Io̍k-ta̍t ko1kî-bué ho̍k-si̍p

 阿明：這馬哪有人咧寫批啦！攏嘛是用手機仔聯絡！

阿芬：著啊！這就是綴時代進步。

根據阿明佮阿芬的對話，請問，綴時代進步就是一種啥物？

• 範勢

• 出世

• 趨勢

• 姿勢

頭家共各種石材排甲規店頭滿滿滿，生理一定真好！

請問，「排甲規店頭滿滿滿」嘛會使按怎形容？

• 臭薟薟

• 密喌喌

• 絚絚絚

• 躼躼長

阿麗：頭家已經咧受氣矣，你莫閣應喙應舌啦！

阿俊：我滿腹委屈，為啥物袂使揣伊講予清楚？

阿麗：你愛會曉看人面色啦！

根據對話，請問，上適合的俗諺是佗一句？ 

• 上山看山勢，入門看人意。

• 人無照天理，天無照甲子。

• 算萬算，毋值天一劃。

• 戲棚跤徛久就是你的。

阿秀：我看阿華做代誌攏無用心，予人感覺袂交代咧！

阿宏：你莫看貓的無點喔！每一个人𠢕的所在無仝款。

阿秀：敢按呢？我猶是感覺無偌妥當！

根據對話，請問阿宏愛應佗一句話較適合？

• 食人一口，人一斗。

• 一枝草，一點露。

• 一步棋，一步著

• 近山剉無柴，近溪擔無水

阿宗：這馬疫情已經足嚴重，我看咱愛閣較注意咧！

阿玲：是啊！去任何場所愛配合政策，用手機仔掃描抑是照實寫家己個人的資料。

阿宗：是有較麻煩啦！毋過為著家己佮別人的設想，猶是好好仔配合較妥當。

根據對話，請問，𪜶兩个人是咧討論啥物主題？

• 磅體溫。

• 徛名制。

• 用酒精。

• 掛喙罨。

 阿文：阿志仔最近是咧無閒啥？攏無看著伊的人。

阿雲：聽講家己咧進修，欲考律師的執照。

阿文：伊做代誌謹慎，事事項項攏準備甲誠周至，無問題啦！

阿雲：一步棋，一步著，愛有行動，做就著矣！

根據阿文、阿雲𪜶的對話，阿志是啥物款的人？

• 會偷食步。

• 無拍無算。

• 跤踏實地。

• 奸巧狡怪。

阿凱：昨昏下班了後，我家己一个人行佇一條暗巷仔底，煞差一點仔去予人搶劫。

阿珊：欲驚死人！人有按怎無？最後咧？

阿凱：我大聲喝救人，彼箍歹人走若飛就緊旋矣！

根據對話，下面佗一句描述是正確的？

• 誌發生佇光頭白日。

• 歹人真大膽，一直膏膏纏。

• 好佳哉人無著傷、財物無損失。

• 最後有人替伊報警察處理

阿材：醫生，我人真艱苦，規身軀無爽快。

醫生：你有啥物症頭出現？

阿材：我實鼻、頭疼、畏寒、流鼻水………

根據對話，阿材有可能是啥物病？

• 胃腸炎

• 感冒

• 著痧

• 生目針

俊豪逐工怙步輦去學校上班，誠辛苦呢！有影佩服伊。

請問這句話是講俊豪按怎去學校的？

• 用跤踏車。

• 用行的去學校。

• 坐巴士去的

• 坐三輪車去的。

俊傑彼个人誠戇（gōng)直、無啥物心機，真好鬥陣。

請問這句話是咧講俊傑這个人按怎？

• 條直

• 袂直

• 坦直

• 橫直