Awi kapal tuntang kalotok tau murik mimbit barang dagangan, masyarakat lai hulu dia kakurangan barang keperluan belom gagenep andau.

Aran kakare sungei je hai lai Kalimantan Tengah iete Sungei Barito, Sungei Kapuas, Sungei Kahayan, Sungei Sabangau, Sungei Katingan, Sungei Mantaya, Sungei Seruyan, Sungei Kumai, Sungei Arut, Sungei Lamandau tuntang Sungei Jelai.

Untung kea wayah pambangunan toh, aloh wayah pandang tuntangdanom teah, are jalan jari imangun mahubung tiap kabupaten. Jalan jari imangun bara Palangka Raya akan Kasongan, Sampit, Pangkalan Bun tuntang Nanga Bulik sampai Kudangan. Jari imangun kea jalan bara Palangka Raya akan Pulang Pisau, Kuala Kapuas, Banjarmasin, Tamiang Layang, Ampah, Buntok, Muara Teweh sampai Puruk Cahu. Tege kea imangun jalan bara Palangka Raya, Bukit Rawi, Bawan, Sepang, Kuala Kurun sampai akan Tewah. Tinai imangun kea ,jalan bara Palangka Raya, Bukit Rawi, Timpah sampai akan Buntok. Jadi, amon wayah pandang oloh mimbit barang dagangan mahalau jalan hunjon petak, amon wayah ujan atawa danom handalem oloh mimbit barang mahalau sungei.

 

Ibu kota Kalimantan tengah iete . . . .

• Sampit

• Palangkaraya

• Pangkalan Bun

• Kuala Pembuang